Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

РОДИНАСЬ УЧИ

Васендакиге тяса азфоль, што ламоц од ломаттнень тяни ули мяльсна молемс российскяй армияв служама, эсь воинскяй долгснон пяшкодема. Сяс мес кассь-кеподсь Российскяй Федерациянь Вооруженнай Вийхнень престижсна, ламода цебярь шири полафтсть военнай службань условиятне.

 

Сембе пинкнень военнай службась ульсь и ляткшни аф тёждя тевкс. Мордовия Республикаста цёратне инголивок и тянивок честь мархта служайхть российскяй армияса.

 

Кода пачфтезе военкомсь И.Тихомиров, тя мезть минь призывниконьке кармайхть служама сембе видонь и родонь войскатнень эса, а стане жа силовой министерстватнень и ведомстватнень эса, тяконь лувксса нацгвардиянь и МЧС-нь войскатнень эса. 2019 кизонь призывникнень ули возможностьсна молемс служама или призывс коре, или контрактс коре. Кепотьксонди, 2018 кизоня контрактс коре тусь служама 53 призывник.

 

Тяддень тундань военнай призывть пингста армияв сявови 1000-да лама ломань. Васенцетне эздост туйхть служамань васттненди апрельть песта.

 

2019 кизоста сявомок вийс сувафтовихть кафта федеральнай закотт, конат сотфт призывникнень мархта. Эздост фкять коряс, призывникне, конат отсрочкань правать тевс нолязь школаса тонафнемать пингста, могут получамс сонь и средняй профессиональнай образованиянь программать коряс тонафнемать пингста, магистратураса. А 2019 кизонь 6 февральть эзда Федеральнай законца граждаттненди мярьгондеви арамс учетс военкомату эряма вастонь коряс или регистрацияфтома эряма пингонди. Мекольцесь сембода ладяй лия ошень призывникненди, конат тонафнихть вуснень эса, но синь аш регистрациясна.

 


18.04.2019 №15
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин