Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Наши мокшанские сыновья и дочери

ЖУРНАЛИСТ, РЕДАКТОР И ПИСАТЕЛЬ

  1957 кизоня Н.Учватов аделазе вузть и ушедсь работама «Мокшень правда» газетаньконь редакцияса. Ся пингть тяса покодсть мокшень писательхне С.Ларионов, А.Тяпаев, М.Бебан, А.Малькин и лиятне. Синь сембоса лезнесть од журналистти. Эста оцю мяль шарфневсь рабочай темати. Сяс Николай Иванович сидеста тяшнесь Саранскяень завоттнень эзда статьят, репорташт, очеркт и зарисовкат. А пингонь ётазь сёрмадсь медицинскяй препаратонь заводонь рабочайхнень и инженерно-техническяй работникнень колга «Павазонь тяште» повесть.
 
1961 кизоня Н.И.Учватов отделста ётафтови работама секретариату ответственнай секретарькс. Аф лама пингонь ётазь, няемок сонь организаторонь асувонц и ломаттнень мархта маштозь работаманц, кучсазь тонафнема Москуву КПСС-нь ЦК-ть видеса Высшай партийнай школав. Аделамдонза меле меки мрдай «Мокшень правдав» и кармай работама главнай редакторти заместителькс.
 
Сизьгемонце кизотнень Николай Иванович лама работай аф аньцек журналистонь тевса, но и сёрмады расскаст, стихт, повестть. «Мокша» журналса и Мордовскяй книжнай издательстваса нолдафтольхть «Салама», «Вешендема», «Алят», «Сюра мархта шяйтан» повестенза.
 
1981 кизоня Мордовскяй книжнай издательстваса лиссь «Сргозема» васенце романоц, кона лемтьф мокшень велеть эряфонцты. Тя оцю и интереснай эпическяй произведения.
 
Ниле кизонь ётазь нолдави «Маркиз и Лундан» историко-приключенческяй романоц. Тяса авторсь тяряфтсь варжакстомс лама веконь пачк кунардонь пингти, азонды, кода эста, ордань игада инголе, эрясть мокшэрзятне, мезсь синь пичефтезень, кода кемокснезь сотксснон рузонь народть мархта.
 
Пара азомс, кемоньда лама киза Николай Иванович ульсь «Мокшень правдаса» главнай редакторкс. Од ваймопожф нолясь мокшень газетати, макссезень теенза сембе эсь содамошинзон, асувонц и седиень псинц. Сон фалу заботендась журналистскяй од кадрань касфтомать колга. Тянивок сонь кой-кона учениконза покодихть «Мокшень правдаса», лия печатнай изданиятнень эса.
 
Кода аф ужяль, Николай Иванович Учватов рана тусь эряфста, теенза ульсь аньцек 55 киза.
 

14.03.2019 №10
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин