Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Ветеранам о ветеранах

Васьфтезе вейхксогемонце шачема шинц

Торбеевскяй райононь велетнень эса аф лама ломаньда, конатненди вейхксогемонь и вейхксогемоньда ламонь киза. Но синь улихть. Велень поселениятнень эса гордостень марязь лятфнесазь синь лемснон, аф юкснесазь, старандайхть вийс коре лезнемс.
Аф кунара эсь 90 кизонь юбилеенц отмечазе Жукова велень эряйсь, тылонь труженицась, велень хозяйствань ветеранць М.С.Орькина. Кода азозь  Населениять социальнай ширде араламанц коряс отделса, Матрена Степановна  нинге отькорь, сонць якай эсь мельганза, вятьсы уликс хозяйстванц. Кеняртькшни эрь шити и мзярдовок аф пеняцяй эсь эряфонц лангс. Да и  пеняцямска аш мезенкса. Сонь кельгсазь и  фалу мяляфтсазь иденза, конатнень эзда сиренять сисем, а стане жа   кемгафтува унокоц и уноконь кемгафксува идец. Сембе синь арасть цебярь ломанькс. Матрена Степановна шнафты мархтост пря.
М.С.Орькинать эряфонь кисонза савсь няемс-кирдемс аф кржа сталма. Шачсь сон странаньконь инь стака пингстонза Мокшень Ювня велеса Паршиттнень оцю семьясост. Мольсь 1929 кизось. А тя коллективизациясь, вачашись. Кемгафтува кизоцоль, мзярда ушедсь Великай Отечественнай войнась. Оцюфнень мархта ряцок покодсь колхозса. Войнада меле лиссь рьвакс. Шачфтсь итть, вятсь оцю хозяйства. Меле лездсь касфтомс уноконзон. Мирдец кулось пяк рана, 1976 кизоня. 43 кизода лама Матрена Степановна эряй ськамонза, кеняртькшни оцю семьянц сатфксонзонды. Иденза эряйхть странаньконь разнай уженяванза.
90 кизонь юбилеенц мархта М.С.Орькинать поздравляндазь сембе иденза. Кучсть питни казнет. Ашезь юкста сиренять и районнай оцюнятне. Матрена Степановнань поздравляндамонза сашендсть Торбеевскяй райононь оцюнять заместителец Н.Н.Киреев, соцзащитань директорсь А.Н. Пайганов, лиятне. Ульсть шнама валхт и казнет. Матрена Степановна спасибась оцюнятненди честень путоманкса.
И.ПЕТРОВ.

30.04.2019 №17
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин