Поиск по сайту: 
 

Архив
 октябрь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Рузаевский район: высокоскоростной интернет в каждую школу

ШКОЛЬНАЙ ПАРТАТНЕ АЗОНДЫХТЬ ГЕРОЙХНЕНЬ КОЛГА

 «Геройть партац»—тя ученическяй парта, конань лангса ладяф информация заслуженнай ломанень, героень колга, конань лемоц сувафтф Отечествать историяс, а эряфонь киц сотф школать мархта. Партать лангса серматфть эзда ули кода содамс геройть биографиянц, няемс фотографиянзон.
 
43№ лицейса панчфт кафта тяфтама партат. Фкясь эздост лемтьф Советскяй Союзонь Геройти В.Н.Бобковонди, омбоцесь—Мужествань Орденонь кавалерти В.И.Ненюковонди.
 
Торжественнай мероприятияс пуромфненди азонтфоль геройхнень эряфонь киснон, подвигснон колга.
 
В.Н.Бобков шачсь Саранскяйса 1926 кизонь 24 апрельста рабочаень семьяса. 1944 кизонь май ковста сявомок примась участия Великай Отечественнай войнань тюрематнень эса. СССР-нь Верховнай Советонь Президиумть 1945 кизонь 24 мартонь Указонц коряс   фронтса немецко-фашистскяй захватчикнень каршес тюремста командованиять боевой заданиянзон лац пяшкотькшнеманкса и тя пингть мужествань и героизмань няфтеманкса, ефрейторти В.И.Бобковонди максфоль Советскяй Союзонь Героень лем. Стане жа сон казьф Ленинонь орденца.
 
В.И.Ненюков шачсь Саранскяйса 1974 кизонь 19 июньцта, тонафнесь 14№ гимназияса, коса тяни ащи 43№ лицейсь. Школада меле касфнезень содамошинзон Н.П.Огаревонь лемса МГУ-нь строительнай факультетса. Меле поступась службас МР-ть эзга безопасностень службань Федеральнай Управленияв. 2004 кизонь августста эсь мяльс коре прважафоль «пси точкав» Севернай Кавказу. Ингушетия Республикаса аф весть примсесь участия стака боевой операцияса. 2005 кизонь 3 ноябрьста боевой заданиянь пяшкодемста Ненюков марса Псковста служай ялганц мархта служебнай машинасост ляцентьфтольхть боевикнень мархта. Получаф ранениятнень эзда сон кулось эстокиге. В.И. Ненюковонди ульсь аньцек 31 киза. Земляконьконь мужествац и героизмац отмечафтольхть РФ-нь Президентть В.В.Путинонь специальнай указонц мархта. В.И. Ненюков казьф Мужествань орденца.
 
Правась васенцекс озамс геройхнень партаснон ваксс максф лицеень инь цебярь тонафнихненди.
 
                                                                                                                                 О.ЕВДОКИМОВА.  
 

21.03.2019 №11
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин