Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

КАДСЬ ЭСЬ КОЛГАНЗА ВАЛДА И ЛЯМБЕ ЛЯТФНЕМАТ

…Николай Ивановичень, кода содавсь, ашель библиотечнай  образованияц, профессиональнай лама кизонь тевсонза сон ичкозель культурань учреждениятнень эзда, и ся пингти теенза мольсь 62  кизось. Дивандафты ся, конашкава курокста теенза удалась арамс «эсь ломанькс» коллективсонк, сон сувась эзонза «бта потмоста». Эстокиге пуроптозень библиотекань сембе ветераттнень—и работайхнень, и пенсионерхнень, эсь кабинетозонза. Официальнайста тя лемтьфоль ветеранонь ковти, но афкукс тя пуромксста лиссь «круглай шра», конань пингста сон содафтсь сятнень мархта, кит работасть Пушкинкаса инголи, и кие стаки работась   90-це кизотнень ушетксста… Л.Е.Куликова (Гальцина) кода парторганизациянь секретарь и Т.С.Канайкина (Куркина) кода трудовой коллективонь Советонь председатель, арасть теенза авторитетокс коллективса и нежекс работаса. Н.И.Чиняев сембе решениянзон примсезень лиятнень мяльснон мяльс сявозь. Аньцек корхнемок отделонь заведующайхнень мархта и кулемок мезе синь арьсихть, тиендсь платт. Кода няфтезе пингсь, нят ульсть эрявикс мяльхть-арьсемат. Н.И.Чиняевонь самац кошардомазь и минь, лия сотрудникнень, ваномс лиякс работаньконь лангс и лисемс касомань-вииямань од кис. Эряви азомс и ся, што библиотекать ся кизотнень ашуволь материально-техническяй базац. Ашезь сатне мезське: теле-радио-музыкальнай аппаратурась, оргтехникась, переплетнай и реставрационнай материалсь, химреактифне, канцтовархне, тяштемань кагодсь. Но Пушкинкати, кода научно-методическяй головной центрати, ашель кода ляткшнемс ширеса и ащемс тевфтома, аф ваномок уликс туфталхнень лангс. Сембось ащесь финансированиять аф сатнеманц эзда. Николай Иванович путнесь инголенза цельхть и сатнезень синь. Эрь шиц ушеткшнесь республикань и ошень властень оргаттненди, предприятиятненди телефонца гайфнематнень эзда. Тяфта сон анцесь лезкс Пушкинскяй библиотекати. И лезкссь сашендсь лама ширде. Тейнек максфоль тяштемань несколька шра, цветной кафта телевизорхт, ковровай дорожкат. Банкненди и коммерческяй структуратненди спонсорскяй лезксонь максомать колга серматнень лангс макссевсть средстват, конат карьхцсевсть научно-практическяй конференциянь, семинаронь етафтомс. Н.И.Чиняевонди библиотекав работама самдонза меле эстокиге удалась тиемс ремонт библиотекаса, полафтомс валдоптомань оборудованиять лувомань залса и книгань ванфтомс вастса. Библиотекати Национальнай статусонь максомда меле валомне кемокстафоль материально-техническяй ширесь, эвондась сяда лама библиотечнай и техническяй оборудования, музыкальнай техника, рамафтольхть цветной телевизорхт, ксерокст, библиотечнай лия оборудования, хозинвентарь. Н.И.Чиняевонь директоркс улемстонза удалась максомс сисем квартират сотрудникненди, конатнень ашель эряма вастсна. Николай Ивановичень эса мялезон тусь ся, што сон крхкаста «марязе» коллективть, пичедсь инксонза. Чиняев гайфнесь пищевой промышленностень предприятиятненди, республикань, ошень мишенди организациятненди и эняльдсь синь руководительснонды максомс сотрудникненди ярхцамбяльхть, мезсь пяк эрявсь 90-це стака кизотнень. Тяфтама «акциятне» арасть цебярь койкс и тянемс лятфнеськ синь лямбоста… Весть Николай Иванович телефонца корхнесь «Красная роза» бумажнай фабрикать мархта, кучезе тоза командировкас библиотекань машинаса водительть и справочно-библиографическяй работань отделть заведующаенц Г.М.Кузьминать. Меле сембе сотрудникне получасть обоят, штоба тиемс квартирасост ремонт. Мяляфтса, конашкава лямбоста минь примаськ Од кизонь казнеть—Финляндияса нолдаф Библиять. Н.Чиняев заботендась колганк, лама работась, штоба минь аф аньцек афолеськ маря пряньконь «ашу бюджетникокс», конатнень лангс аф шарфни сатомшка мяль государствась, но и марямс гордость, што работатама Мордовиянь главнай библиотекаса. Научнай конференциятнень, мокшэрзянь писательхнень и поэттнень, музыкальнай и фольклорнай коллектифнень мархта иляттнень-васедематнень, общественнай пуромкснень вельде библиотекати кармасть шарфнема мяль массовай информациянь средстватне. Ашезь ётне недяля, штоба республиканскяй телевидениять экранца афоль лисе сюжет «Пушкинкать» колга, а сидеста телевиденияса и радиоса кайгсь сонцень Николай Иванович Чиняевонь вайгялец. Аш кода аф шарфтомс мяль и сянди, што Николай Иванович ульсь и общественнай деятелькс. 90-це кизотнень ушеткссна странаса ульсть общественнай формациянь полафтомань пингокс. Перестройкань кизотнень странаса кармасть касома политическяй од вийхть, эвондасть общественнай од движеният, синь лидерсна—«младореформаторхне». 1991 кизонь августста тяфта лиссь, што Николай Иванович командировкасоль Москуса—ульсь библиотекань руководителень научнай конференциянь участникокс—мзярда ушедсть тяфта лемневи «ГКЧП-нь путчень» событиятне. И нльне тоса Николай Иванович, аф ваномок заняфшинц лангс, няфтезе гражданскяй позициянц. Тейнек ашель кода гайфтемс теенза пелькс ся шитнень—телефотт эста ашельхть. Но сон кучсь библиотекать адресс телеграмма, штоба афолеме таколда инксонза—сон «Акша кудонь аралайхнень ёткса». Ся пингста сявомок етась лама киза… Кода-бди 2015 кизонь майть ушетксста А.И.Аношкина, Т.А.Куцкая, С.А. Шемуратова и мон арьсеме сянь лангса, кода сяда лац анокламс и ётафтомс Николай Ивановичень кулома шистонза 20 кизоть топодеманц. Сафоль мяльс молемс калмонц лангс, петемс сонь. А меле коллективса кочкаме аф лама ярмак и эсь вийса анокламе Н.И.Чиняевонь колга мялямонь част. Тя пуромксса примась участия библиотекань ведьгемоньда лама сотрудник, конат работасть сонь руководстванц ала. И эрти эздонк мувсь мезе азомс тя достойнай ломанть колга. Тейне, мялямсон, Николай Иванович лядсь вешфксу, дисциплинань и максф тевти ответственностень марязь малаткшни кельги ломанькс. Наставникокс улеманц инкса библиотекав састь и лядсть тязк работама В.А.Кежватов, А.И.Аношкина, О.В.Войнова, О.Н.Шуляева, Н.Н.Калэргина, Т.В.Кистанова. Ламода Николай Ивановичень инкса Пушкинкась аф аньцек ашезень юмафта коензон-обуцянзон 90-це кизотнень пингста, но и вииясь кода Россиянь Пушкинскяй библиотекатнень эзда фкясь. Ужяль, аф ламос Николай Иванович Чиняев работась библиотекаса директоркс, но сон и тя пингсь кадсь библиотекать историяса валда, лямбе лятфнемат.  
 
                    Е.СУГОЛЬ, А.С.Пушкинонь лемса Национальнай библиотекань сотрудник.  
 

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022