Поиск по сайту: 
 

Архив
 апрель 
 2024 
пн вт ср чт пт сб вс
1234567
891011121314
15161718192021
22232425262728
2930     

 
 

 

Мокшэрзянь народть Всероссийскяй VII-це съездонцты анокламась Мокшэрзянь народть Межрегиональнай общественнай организациянц Исполкомонц председателец, профессорсь А.С.Лузгин: «МИНЬ УЛИХТЬ МЯЛЕНЬ КЕПОДИ САТФКСОНЬКЕ!»

—Мокшэрзянь народть Всероссийскяй васенце съездстонза сявомок и тяниень пингти самс тифоль лама цебярь тевда, конат няевиста кеподезь од серьс народоньконь мокшень и эрзянь кялензон, национальнай культуранц и самосознаниянц. Кепотьксонди, национальнай движениять предложениянзон коряс эстоньбере панжевсть и кармасть работама Национальнай культурань институтсь, Мордовиянь национальнай драматическяй театрась, Национальнай культурань центратне.
Тяфта жа национальнай движениять предложениянзон коряс ушедсть вятевома тефне Российскяй Федерациянь лия региоттнень эса, коса компактнайста эряйхть мокшэрзят. Тяни пцтай ведьгемонь регионца мольфтьсазь эсь работаснон Мокшэрзянь народть Межрегиональнай общественнай организациянц региональнай отделениянза. И тя, койсон, минь оцюдонга оцю сатфксоньке.
—Кода молихть тефне мокшэрзянь народть Всероссийскяй VII съездонц  анокламанц мархта? —Мокшэрзянь народонь Межрегиональнай общественнай организациять Исполкомонц аф кунардонь заседаниясонза нинге весть ваноськ квотатнень, конатнень коряс съезду кочкавихть делегаттне Мордовия Республикаса и Россиянь лия региоттнень эса, коса компактнайста эряйхть мокшэрзят, и тяфта жа тердевихть съезду наблюдательхть и инжихть. Нинге весть ванондовсть съездонь секциятнень тематикасна и васттне, коса арьсеви синь ётафтомс. Кепотьксонди, съездонь вете секциятнень эзда кафттне ётайхть Сире Теризморгань Национальнай культурань центраса и Атяшеваса.
Конешна, Исполкомть заседанияса тяфта жа ванондовсь, кода мольфтеви съездти анокламась Россиянь лия региоттнень эса, коса улихть Мокшэрзянь народть Межрегиональнай общественнай организациянц Региональнай отделениянза.
—И кода кармай нолявома тевс Региональнай отделениятнень вийсна?
—Мокшэрзянь народть национальнай самосознаниянц кеподеманкса, Россиянь региоттнень эса, коса работайхть организацияньконь региональнай отделениянза, синь синцень вийснон вельде арьсеви ётафтомс Мокшэрзянь культурань шит. Конешна, минь эсь ширденк макстама теест эрявикс лезкс, но мероприятиянь анокламань и ётафтомань сембе кизефксне кармайхть синь лангсост. Тя кошардсыне работамс нинге сяда эрьгавста. Сявсаськ, кепотьксонди, Ульяновскяй областень региональнай отделениять. Етай кизонь декабрьста Ульяновскяйса Губернаторскяй залса синь пяк лац ётафтозь Мокшэрзянь культурань шитнень. Тя залса ульсь 1000 лама ломань, конат оцю мяльса ванозь национальнай мероприятиять. А сяльде синь кеняртьфтезь выступленияснон мархта артисттне. Ульяновскяй областень мокшэрзянь коллективда башка, тя концертса няфтезь эсь мастерстваснон Мордовиянь национальнай ансамбльхне и  артисттне. Ётксост тяфта жа ульсь Российскяй Федерациянь Народнай артисткась А.Н.Куликова, конань сольнай выступленияц мазоптозе национальнай мероприятиять. Тяфтама работа съездта инголе минь учтама Организацияньконь Региональнай сембе отделениянзон ширде. И тяфтама форматса карматама работама мархтост минцьке.
—Александр Степанович, мокшэрзянь народть Всероссийскяй VII съездоц ётай «Мордовский народ в едином культурном коде многонациональной России» девизть коряс. Койсот, конашкава ладяй сонь идеологияц тячиень вешфксненди?
—Койсон, мокшэрзянь народть Всероссийскяй VII съездонц девизоц няфнесыне инь оцю, инь таколфты кизефкснень, конатнень сембе ширде лац-ряц ваномдост меле народоньконди ули кода сяда кели аськолксса аськолдамс сай пингти. Тяда башка, тяса нинге эряви азомс: VII съездть девизоц лиссь-эвондась тяда ингольдень съезттнень и лия национальнай мероприятиятнень девизснон эзда.
Мокшэрзянь народть 1000 кизонь илац эсь пингстонза ётась «Все мы—Россия!» девиз ала. Сяс тячи тейне нинге весть ули кода азомс: национальнай сембе мероприятияньконь анокламста и ётафтомста минь мольхтяма преемственностень киге. Фкя ширде—Всероссийскяй съездса минь карматама корхтама эсь культураньконь ванфтоманц и виияфтоманц колга, но омбоце ширде—азсаськ: культураньке и народоньке эряйхть и кармайхть вииякшнема российскяй нациянь нароттнень семьяса.
—Шарьхкотьф, мокшэрзянь народть национальнай самосознаниянц кеподеманкса Мордовияса и Россиянь лия региоттнень эса, коса компактнайста эряйхть мокшэрзят, ётафтови лама аф фкя лацонь мероприятия. Конат, койсот, эздост инь няевиксне?
—Эрь мероприятиясь, кона афкукс лезды народоньконь национальнай самосознаниянц касфтоманцты и культуранц виияфтоманцты, тейне фалу кармай инь няевиксокс. Ётксост, койсон, ащихть «Мордовия мастеровая: традиции и современность» этнокультурнай проектсь, мокшэрзянь кяльхнень Всероссийскяй шисна илась, «Мокшэрзянь кялень инь цебярь кабинетсь» республиканскяй конкурссь и ламотне лиятне.
—Александр Степанович, арьсетяма теенть лацкас анокламс и ётафтомс мокшэрзянь народть Всероссийскяй VII съездонц.
—Спасиба. Карматама работама.
                                                                                                                                          В.НЕСТЕРОВ.
 
 

 
НОВОСТИ

https://mokshapr.ru

Наш новый сайт.

https://mokshapr.ru/
10.06.2022
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

2 июньцта коронавируснай инфекциять инголдаманц и келемоманцты кить персеманц коряс региональнай оперативнай штабть заседанияса примафоль решения—лоткафтомс Мордовияса маскань каннемань режимть. Кода азозе вице-премьерсь Галина Лотванова, республикаса эпидемиологическяй ситуациясь лувондови цебярькс и ащи контроль ала. Мекольдень шитнень коронавирусса урмаськодсь 19 ломань, стационархнень эса пчкси 160 пациент.
 

 
Тяконь мархта азфоль, што ковидсь ашезь пота, сяс хуш и валхтф маскань каннемань обязательнай режимсь, общественнай транспортса  и лама ломанень ёткса улемста мярьгондеви нолямс тевс араламань средстватнень. Общественнай питаниянь предприятиятненди мярьгондеви каннемс маскат сотрудникненди, конат работайхть оцю лувксса ломаттнень мархта.

 

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 

Панжемат—од квартираста

Республикасонк лац ётафневи эряфс ломаттнень ташта, калада кудста одс ётафтомаснон коряс федеральнай программась. Тя программать пяшкодемаса Мордовиясь лувондови фкя инь цебярь регионкс марнек Россияса. Эрь кизоня миньцонк цебярьгофнесазь эсь эрямань условияснон, макссевихть панжемат од квартираста 3-4 тёжянь семьянди. Тяфта тевсь ащи кода Саранск ошса, стане республикань райоттнень эса.
 
02.06.2022  № 21
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 

ОТТНЕ—МИНЬ НАДИЯМА ВАСТОНЬКЕ

Артём Здунов ётафтсь васедема «Просвещение» компаниятнень группаснон президентонц Михаил Кожевниковонь мархта. Васедемаса примасть участия МР-нь Правительствать Председателенц заместителец Галина Лотванова и МР-нь образованиянь министрсь Елена Солдатова.

 

Ванондовсть мокшень и эрзянь кяльхнень и литературать коряс учебнай пособиятнень анокламасна и нолдамасна, регионца образовательнай пилотнай   проекттнень эряфс ётафтомасна, конат водендафт школьникнень историять, культурать, родной крайть коензон-обуцянзон колга содамошитнень касфтоманкса, а стане жа образовательнай учреждениятнень эса воспитательнай процессть ладямаса од ширень сувафтоманкса.
 

 

02.06.2022  № 21
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022