Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

1 апрельста ушедсь 2019 кизоть омбоце пяленцты газетас и журналс сёрматфтомась

«Мокшень правдать» лувиензонды
Кельгома ялгат! 1 апрельста ушедсь 2019 кизоть омбоце пяленцты газетас и журналс, тяконь лувксса «Мокшень правда» родной кяльса-валса лисенди газетаньконди, сёрматфтомась.
Кафта кизода меле топоди 100 киза ёт кармась лисендема минь тинь мархтонт кельгома мокшень газетаньке. Сон лама лездсь эсь народонцты. Васенце номерстокиге лувихне газетать эзда няйсть пара ялга, тонафты, виень и содамошинь максси. Газетась лама тись национальнай культураньконь, кяленьконь кеподемаса-виияфтомаса, эсь лацонь коеньконь ванфтомаса, народоньконь духовнай козяшинзон азондомаса.
И тянивок сон эсь васень задачанц няйсы сянь эзда, штоба лездомс тейнек, мокшетненди, ванфтомс и виияфнемс родной кяленьконь, культураньконь, касфнемс национальнай самосознанияньконь и гордостеньконь.
«Мокшень правдать» кельгиенза кирдихть кеме соткст редакциять мархта. Синь эрь мезне сувсихть ширезонк, кучсихть сёрмат. Синь эсост мокшень ломаттне панчсесазь эсь ваймоснон, азонкшнесазь эсь мяльснон-арьсемаснон.
Мекольдень пингть редакциянь почтаньке сяда эчколгодсь. Содамок, што тяддень 23-25 октябрьста Саранскяйса ётай мокшэрзянь народть Всероссийскяй VII-це съездоц, лувихне газетать вельде ёрайхть шарфтомс мяль эряфсонк сяда таколфтыть и пичефтить лангс.
Тяни минь, мокшень журналисттне, эсь васень задачаньконь няйсаськ сянь эзда, штоба сяда козякофтомс газетать содержаниянц, тиемс сонь сядонга интереснайкс, мялень салайкс. Надиятама, тиньге, кельгома лувиеньке, аф ляттада ширеса тя тевть эзда. Кучсесть эсь предложениянтень, арьсемантень тейнек.
Эрьда, ялгат, марса семботь тисаськ сянкса, штоба родной кяльса лисенди фкя и сяка газетась—«Мокшень правдась» 2019 кизоть омбоце пялестонза пачкотькшнель мокшень эрь кудти, мокшень эрь семьяти.
Панттада аньцек 336 цалковай
и пяле киза карматада получсема эсь кяльса лисенди газета. Эсонза азондови сянь колга, мезе тиендеви мокшэрзянь крайсонк, странасонк, кода эряйхть-ащихть мокшэрзятне Мордовияса, лия вастова. «Мокшень правдась»—фкя инь интереснай и уцез газетась Россияса!
Газетать индексоц П4719.

11.04.2019 №14
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин