Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

События

МОРДОВИЯНЬ ОЦЮНЯСЬ ВЛАДИМИР ВОЛКОВ ВАСЕТЬКШНЕСЬ РОССИЯНЬ ТЕННИСОНЬ ФЕДЕРАЦИЯТЬ ПРЕЗИДЕНТОНЦ ШАМИЛЬ ТАРПИЩЕВОНЬ МАРХТА

Теннисонь Федерациянь президентсь отмечазе, што фалу мяляфты ёмла родинанц колга, старандай улендемс тяса сяда сидеста и каннемс польза родной региононцты. «Сявондемок мяльс республиканскяй тенниснай центрать воспитанниконзон профессиональнайста касомаснон, минь мяленьке сай кизоня ускомс тяза европейскяй турнирхнень эзда фкять—васенце этапса 12 кизоти молемс возрастной категорияса, кизода меле—14 кизоти самс. А стане жа мяленьке ускомс тяза кафтошка кизода меле пляжнай теннисть коряс миронь чемпионатть. Минь улихть ни договоренностеньке, тяса кармай ащема сембось сянь эзда, штоба тя правать кемоксталезь международнай федерацияса»,—мярьгсь Шамиль Тарпищев.
 
Владимир Волков азозе регионть анокшинц примамс любой уровенень спортивнай соревнованиятнень, сявондемок мяльс Саранскяйса уликс инфраструктурать, сувафнемок тяза гостиничнайть, кона ульсь тиф футболть коряс Миронь чемпионатти анокламста.
 
Тяфта жа республикань Оцюнясь отмечазе идень спортть сяда товолдонь башка виияфтоманц. «Тейнек пяк важна, штоба кода сяда лама ломань сашендоль спортивнай секциятненди, тяконь лувксса тенниснайхненди. Сембе минь содасаськ, што оцю сатфксне ушеткшнихть емла сяськоматнень эзда. Сяс минь эсь ширденк тисаськ сембе эрявиксть тенниснай центраньконь инфраструктуранц сяда товолдонь виияфтоманкса»,—мярьгсь Владимир Волков.
 
Рабочай васедемаса примасть участия Мордовиянь Правительствать Председателенц заместителец Галина Лотванова, Мордовия Республикань Оцюнять старшай советникоц Владимир Киреев, Мордовия Республикань теннисонь Федерациянь президентсь Николай Калиниченко.
 

14.03.2019 №10
 
 
 

 
НОВОСТИ
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин