Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Ветеранам о ветеранах

Ветераттнень колга школаса мяляфтыхть

Атюрьевскяй райононь Курташка велень средняй общеобразовательнай школаса фалу почётсот ветераттне. Синь пяк сидеста тернесазь школав кодама повсь илас.
—Сембе эсь эряфозень максыне тя школати,—азозе педагогическяй трудонь ветеранць Р.Г.Сургаева.—Вятень химиянь, биологиянь урокт, улень класснай руководителькс. Костовок ашень лядонда. Школась ульсь и ляткшни тейне омбоце кудкс. Тернесамазь концертс, спортивнай пялькстомас, лия мероприятияс. Сашендан пара мяльса. И тянкса оцю спасиба школань дирекцияти.
 Школань коллективть колмогемоньда лама киза вятьсы Н.И.Бурнашкин. Сон фалу пара мяльса васетькшни ветераттнень мархта. Сембе эряфснон школати максозь В.И.Петяйкина, Н.Я.Маскайкина, Н.И.Сургаева, А.Н.Фролова, П.И.Дорожкина, М.И.Чучаева, Т.М.Мелешкина, В.М.Фролов и лиятне. Лама киза тя школаса завхозкс покодсь и Н.М.Петяйкин. Синь тячемс аф лядондыхть ширеса школать тевонзон-заботанзон эзда.
—Кода можна юкстамс школать, коса покодеть пцтай нильгемонь киза,—мярьгсь педагогическяй трудонь ветеранць В.И.Петяйкина.—Мзярда тернесамазь илас, якан пара мяльса. Васьфнян и мархтон покоди ялганень, и од учительхнень мархта.    Иттне аноклакшнихть лемозонк концертт, морсихть морот, лувондыхть стихт, путнихть сценкат. Кеподьсазь мяльцень, мрдафттядязь одонь кизотненди.
Сидеста школаса улендихть Курташка велень поселениянь оцюнясь С.В.Базаркин, «Курташкинское» ООО-ть вятиец Н.И.Кабанов и ламотне лиятне. А илатнень ветераттненди аноклакшнесазь завучне С.И.Чумарова, Н.А.Пиксаева. Оцю лезкс максси и школань директорсь Н.И.Бурнашкин.
И.Вешкин.
Снимкаса: школань директорсь Н.И.Бурнашкин педагогическяй
трудонь ветераттнень мархта.

30.04.2019 №17
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин