Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

МОРАК, ГАРМОНИЯ, МОРАК СИДЕНЯСТА!

Пуромкссь арась эсь лацонь цебярь праздникокс. Залса ашель фкявок шава васта.
 Гармониять морамац кепсесы мяльцень, токсесы седицень, максси вийхть, эрьгя. Вов мес мокшэрзянь крайсонк эрь кизоня «Морак, гармония!» фестивальхнень-конкурснень эса участвондай тняра ломань.
 Тяфта ульсь тяддевок. Гала-концертс састь республикань инь цебярь    гармонисттне, сиде моронянь морайхне, вокальнай ансамбльхне—конкурсонь зональнай турхнень эса сяськихне. Республикань сембе райоттнень эзда и Саранск ошста инь оцю мастерхне састь няфтема эсь маштомошиснон народнай творчествань кельгихнень инголе. Пара азомс, тя мезть примасть участия фестивальса и Приволжскяй Ффдеральнай округстовок ламоц  инь  цебярь    гармонисттне.
Сценав лиси Мордовиянь культурань, национальнай политикань и архивнай тевонь министрсь А.М.Чушкин. Сон Мордовия Республикань Оцюнять лемста азонды лямбе валхт фестивалень-конкурсонь участникненди, сонь аноклаензонды и ётафтыензонды. А сяльде ульсть казнет. Максфтольхть диплопт и лятфнемань казнет фестивальса сяськихненди.
 
Тяфта, солисттнень-вокалисттнень ёткса сяськсть Анна Кукушкина (Темниковскяй районць) и Анастасия Чевтайкина (Старошайговскяй районць), вокальнай ансамбльхнень—«Поюня» (Инсарскяй районць) и «Мерема» (Саранск ошсь) фольклорнай ансамбльхне, «Отрада» народнай ансамбльсь (Рузаевскяй районць) и «Забава» народнай моронь ансамбльсь (Ковылкинскяй районць), «Морай гармонист» номинацияса—Вячеслав Комов (Большеигнатовскяй районць) и Иван Барышников (Ичалковскяй районць). Аккомпаниаторхнень ёткса лауреатокс арасть Алексей Макаев (Торбеевскяй районць), Тамара Щебнева (Лямбирскяй районць), Николай Чудайкин и Сергей Гаврюшов (Большеберезниковскяй районць), гармонисттнень-профессионалхнень—Виктор Пивкин (Старошайговскяй районць), Александр Ермолаев (Пензенскяй областсь), Николай Турусов (Атюрьевскяй районць), Николай Лудин (Нижегородскяй областсь) и стак тов.
 
Оцю кенярдемакс пуромфненди арась каземда меле инь цебярь гармонисттнень, лия исполнительхнень мархта путф концертсь. Сон нинге весть няфтезе: гармониясь кельгови кода эряфкшуфненди, стане и од ломаттненди, иттненди. Лиякс мярьгомс, концертсь тусь сембонь мяльс. И меколи ляткшни аньцек мярьгомс: оду васедемозонк, фестиваль!
                                                                                                                                  К.САЙГУТИНА.
 

Шумордавсь «Морак, гармония!» народнай творчествань фестивальсь-конкурссь
07.03.2019 №9
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин