Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Молодежный клуб

Коса эряйхть сембода мазы стирьхне?

Эрь странаса ломаттне эсь лацоннет. Кажнайсь эздост мезьса-бди шарфты эсь лангозонза мяль. Тячи тяряфттама содамс, коса ина эряйхть сембода мазы  стирьхне.
Великобританияса. Британкатне шама путксс коре эсь лацоннет, аф шарфтыхть лия странань стирьхнень лангс. Васендакиге эсь лацонне киськснон тюсоц. Британкатнень прянь вятемаса шовордаф лама культура. Стане жа англичанкатне афкуксонь ледихть: синь содасазь, кода вятемс пряснон, енюфт и интеллигентнайхть.
Филиппинаса. Тя странаса эряйхть стирьхть, конат аф весть сяськондсть мазышинь международнай конкурсса. Сяс мес эсост шовордафт австралоиднай, монголоиднай и европейскяй расатне, филиппинкатне салайхть мяль шама путксснон мархта. Мазышида башка, синь лувовихть пара кудазоравакс.
Нидерландыса. Оцюфт серес, акша шяярьхть, шуваня ронкт—тя сембось голландкатнень колга. Синь моделень ронгсна салсесы алятнень мяльснон.
Италияса. Мазы шама и шуваня ронга «пси» итальянкатне фалу содасазь, кода мазыста щамс. Улема, сянкса синь няфтихть эсь кизоснон коряс сяда одкс. Цебярь пример тянди сембонди содаф итальянскяй актрисась Моника Беллуччи.
Венесуэласа. Лиянь лангс аф шарфты  экзотическяй шама путкссна, мазы ронгсна лездыхть Венесуэласта стирьхненди аф аньцек салсемс алятнень мяльснон, но и сяськондемс мазышинь мировой конкурснень эса.
Россияса. Оцю сатфксонь сатни лама модель шачсь Россияса. Акшаза-тюжя шяярьсна, оцю сельмосна, крфай щекасна—россиянкатне сембе пинкнень лувондовсть фкя инь мазыкс мастор лангса.
Украинаса. Тя странань стирьхне васендакиге шнамат эсь мазышиснон мельге якаманкса. Корхтайхть, Украинаса эряйхть сембода цебярь рьвянятне.
Колумбияса. Мазы колумбийкатне маряйхть гордость эсь инксост. И аф стак, коса нинге няят сяшкава мялень салай стирьхть. Синь мазыхть, ускозь ускихть эсь ширезост, маштыхть кельгома. Аф верондат? Аньцек варжакстт Шакирать и София Вергарать лангс и сембось арай вастозонза.
Бразилияса. Бразильскяй аватне, конатнень эзда сельмованфце аф сявови! Синь мазышиснон колга арась сембонди содаф эрь кизонь карнавалхнень вельде, коза синь щашендсазь эсь мазыдонга мазы костюмированнай щамснон. Лама бразильянка покоди моделькс.

11.04.2019 №14
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин