Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Тема дня

Мокшень стирсь Юлия Кинякина лиссь сяськикс Международнай конкурсса

Кода ни пачфнеськ газетаньконь ётай номеронзон эса, 21-25 майста Ханты-Мансийскяй автономнай округонь Ханты-Мансийск ошса ётась Финно-угорскяй университеттнень Ассоциациязост сувси образовательнай организациятнень студенткаснон ёткса «Мисс студенчества Финно-угрии-2019» Международнай конкурссь. Минь республиканьконь эзда эсонза примась участия Н.П.Огарёвонь лемса Мордовскяй государственнай университетонь филологическяй факультетонь 2 курсонь тонафнись, мокшень стирсь Юлия Кинякина. Землячканьке лац няфтезе прянц пялькстомаса и лиссь сяськикс «Стиль» номинацияса.
«Мисс студенчества Финно-угрии-2019» конкурсонди участницакс Юлия Кинякина кочкафоль аф стак. Пялькстомать темац «Монь кялезе—монь культуразе». Сяс студенткатнень ёткста эрявсь кочкамс стирь, кона лац содалезе родной кяленц. Юля аф аньцек лац содасы мокшень кяльть, но и пяк кельгсы сонь. Тяда башка, Шкабавазсь казезе Юлять сельмонь салай мазышиса, оржа ёньца. Университетса стирсь аф лядонды шири тяса ётафневи сембе илатнень-пуромкснень эзда. Сон и кштий-морай, и стай-сёрмады.
Пялькстомась пяк тусь Ю.Кинякинать мяльс. Сон, кле, ламоти тонафтомань, макссь оцю опыт. Аф ваномок конкурсть козя программанц лангс, участницатненди удалась содафтомс ошть—Ханты-Мансийскяйть мархта. Ульсть менель ала этнографическяй музейса. Тяса Ханты-Мансийскяень эряйхне каванязь инжихнень национальнай ярхцамбяльса, а стане жа няфтсть мастер-класст: тонафтозь стирьхнень някань, нюдиксста ковриконь тиема, налста ляцема. Ошень пиццерияса конкурсонь участницатне варжазь вийснон пиццань пидемаса.
Сембоц пялькстомаса примасть участия кафкса стирьхть финно-угорскяй разнай регионцта. Кода азозе Юлия Кинякина, сембе синь эстокиге мусть фкя-фкянь мархта марстонь кяль. Участницатне эрясть общежитияса шабрань комнатаса, лама пингта ётафнесть марса, арасть пара ялгакс.
Лятфтасаськ, Ю.Кинякина шачсь-кассь Зубово-Полянскяй райононь Жуковка велеса мокшень семьяса. Нинге шабакс пингста кельгозе кштиманц и мораманц. Школаса стирсь ушедсь варчсемост виензон азксонь, ёфксонь сёрмадомаса. Тяштьфонза лисендсть «Мокша» и «Якстерь тяштеня» журналхнень эса. Юля кафксть лисендсь сяськикс Мокшэрзянь литературать коряс Республиканскяй олимпиадаса. Стирсь кельгсы ёмла ожнаста мазоптомбялень-мезень кодаманц. Ожнаста пряс щамать и мяштень мазоптомбяльхнень, конатнень няйсасть снимкаста, Юля аноклазень-тиезень эсь кядьса. Мархтост сон ульсь и конкурснай дефилеть пингста.
Сай пингонь эряфонц Юлия Кинякинать мялец сотомс учителень тевть мархта, ошень школаса тонафтомс шабатненди мокшень кяльть.
Сяда товолдонь сатфкст  тейть, мокшень стирь!
О.ЕВДОКИМОВА.

06.06.2019 №22
 
 
 

 
НОВОСТИ
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин