Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Ветеранам о ветеранах

Пенсионерхнень тонафтсазь компьютерть тевс нолнема

Мордовия Республикать эзга Пенсионнай фондть Отделенияц кирди сотрудничендамань  кеме соткст Россиянь пенсионеронь Союзть региональнай отделениянц мархта.
Эсь работасонза Россиянь пенсионеронь Союзсь башка мяль шарфни эряфкшу ломаттнень компьютернай грамотнайшиснон касфнеманцты.
—Тяниень пингть, мзярда сембось эряфсонк сотф Интернетть мархта, компьютерть содамац арси пяк эрявиксокс,—мярьгсь МР-ть эзга Пенсионнай фондть Отделениянц Управляющаец В.И.Василькин.—Сидеста компьютерть тевс нолнема аф маштоманкса эряфкшу ломаттненди и инвалиттненди аф уленди вешфкс.
Тядде «Союз пенсионеров России» Общероссийскяй общественнай организациясь и     М.Е.Евсевьевонь лемса     МГПИ-сь кемокстасть договор компьютернай грамотностти пенсионерхнень, инвалиттнень тонафнемаснон коряс услугань максомать колга.
Учендови, што тонафнема етайхть 300 ломань. Тянкса тевс нолдави субсидиясь, конань макссы «Союз пенсионеров России» Общероссийскяй общественнай организациясь.

30.04.2019 №17
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин