Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Рузаевский район: высокоскоростной интернет в каждую школу

ТЯДЯНЬ-АЛЯНЬ КЯЛЬТИ И ЛИТЕРАТУРАТИ—КЕЛИ КИ!

Форумонь Пленарнай заседанияса институтонь преподавательхнень,  аспиранттнень, студенттнень, мокшэрзянь кялень и литературань преподавательхнень, идень садиконь воспитательхнень, конат састь форумс Саранск ошста и Мордовиянь муниципальнай райоттнень эзда, Научно-образовательнай центрать панжевоманц мархта депутатонь корпусть лемста лямбоста поздравляндазень и арьсесь сатомс оцю сатфкст Мордовиянь Государственнай Собраниять Социальнай политикать коряс комитетть председателец Р.З.Аширов. Тяфта жа лямбоста пуромфнень поздравляндазень и арьсесь теест няевикс сатфкст Мордовиянь культурань, национальнай политикань и архивнай тевонь министрть лемста сонь васенце заместителец А.И.Карьгин. Тяда башка, сон пачфтезе пуромфненди, што Научно-образовательнай центрать панжевомац арась питни казнекс Мокшэрзянь народть Всероссийскяй VII съездонцты, кона тяддень октябрьста ётай Мордовиять столицаса.
Сяда тов Пленарнай заседанияс пуромфне кулхцондсть кафта доклатт.
Васенцеть «М.Е.Евсевьевонь букварьста сявомок и мокшэрзянь тя пингонь азбукати самс» лем ала тиезе М.Е.Евсевьевонь лемса Мордовскяй государственнай педагогическяй институтонь ректорть тевонзон тиендисна,  профессорсь М.В.Антонова. Эсонза сон азондозень-няфтезень пуромфненди инь оцю вешфкснень, конатнень Научно-образовательнай центрать инголе путозь тячиень наукась и пингсь!
Омбоце докладса институтонь родной кялень и литературань кафедрать заведующаец, филологическяй наукань докторсь, профессорсь О.И.Налдеева азондсь пуромфненди Научно-образовательнай центрать маластонь и ичкоздень пингонь тевонзон колга тядянь-алянь кяльть виияфтомаса ся вешфкснень коряс, конат путфт «Образование» национальнай проектонь «Тя пингонь школа» федеральнай проектса. И тердезень синь путомс сембе вийснон ня вешфкснень коряс Центрать тевонзон эряфс ётафтомста!
Мекпяли кулхцонтфтольхть секциянь вятихнень отчётсна и ванфтольхть Научно-образовательнай форумть итогонза.
 
В.ИОСИФОВ.

24.05.2019 №
 
 
 

 
НОВОСТИ

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин