Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Обо всем понемногу

КОДА СОКОР АЛЁШАСЬ КЕПТЕРНЯТ КОДАЙ И ТЯНЬ МАРХТА ТРЯСЫ СЕМЬЯНЦ

Алексей Захаровонди 27 киза. Ваномок сянь мельге, кода тиендьсы тевонц, мзярдовок аф арьсят, што сон сокор. Отькорьста кодасыне илиста кептернятнень С.-Петербургонь 27 кизоса   эряйсь Алексей Захаров. Ваномок мяльс туй од ломанть тевонц мельге, аф арьсят, што сон сокор. Но сокоршись ашезь шоря эряфс етафтомс арьсефонц, тонадомс илиста  кодамань тефнень. Тяниень пингть сон и эсь семьянц трясы  и лиятненди лезды. Алексей Захаров шачсь Ленинградскяй областень Волосовскяй райононь Оцю Вруда велеса. Кассь лама идень семьяса. Леша инь емлась, идькс пингста аф пяк лац няйсь. 14 кизозонза сокоргодсь ефси. Тонафнесь специальнай (коррекционнай) школаса-интернатса. Кода и лиятне, Алексей тонадозе тонафнемань программать, тонафнесь лувома, кулхцондсь литературнай произведеният, якась кружокс. Мзярда лядсь ськамонза,  Леша арьсесь ушедомс кядень тев, тонадомс кептерень етай пингонь промыслать. Содазе сянь, што Волоколамск ошса ули центра, коса етнихть профессиональнай аноклама няемать коряс инвалиттне Россиянь ламоц уженятнень эзда, а стане жа сокорпяряфне. Ламос апак арьсек тусь тоза. Смузю специалисттне-практикне тонафнезь аф няи алятнень и аватнень кядьснон вельде покодема: шуфтста керсема, илиста кодама, мешень кирдема,  панчфонь, перень серонь касфтома и стак тов. Пяле киза петербуржецсь тонафнезень изделиянь тиемань техникать, эсь кядьса конструировандамать, содафнесь кодамать основной ширензон мархта, конат ашесть полафта кунардонь народнай промыслать эряфста. Получаф специальностсь  панчсь Алексеенди возможность уликс пенсияти ярмаконь прибавамс и творческяй вииямань тага фкя ки. Тячиень шити церати удалась кодамс пангонь, иможень, перень серонь, казненди (декоративнай) кептернят. Тяни Алексей кодай колма-ниле кептернят шити, васенце  вастти путсы качествать, а меле ни—лувксть. «Кальдявста тифть варчсесы сурса» Алексей содай кодамань разнай техникат, конатнень эзда нилетне традиционнайхть: фкясь фкять инкса (ились), фкясь кафттнень инкса, омбоцесь омбоцеть инкса и омбоцесь фкять инкса. Афсатыксть илихнень варчсемста мусы эстокиге. Эряфонь кельги, кеме од ломанць фалу цебярьгофнесы эсь мастерстванц. Пеетькшни, што оцю сталмофтома прималезе экзаменть пяк маштыхнень кядьста, «халтурать» сурса вешсы эстокиге. Арьси, што эрь ломанти тя занятиясь аф стака, цебярь работа инвалидность мархта алятненди и аватненди. Аф стак творчествань тя видсь ули тонафнемань заведенияса кода самостоятельнай курс ограниченнай возможность мархта ломаттненди. Кельгомац, конань лемоц Ольга, вятезе Алешань Шкайти Нинге мзярда тонафнесь Мгинскяй школаса, коса Алексей васьфтезе сай пингонь рьванц, сон сась верати. Арьси, што Шкайсь макссь церати казне—кептернянь кодамать и васедемать Ольга рьванц мархта. Синь семьяснонды котода лама киза. Рьвац морси церькавонь хорса и лезды, кода кивок аф лезни, сокор мирденцты и валса, и тевса. Эрь шиня миртть-рьват сюконяйхть Шкайти сембонь инкса. Синь кафта идьсна—Амвросий и Феврония. Тяниень пингть Захарофнень семьясна эряй С.-Петербургса. Кизонда арнихть Ленинградскяй областень Рабитицы вели, тоса синь аф оцю куднясна. Велень кожфсь пяк ладяй шабатненди. Мирдсь и рьвясь марса тиендихть ремонт, путнихть пере, якайхть модаснон мельге, озафнихть перень серот. Сокорхт аф сят, кит аф няйсазь шить Тунда и кизонда азорть тевдонза лама. Алексей кудса полафнесыне киякснень, строяй  баня, фундаментста ушедомок. Сембось эсь кядензон мархта. Пцтай кода сокор мастер, К.Негруцинь ефксста геройсь, кона «тонадсь кептернянь кодама и циновкань, налхкшень керсема, шуфтста мебелень тиендема и корхнесь эстеенза: «Сокорхт аф сят, кит аф няйсазь шить, а сят, кит аф няйсазь мезьста ащи эряфсна. Пяшкотьф эряфсь максы виень и павазонь маряма».
Алексей Захаровонь валонзон коряс, семьянц инкса анок пантт веляфтомс, аньцек ярмакта аф сатомшка, а куднязост эряви ведь, газ, электричества нолдамс. Государствафтома аш кода. Сяс тевонь кельги, сатфксонь саты и цебярьс надияй алясь надияй эсь лангозонза и власттнень лезксснон лангс.
Елена Чулкова.
 

07.02.2019 №5
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин