Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обо всем понемногу

ПЕЕТЬКС ПАКШКАТ

—Стирня, тон, улема, эряфса тиендеть лама эльбятькста? —Коста содасасть? —Тонь сембе кенерьбакарьхне сусконтфт.
 
 
Психиатрть ширеса:
—Доктор, монь сурне трнатыхть.
—Симат?
 —Симан.
—Курендат?
—Курендан.
 —Тон мезе, кадыть?
—Аш, аньцек срхксян.
—Вов няйсак, а организмась эводсь ни.
 
 
Алясь ичкоздень веленяста сась ошу, озась таксис, пачкодсь коза эряви. Таксистсь ваны счетчикть лангс и корхтай:
—400 цалковай. Алясь зепстонза таргась 200 цалковай.
Таксистсь:
—Мес аньцек 200?
Алясь:
—А тон мезе, ашеть арда, што ли?  
 
—Максость тейне конфеткань вов ся коробкать!
 —Максомс макссаськ, но синь аф свежайхть…
 —А тейне сембе сяка, казненди враченди.  
 
 
—Алло, тя авань консультациясь?
—Да.
—А тормазямань педальсь кержи ширеса или видиса?    
 
 
 
—А тон содасак, што мон кафксть недяляти полафнеса директорть?
—Ха, тямак рахафта! Тон простой менеджерат!
—Кда аф верондат, кизефтьк сонь рьванц.              
 

07.03.2019 №9
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин