Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

КАВАНЯЗЬ МОКШЭРЗЯНЬ ПАЧАСА

Масланцять васьфтеманц и ётафтоманц мархта сотф койхнень-обуцятнень кельгсазь и ванфтсазь и Моску ошень Мокшэрзянь землячестваса. Арась ни тонатфокс эрь кизоня ётафнемс Масланця мокшэрзяннекс. Лезкс тя и лия пуромкснень етафтомаса максси Российскяй Федерациянь Президентть видеса Мордовия Республикать Постояннай Представительствац.
 
3 мартста земляконьке пуромкшнесть Г.В.Плехановонь лемса Российскяй экономическяй университетть «Конгресс-Центр» Культурань кудозонза «Масланцясь мокшэрзяннекс» праздникть весяласта и келиста ётафтомонза. Тяда инголе афишатнень, интернетть вельде пачфтьфоль тя оцю пуромксть колга. Терневсть сембе, кинь мялецоль ётафтомс пингонц мяляфтовиста.
 
Оцю спасиба «Масланцясь мокшэрзяннекс» праздникть етафтоманкса азома «Мокшэрзянь землячества» Межрегиональнай общественнай организациять Советонц представителенцты В.И.Гришинонди, кона фалу лезни тяфтама тевса.
 
Праздникть ушедомста Мокшэрзянь землячествать лемста пуромфненди (а эздост ульсь кафта тёжянть малава ломань) седиста моли лямбе валхт азсь тя землячествать Исполнительнай директороц О.В.Ишуткин.
 
Концертнай программась козяль и мялень салаель. Пуромфнень инголе кштисть-морасть творческяй коллектифт, башка исполнительхть, гармонистт.
 
Кштимань номер няфтсь «Солнцецвет» хореографическяй группась, конань художественнай руководителец Мария Извекова. Сонь тядяц и аляц шачемас коре Мордовиянь Зубово-Полянскяй районцта.
 
«Азорава» творческяй коллективть, морсить А.Чекашкинать, «Колапань вайгяльхть» фольклорнай ансамбльть, «Эх, Мордовочка» ансамбльть, морсить Е.Алямкинать, «Валдоня» хореографическяй группать и лия ламоц коллектифнень и ськамост морсихнень лемсна содафт «Мокшень правдать» лувиензонды. Сембе синь оцю мяльса примасть участия «Масланцясь мокшэрзяннекс» праздникса. Пара, што участникнень ёткса эвондакшнихть од лепт. Тядде тяфтамкс ульсь Гнеситтнень лемса Музыкальнай академиянь студенткась Ирина Шишканова.
 
Концертть омбоце пялестонза сценати тертьфоль «САДко» москувонь группась, кона стане жа кирди кеме соткст Мокшэрзянь землячествать мархта и кеняртьфнесыне творчестванц мархта странаньконь столицаса эряй мокшетнень и эрзятнень.
 
Кода и фалу, Масланцяста башка мяль шарфтфоль пачатненди. Пачань парад—тяфтама пялькстома етафтфоль праздниконь участникнень ёткса. Хуш сяськихть и ашельхть, сяс мес эрть пачанза ульсть эсь лацоннекс танцтикс. Тянь азозь и залу пуромфне, конат каваняфтольхть пачаса.
 
Ваныхнень ёткса ульсть кода эряфкшуфт, стане и од ломатть, шабат. Ламотне, кулемок сценаста музыкать, ашесть аще озада, а лисендсть кштима. Кеняртьфти ся, што праздникти сашендсть аф аньцек руст, мокшет и эрзят, но и чувашт, комит, лия национальностень ломатть.
«Масланцясь мокшэрзяннекс» праздникса работасть мастер-класст, мишендемань ярмарка, сембе каваняфтольхть национальнай ярхцамбяльса.
                                                                                                                                         Т.АЛЬШИНА.
 

14.03.2019 №10
 
 
 

 
НОВОСТИ

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин