Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Письма из села

Усадьба

Аньцек вазыяф вазнять мельге якамась
Вазыясь тракссь. Кодак аньцек эвондась вазнясь, сяда цебярь кадомс траксти сонь нолсемс. Траксть ангорксу кялец тии цебярь массаж вазняти. Мзярс тядясь нолсесы вазнянц, вадесть бокон вядьмонц йодаса или зеленкаса.
Симдемс вазнять эряви вазыямда меле частоньботмоста тядянц эзда молозивада, ванфнемок арушить. Молозивати улема лямбокс, аньцек потяфокс. Кда молозивась эшендсь, путость  мархтонза кядьготь лямбе ведьс, сяс мес псиса сон тярьгоди. Васенда максода аф 1,5 литрада лама. Кда вазнясь ашезе симе марнек, вихцода тясть симде.
Симдемс вазнять сяда цебярь специальнай потямань сюлеканяста. Кда тяфтама аш, эста—ведаркаста.
Тракснень желудкасна ащи ниле камераста, но аньцек вазыяф вазнять 7-20 шинзонды желудкац работай аф марнек. Желудкань отделхнень эзда работай аньцек фкясь—сычугсь. Рубецсь, книжкась, сеткась и преджелудкась аф работайхть. Сяс эряви правильнайста андомс пиже вазнять. Сувафнемс рационозонза комбикорма или модамарь эряви комсь шида меле.
Васенце колма-вете шитнень аф кальдяв улель, кда вазняти путнемс Элеовит и Седимин витаминонь уколхт. Дозась тяштьф банканять лангса. Путнемс уколхт весть путнемань шприцса, ванфтомок гигиенать.
Андомань режимти, лофцть температуранцты, вастонц арушинцты васенце шитнень пяк оцю вешфкссь. Лац-ряц шташендость кядьготь, конань эса аннесасть вазнять. Сембось тя ванфтсы сонь пекурмада, кона комсь шинзонды молемс вазняти пяк пелькс.
Аннемс вазнять эряви шити колмоксть-нилексть, ванфтомок режимть, обязательна парной лофцта сисем шинзонды молемс.
Мзяронь симнемс
* Вазыямда меле сисем шинзонды молемс макссемс 6-7 литрань лофца.
* 8 шида меле касфнемс нормать 9 литратненди шити.
* 30 шида меле нормать ули кода кирьфтамс 5-6 литрати.
* Симнемс лофцта сяда цебярь 4 ковонзонды молемс.
 Лофцть ули кода полафнемс обратса или лофцонь заменительса. Но мяляфтость: вазнятне сяда лац касыхть тядянь лофцта симондезь.
 
Цебярь и кальдяв шабратне панденятнень лангса
Помидорась аф эряви озафнемс куярхнень ваксс—куяронь кодорксне сявсазь валдть. Цебярь шабракс помидоратненди лувондови кочаннай салатсь. Сонь ули кода озафнемс и перецть ваксс—мзярс перецсь касы, салатсь кенери. Редиссь ладяй куярхнень мархта. Аф кальдявста касыхть марса и аф шоряйхть фкя-фкянди редиссь, цветной капстась и сельдерейсь. Тяконди, редискась курокста  максси васта панденяса средняй кенеремань  капстати, а сельдерейсь панцесыне капстань карунятнень. Кальдявста касыхть марса шурьхкясь и бабань снавсь. Ладяйхть шурьхкясь и пурьхкясь. Шурьхкять ваксса касы лама кизонь петрушкась. Модамарьти шабракс ладяй бабань снавсь и фасольсь. Тяконди, бобовай культуратне андсазь модать азотса. Тясть тарксе бобовай кодоркснень унксонек, керсесть синь 4-5 сантиметрань сереса.
 
Мезенди керсесазь шукшторуксть тарадонзон?
Шукшторуксть тарадонзон керсемасна касфнесазь урожайностть ламонь-крда. Приметаф, што тараттне инь вии отросткат             макссихть васенце колма кизотнень. А инь урожайнай тараткат—4 кизотненди молемс. Сяс классическяй керсемать (обрезка) пингста кусторкссь должен улемс разнай возрастонь тарадста, а тараттнень, конатненди 5 кизода лама, керсесазь модать ваксста.
Мезе аф нолдамс июньцта-июльста
Но кодамовок тарадонь керсемась аф лезды, кда лац-ряц аф якамс кусторкснень мельге. Инь пяк тянь тиендема июньцта. Тя пингть шукшторуксть эряви валондомс, андомс и ваномс сянь мельге, штоба афольхть эвонда сит или лия вредительхть.
Мезенди шукшторуксть валондсазь лакай ведьса?
Аф ефсикс лакай ведьса, а псиса, конань лейкаста валондсазь кусторксть лангс метрань сереста. Мзярс ведсь пачкоди тараттненди, сон эшенди, но тяконь мархта шавсыне ламоц урматнень и вредительхнень.
Тяфтама душсь ладяй нинге аф почкондаф тараткятненди, но ули кода валондомс и лопанятнень, но сяда эшентьф ведьса.

06.06.2019 №22
 
 
 

 
НОВОСТИ

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин