Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

1945 кизонь 9 майсь мокшень велеса

Велеряйхне якасть ульцява и кайгиста корхнесть: «Войнась лоткась!»
А пиземнясь стаки мольсь, бта эряскодсь штамс модать ризфу шаманц.
Ломаттне бта стакаста сярядемда меле стясть васта лангста, осалхт, а трвасна пеедихть, сельмосна пиндолдыхть. Кулевсть мораень и авардиень вайгяльхть.
Меле няфтсь пря шинясь. Сонга, улема, кеняртькшнесь мархтонк. Ванць мзолдозь.
А иляденди Вярде пень ульцяса Потань Митясь лихтезе гармошканц, озась ортаснон ваксс шочконятнень лангс и ушедсь морама. Фронтста сон сась ранендафста. Нинге войнада инголе праздник шитнень пуромкшнесть од ломаттне Митянь инголи. Сон морсесь, а стирьхне и цёратне кштишендсть. Алятне корхнесть: «Кда Митянь тонафнемс, лисель эздонза цебярь музыкант».
И вов Сяськомань шиня перьфканза марнек велеста пуромсть ломатть. Стирьхне ушедсть кштима, кайгсть сиде моронят, кулевсть рахсемат. Весялгодсь велесь. Майсь стаки мольсь.
Кармасть куду мртцема войнаса шиса лятф алятне. Ульцяса сидеста няендевсть костыльса якай, фкя кядь ломатть. Фронтовикне кярьмотькшнесть паксянь и кудонь тевонь тиема. А шавфнень тядясна, рьвасна, идьсна коль учсть, ашесть веронда сянди, бта синь инь мала ломаньцна мзярдонга ни аф мрдайхть.
Н.Живайкина.

13.05.2019 №
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин