Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

События

Мордовия Республикань Оцюнять В.Д.Волковонь

Минь странасонк 9 майсь ульсь и лядонды священнай шикс сембе поколениянь ломаттненди. 74 кизода инголе аделавсь инь веронь шудефти войнась, конань эса минь народоньке ванфтозе Отечестваньконь воляшинц и киньге эзда аф ащеманц, аралазе мирть фашизмать эзда. Победань шись—минь национальнай гордостеньконь и мезьсовок аф тапави-калафтови марса улемань, кемошинь и мезьдовок аф пелемань, героизмань и Родинати пефтома кельгомань символ.
Отечествань доблестнай аралайхнень ёткса ульсь 246 тёжянь минь земляконьке, конат сембе фронттнень эса тюрематнень пингста сатсть мезьдовок аф пели воинонь слава. Мордовияса шачф 110 тёжянь ломанць казьф боевой орденца и медальса, 124 ломанць, конатнень судьбасна сембе пингс кемоста сотф минь республиканьконь мархта, казьф оцюдонга оцю казнеса—Советскяй Союзонь Героень лемса, 26—Славань орденонь полнай кавалерхт. Минь ванфнесаськ седисонк аф аньцек воиттнень и тылонь труженикнень мужестваснон, героизмаснон и мезьдовок аф пелемаснон, но и войнань стака кизотнень пингста юмафксонь ризфть. Мордовиянь 130 тёжяньда лама ломань ашесть мрда куду тюремань паксятнень эзда.
Великай Отечественнай войнань солдаттнень колга мяляфтомань символкс арась «Бессмертный полк» акциясь. 9 майста республикань эряйхне марса сембе странать мархта кандсазь ошень, велень, поселкань ульцятнень эзга мала ломаньцнон фотографияснон—ся пелькс кизотнень участникснон и свидетельснон. Фронтовикнень и тылонь труженикнень подвигсна арась россияттнень сембе поколенияснонды инь оцю нравственнай ориентиркс. Великай Победась ульсь пантф минь согражданоньконь миллиотт эряфонь питнеса. Минь странаньконь эряензон доляс прасть стакадонга-стака стакат-сталмот, кодамот ашезь сода мировой историясь. Мзярдовок аф сетьми юмафксонь сярятьфсь, мзярдовок аф мады геройхнень славасна, конат аралазь родной модать.
Сембе народонь Великай Победань праздниксь пуропнесамазь сембонь минь, пяшкотькшнесыне разнай поколениянь ломаттнень ваймоснон эсь Отечестваньконь инкса гордостьса, народть мезьсовок аф сявови виензонды верондамаса, максси вийхть Победань Солдатть идензонды, уноконзонды и уноконь идензонды Родинати служамань оцю тевса! Минь мезьсовок аф пандови шумоньке аляньконь, атяньконь и атянь-атяньконь инголе.
Сюконятама пильгозонт, кельгома ветератт, кемошинтень и мезьдовок аф пелемантень инкса, тинь сембе пингс ляды подвигонтень и Великай Победать инкса! Седи ваксста арьсян теенть, Мордовиянь сембе эряйхненди, шумбраши, паваз, благополучия, мир и параши!
 
Мордовия Республикань
Оцюнясь                          В.Д.ВОЛКОВ.

13.05.2019 №
 
 
 

 
НОВОСТИ

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин