Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Тема дня

Владимир Волков ванозе «ванфты поликлиникать» работанц

Мордовиянь Оцюнясь Владимир Волков 29 декабрьста ванозе, кода эряфс ётафтови «Бережливая поликлиника» проектсь С.В.Катковонь лемса Республиканскяй клиническяй больницять поликлиническяй отделениянц видеса Советскай ульцясь, 79№ кудсь адресс коре.
Пчкафты учреждениясь обслуживандасыне ошть центральнай пяльксонц кемокстаф населениянц 34 тёжяньда лама ломаненц. Мелянь кизотнень ульсь лама пеняцяма и пшкядема, тяконь лувксса и республикань Оцюняти, што ломаттне куватьс учендыхть очередьса, сембе сайхненди сашендовсь пшкятькшнемс регистратурань фкя вальмяти.
«Бережливая поликлиника» проектть эряфс ётафтоманц мяльса кирдезь, пациенттне явфтфтольхть колма потокова: тяниек эрявикс лезкссь, диспансеризациясь и специалисттнень ширеса улемась. Тяниень пингть сембе ня потокнень лангса руководства вятихть администраторсь и регистраторхне. Ломаттне, конат сашендыхть справканкса, направлениянкса, а стане жа диспансеризациянь ётама, прививкань тифтема—аф пшкятькшнихть регистратурав, теест тиф профилактическяй башка блок. Тяниеконь состояния мархта пациенттнень администраторсь эстокиге кучсесыне эрявикс лезксонь кабинету. Посетительхнень 60 процентсна инголенди тяштьфнихть пря приемс личнай кабинетть вельде, теестка аш мезенкса пшкятькшнемс регистратурав, синь картасна пачфневихть тяда инголе. Регистраторсь тяштьфнесыне приемс пациенттнень, конат аф содасазь компьютерть, максси справочнай информация, маломобильнай   пациенттненди корхнемста ули кода озамс.
Главнай врачть Олег Маркинонь валонзон коряс, тянь семботь мяльса кирдезь, регистратурав очередсь кирсь колмонь-крда.
Марстонь информационнай системаса работамать инкса кочкафоль специальнай программа, кона лезды ваномс пациентть мельге, поликлиникав сувамстонза ушедомок. Кда пациентсь юкстась сувамс врачти плановай осмотрас—программать вельде теенза кучеви врачть эзда тердема личнай кабинету или смс-оповещения.
Пчкафтомань учреждениять ваномстонза республикань Оцюнясь китькстазе: поликлиникатнень работаса инь васенце задачатнень эзда фкясь—аф нолдамс формализма диспансеризациять ётафтомста. «Врачти етафтома пациентти сняра пинге, штоба содамс, рисконь кодама группати сон канневи, эсь пингстонза сявома сонь специалисттнень контрольснон алу и кучема эрявикс обследованияти коль сяда курокста»,—мярьгсь Владимир Волков.
Мордовиянь Оцюнять мархта корхнемста пчкафтомань учреждениянь главнай врачсь мяль шарфтсь тевлавонь искусственнай вентиляциянь экспертнай классонь аппаратть рамаманц, а стане жа процедурнай кабинеттненди и населениянь маломобильнай группатненди санитарнай комнататненди ремонтонь тиемать лангс. Республикань Оцюнясь надияфтсь кирдемс кафцьке эняльдематнень ширеснон.

10.01.2019 №1
 
 
 

 
НОВОСТИ
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин