Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Здоровье

СЛИВАНЬ ЛОПАТНЕ КАТФТСАЗЬ ВИНАДА СИМОМАТЬ

Гуцулхнень ёткса пчкафнемаса заняфт ломаттне, конатнень лемнесазь мольфарыкс. Синь лац содасазь тишетнень, лезнихть мумс юмафксть, теест вийс коре корхнематнень вельде лоткафтомс жуватать веронц  шудеманц, максыхть лезкс, кда мувотьфтевсь кядсь или пильгсь. Копоряйхнень гуцулхне аф кельгсазь. Но, кда ётксост эвондакшнесть сяпинянь кельгихть, алкоголизмать синь пчкафнелезь терновниконь (сялги сливань, тернань) лопань отварса. Сявомс столовай куцю терновниконь коське мелкайгофтф лопат, каямс лангозост 0,5 литра ведь, лакафтомс 1-2 минута, кадомс 30 минутас, педямс. Тя отварсь копоряй ломанти эряви симомс шиньберьф. Надобияти можна каямс сахар или медь. Пчксемань пингсь—фкя ков. Улихть сведеният, што тяда меле ломанць кадондсы симоманц сембе пингс.

 


18.04.2019 №15
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин