Поиск по сайту: 
 

Архив
 август 
 2019 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Письма из села

Переса и садса

Кода фкя соткаста кочкамс пяле тонна модамарь
Кодама цебярь афоль уле модамарень сортонте, тясть озафне сонь ськамонза. Озафнеда колма-ниле сортт, конат кенерькшнихть аф фкя пингста. Эста любой кизоста ульхтяда урожай мархта. Пара кочксемс сортт, конатнень эзда финцне аф пелихть коське погодада, омбонцне—аф фкя лацонь урмада и вируста и стак тов.
Видьмонди—инь цебярьхнень
Кда тевс нолнесасть эсь видьмонтень, эста кочксесть синь инь оцю урожай мархта нетькснень эзда. Модамарьхнень таргамда кафтошка недяляда инголе керсесть нетькснень, плхтасть синь. Тя лезды араламс модамарьхнень, тяконь лувксса, и фитофторозть эзда.
Видьмонди сявондесть аньцек средняй размеронь инь шумбра модамарьхнень. Видьмотнень сталмосна должен улемс аф 80 граммада кржа.
Кочкаф видьмотне кирдемат шить каршеса аф 4-5 частта кржас. Тяда мяле синь марамат ящикс и кадомат валда вастс кафта-колма недяляс, штоба модамарьхне аральхть сянгярякс. Эста синь аф порьсазь аф грызуттне, аф вредительхне. Аньцек модамарень кись (моль) может коламс видьмотнень. Кда тиньцонт ули тя заразась, бохаряму нолдамдост инголе модамарьхне пркшамат Престижса.
Лама лисьф—цебярь урожай
Модамарень видьмотне ванфтомат 3-4 градус температураса, кожфть летькоц должен улемс аф 80 процентта кржа. Тунда видьмотне лихнемат бохарямста ковда озафтомдост инголе и путомат валда помещенияс стане, штоба лангозост видеста афольхть прашенда шить сюролданза. Тяфта, комнатнай температураса видьмотне кирдемат кафта недялят. Меле температурась валхтома 10-12 градусс и кирдемат нинге кафта недялят. Тя эряви сянкса, штоба модамарьхнень лангса эвондальхть 1-2 сантиметрань кувалмоса лисьфкат, синь должетт улемс сянгяря тюсонь.
Озафтомс кочксесть модамарьхнень, конатнень лисьфсна шарфтыхть созвездия лангс. Башка лисьфкя мархтотне озафтомс аф кондястихть. Инь цебярь видьмотне—80 граммань сталмосотне, лангсост касы сисем или сяда лама лисьфкя.
Максода кожф
Тясть юксне, што модамарьсь пяк вешфксу кожфти, соньфтемонза клубнятне аф касыхть. Сяс модась панденятнень еткста сидеста ляпопнема.
Модамарьть можна озафнемс тунда аньцек шувф модати. Лямбе ширеса панденятнень еткснон кирьфнесазь 60 сантиметрас, штоба кусторксне сяда рана поладолезь ряттнень и урожайсь афоль колав модать шить мархта эждеманц сюнеда. Средняй полосаса ряттнень еткснон ули кода касфтомс 90 сантиметрас.
Кемоньксть валомат
Кие-бди валондсыне модамарьхнень сезонцта весть-кафксть. Но лямбе ширеса тя правилать мархта ефси аф согласнайхть и валондсазь  модамарьхнень сезонцта кемоньшкаксть. Тяфта ули кода тиендемс и Средняй полосаса, сяс мес ведть аф сатнеманц эзда ламода ащи урожайть лувксоц.
Севернай райоттнень эса, коса аф пси и сидеста улендихть пизепт, модамарьть можна ефси аф валондомс.
Кельгсыне удобрениятнень
Модамарьсь кельгсыне удобрениятнень. Кда сонь алонза сувафтомс аф лама назем и кулу, сон кармай лац касома и максы цебярь урожай, а кда кизонда нинге «андомс» сонь нитрофоскаса или азофоскаса, эста фкя соткаста ули кода получас пяле тоннада лама модамарь.
Тяда юксне и  микроэлементтнень колга: Маг-Бором подкормкась лезды ламода касфтомс урожайностть и цебярьгофтсы модамарьть таньфонц.
 
МАШФТСАСЬК МАЙСКЯЙ УНЖАТЬ
Майскяй унжась эвондакшни эста, мзярда ушедыхть лопаяма келуфне. Самкатне кадондсазь алснон модати. Синць унжатне эряйхть аф ламос, а вов личинкасна ванфтовихть мянь ниле кизот, машфтомок перень сёротнень и кудонь нормальть. Личинкатнень инь цебярь «ярхцамбяльсна»—кудонь нормалень юрхне. Нормальхнень синь аф аньцек пяк кельгсазь, но и шарьхкодьсазь, што каймоса тоса аф шувондсазь.
Павазонди, тяни пяк лама тя вредительть каршес средствада. Нят российскяй препараттне—Землинць, Починць или швейцарскяй Базудинць. Машфтовихть синь украинскяй препаратти, конань лемоц Антихрущ. Ули кода анокламс и Актарань кафтонзаф концентрациянь раствор, конань мархта валома касыксть юроц.
Перень сёронь ламоц касфнихне старандайхть аф нолямс тевс химиять. Теест можна азомс Немабакт препаратть. Сон биологическяй, машфнесыне вреднай насекомайхнень и синь личинкаснон модаса.
Майскяй унжатнень личинкаснон ули кода машфтомс профилактическяй работатнень вельде. Тянкса садонь нормальть валондома нашатырнай спиртонь растворса (1 столовай куцю 10 литрат ведти). Араласы тя афпарморть эзда касыкснень алу ацаф шужярсь. Целайнек синь кадондсазь алняснон тоза, коса ули тише. Сяс панденятне кирдемат аруста.
Аф кунара ученайхне састь мяльс, што машфтомс майскяй унжать ули кода оцю дозань азотнай удобренияса валондозь. Тя важна, сяс мес синь оцюшкасна эряйхть 50-60 сантиметрань крхкалмоса вастса.
Кда мяленте касфтомс экологическяй ширде ару кстыхть-нормальхть, можна видемс акша варсибря (клевер). Целайнек личинкатнень каршес тюремать коряс средствада сатомшка, аньцек нолямат синь тевс эсь пингстонза: няйсасть, што касыкссь аф содаф туфталонкса ляткшни лиятнень эзда, эста ни кярьмодема тевс.

30.04.2019 №17
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин