Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Краснослободск ошса

—Краснослободск ошень кельгома эряйхть! Кельгома педагокт, школаса тонафнихть и тядят-алят! Поздравляндатядязь тинь оцю тя праздникть—Содамошинь шить мархта, кона фалу уленди таколфтыкс и мялень салайкс, сон тиенди ушеткс од сатфксненди, цебярь тефненди. Сембонди тейнек тячи кафтонь-крдань праздник, кона заняй башка васта районть эряфса—мекольдень 30 кизотнень Краснослободск ошса панжеви од школа, конань ули кода лемдемс Содамошинь Дворецокс. Колганза тястонь эряйхне арьсесть кунара. Тя кизефксть коряс сембе эняльдемантень и вешфксонтень ванондоськ. И вов тяниень пингть Российскяй Федерациянь Президентть В.В.Путинонь, кона меля азсь «Образование» национальнай проектть ушедоманц колга, вельде Краснослободск ошса удалась ушедомс од школать строямац,—мярьгсь Владимир Дмитриевич.

Валонзон коряс, школать строямс карьхцяф пцтай 500 миллион цалковай. Средстватнень ламошкасна максфт федеральнай бюджетста. Спасиба азома строительхненди—«Анелия» компанияти и сонь директоронцты А.А.Пудовкинонди. Синь тиезь тевснон эрявикс пингста и пяк цебярьста.

Кда варжаксттама Краснослободскяй 1№ школать историянцты, то содасаськ, што сон пяк козя. Ащи школась ошть историческяй центрасонза. 1923 кизоть самс школать ташта зданиясонза ульсь духовнай училища. Мекольдень пингть школать педагогонза эрь кизоня ётафнихть республиканскяй историко-краеведческяй конференция, конань эса участия примси республикань и лия региоттнень эзда 300 школьник. 2012 кизоста сявомок тя школась арась дистанционнай тонафнемань центракс. Видеоконференциять вельде работась макссь возможность Мордовиянь вуснень эзда преподавательхненди тонафнемс школьникнень, полафнемс фкя-фкянь мархта опытса, мезть колга аф весть пачфневсь кода республикаса, стане и Россияса.

Сембе однять тевс сувафтомац няфтезе, што школаса башка мяль шарфневи инженернай образованияти, федеральнай экспериментальнай площадкась 1№ школать видеса панчфоль 2015 кизоня. Тонафнемань тя заведениясь арась проектнай деятельностень од мялень центракс, пуропнемок марс образованиянь сембе куцеманятнень, тяконь лувксса и профессиональнай тонафнемань системать.

Школать од зданиясонза панжеви «Проекториум» инновационнай творчествань центра, кона содержанияс коре кармай Мордовиянь Технопаркть лаца. Тя центраса работась кармай вятевома 5 кластерхнень коряс. Иттненди кармайхть ётафневома занятият прототипированиять, инженернай графикать, модельнай робототехникать, 3D-моделированиять, программированиять коряс. Тя лезды теест кочкамс эрявикс профессиять сятнень эзда, конатнень лемнесазь «сай пингонь профессиякс».

1№ школать од зданияц ащи Советскяй площадьса, ёфси маласа ташта зданиять эзда. Строяф сон 450 вастонди. Эсонза азсь мяль тонафнемс 541 ломань. Эздост 73 стирнятне и цёранятне тядде мольсть васенце классу. Школаса пуроптф 24 класс-комплект. Тонафнемань тя заведениять директороц Артём Сергеевич Ромашкин.

Тя шиня школать эзда символическяй панжемать Мордовия Республикань Оцюнясь В.Д.Волков максозе васенце класса тонафнихненди.

Тядятнень-алятнень лемста приветственнай вал азсь Николай Алексеевич Пронин.

Тяддень тонафнемань кизоня пайгонять васенцеда дингольфтезь Краснослободскяй 1№ средняй школать 1971 кизоня шумордаец, Мордовия Республикань Оцюнясь В.Д.Волков, 11 класса тонафнись Илья Рунков и 1 класса тонафнись Лилия Якомаскина.

Сяда тов якстерь лентанять керозь республикань Оцюнясь В.Д.Волков, торжественнай линейкань почётнай инжихне, школать директороц А.С.Ромашкин, Всероссийскяй предметнай олимпиадатнень эса сяськихне и призёрхне, творческяй фестивалень лауреаттне.

Меле Владимир Дмитриевич ванозень од школань кабинеттнень, корхнесь тонафнихнень и педагокнень мархта.

 

Т.АЛЬШИНА.


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022