Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Ветеранам о ветеранах

Веконь кувалмоса эряф:Дагестанонь эряйти Саидгасанонди—108 киза

Дагестанцта лама кизонь эряйть колга азондсь сонь унокоц Шамиль. Саидгасан—эсь районцонза содаф ломань, теенза сашендови сидеста макссемс интервьют. Кода, лама кизонь эряйть мяленц коряс, теенза удалась тняра эрямс.
Саидгасан шачсь Дагестанца, Вярце Гаквари велеса, пингта меле семьянек ётасть эряма Чечняв. Тоса 15-16 кизоса цёракс сон рьвяясь, шачсь стирнясна.
Чечняса эрямста Саидгасанонди савсь лама кирдемс, 40-це кизотнень сон нльне судендафоль и ащесь тюрьмаса. Сяс, мзяра кизоса сон рьвяясь омбоцеда и мзяра шабасна шачсь омбоце рьванц мархта, атясь аф мяляфтсы ни.
Войнада меле Саидгасан мрдась родиназонза, ДАССР-нь Цумадинскяй райононь Агвали веленяв.
Тяса сон рьвяясь колмоцеда авань лангс, кона кемонь кизода корязонза одоль. Шачсь 12 идьсна, ёмлась эвондась белай свету, мзярда Саидгасанонди ульсь пцтай 60 киза.
Тяни синь лядсть ветенест, оцю стиренцты 70 киза. Рьвац Саидгасанонь кулось вете кизода инголе, теенза ульсь вейхксогемонь колмува.
Кизотне и шумбрашись
Агвали вели мрдамдонза меле, Саидгасан строясь меленця и кузенця, коса покоди тячемс. Шарьхкотьф, вийдонза тяни аф сняра ни, кода инголи, работаса теенза лезни цёрац, кона эряй мархтонза. Эсь шумбрашинц лангс Саидгасан аф пеняцяй, эряфоньберьф сон аньцек весть ащесь больницяса. Кафта кизода инголе вии инфицированияда меле теенза савсь тиемс веронь переливания. Сяс тяфтама шумбрашить лангс ули кода каямс сельме.
Кода эрямс ламос
Кувака эряфонь секретокс Саидгасан лувондсы васендакиге наследственностть (сонь тядяц эрясь 125 киза, а патяц—128) и эряфонь шумбра койхнень. Виде, ярхцси сон аф фалу шумбра ярхцамбяльда, пяк кельгсы урбечть. Тя калорийнай и пяк топотьфти ярхцамбяль, кона тиендеви меленцяса миндальнай, абрикосовай или шинжаромань видьмотнень кеднек-мезнек яжамста. Тяза шовордакшнихть сахар и сивондсазь паста лаца, вадендемок кши лангс.
Саидгасан корхтай, што эряфсь нинге ашезе мольфте мяленц. Аф ваномок эряфонь сталмотнень лангс, сон мяляфтсы аньцек цебярть. Саидгасанонь оцю семьяц, 22 унокоц и идень 9 уноконза. Сонь лама мяльдонза-арьсемадонза сай пингонди, и кда васьфтьсы сянь, кона согласиндай арамс теенза рьвакс, рьвяяй нилецеда.

13.06.2019 №23
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин