Поиск по сайту: 
 

Архив
 декабрь 
 2019 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Тема дня

ЛЯМБЕ ВАСЕДЕМАТ МОКШЭРЗЯНЬ КРАЙСА

Фестивальть панжезе Мордовия Республикань культурань, национальнай политикань и архивнай тевонь министрсь А.М.Чушкин. Сон МР-нь Оцюнять В.Д.Волковонь лемста азсь приветствиянь валхт сембе пуромфненди, фестивалень инжихненди, артисттненди. Анатолий Михайловичень валонзон коряс, тяфтама фестивальхне макссихть возможность сяда лац содафнемс лия нароттнень культураснон мархта.

 

—Тядде театраньке сатозе Российскяй Федерациянь Культурань министерствать грантонц, ярмакне нолдафт тевс и тя фестивальть етафтоманкса,—азозе А.М.Чушкин.—Грантть сатомаса театраньконь ширенц кирдезе РФ-нь культурань министрсь В.Р.Мединский. Тянкса теенза оцю спасиба! Стане жа сюкпря сембе театратненди, конат азсть мяль примамс участия тя фестивальса, актерхненди, конат састь ширезонк ваныеньконь кеняртьфтема. Тя  тейнек оцюдонга оцю казне.

 

Фестивальть панжемста стане жа корхтась жюрить председателец, искусствоведениянь кандидатсь, театроведсь, культурологсь, театральнай критиксь, Москуста саф инжись  П.Б.Богданова.

 

Сяда тов фестивалень крьвястьф штатолть Мокшэрзянь  государственнай национальнай драматическяй театрать директороц С.И.Дорогайкина максозе фестивальть ушедыензонды—мокшэрзянь театрань актерхненди, конат няфтезь сценать лангса мокшень содаф писательть В.И.Мишанинать «Апак лемде эрзянь тейтерезэ»  пьесанц коряс эрзянь кяльса историческяй драмать. Тя спектакльть сцена лангс путозе содаф режиссерсь, РФ-нь и Калмыкия Республикань Заслуженнай деятельсь Б.Н.Манджиев. Постановкась пяк токай седи и ламоть колга арьсефти. Эсонза ваныти панчсевихть мокшэрзянь народть коенза, историяц, эсь шкаензонды кемамац.

 

Декорациятне,   спецэффект-тне, мокшэрзянь моротне, костюпне, актерхнень маштозь налхкомасна лама пингс мяляфтовихть ваныти.

 

«Штатол» фестивальть пингста эсь спектакльснон стане жа няфтезь Дагестанонь някань государственнай театрась (Махачкала ошсь), Татаронь драматическяй театрась (Набережные Челны ошсь), Од ваныень  Марийскяй театрась (Йошкар-Ола ошсь), М.Сеспелень лемса од ваныень Чувашскяй государственнай театрась (Чебоксары ошсь). Сембе спектакльхне мольсть национальнай кяльса и эрсь музе эсь ваныенц.

 

Т.Петрова.

 

 


24.10.2019 №42
 
 
 

 
НОВОСТИ
 
 
 
 
 
 
 

ЭСОНЗА АФ МАДОНДЫ ТОЛКС ЮРНАЙ МИНЦЕННЕТИ КЕЛЬГОМАСЬ

 
Родной кялень кельги, национальнай коень-обуцянь ванфты, афкуксонь патриот. Тянь ули кода азомс Мордовиянь Инсарскяй райононь Пою велеса шачф-касф мокшавать Анастасия Афанасьевна Шумкинать (Акшаевать) колга. Аф ваномок сянь лангс, што сон лама киза ни аф эряй мокшэрзянь масторса, эсонза аф мадонды толкс юрнай семботи минценнети кельгомась. Мзярда корхнень Анастасия Афанасьевнань мархта, тя шарьхкодевсь эстокиге. А ушедозе азондомать аф эсь колганза, а ёмла родинанц эзда.

 

Уликс легендать мяльс сявозь, атянзон атясна эрясть оцю губор лангса, конань лемоцоль Ош панда ляй, кона кафта ширде шарфоль вирьхнень мархта, а нинге кафта ширде ульсть сери крутоярхт, конатнень ала шудесь Исса ляйсь. Пингонь ётазь карафне ушедсть пяярема и ляйсь полафтозе ведень шудема вастонц, вов эста родонь плямась сась мяльс ётамс эряма такор вастти, коса ульсь кода касфнемс козя урожай, а Иссать трвава кассь поювонь оцю и туста вирь. Вельденза алятне шапондсть од кутт семьяснонды. Тяфта и эвондась велеть лемоц—Пою.

 

Школаса тонафнемстонза Анастасия сидеста ванондсь раскопкатнень мельге, конатнень Ош панда ляйса ётафнезь Мордовскяй госуниверситетонь студенттне и преподавательхне. Синь мушендсть сёвонень кядьгонь пакшт, трудонь кевонь орудият, налонь пет, авань мазоптомат, монетат и лама мезе лия. Кунардонь эряма вастста ламоц муфкснень ули кода няемс Саранск ошса Краеведческяй музейса, улихть синь и велень школань музейса.

 

24.10.2019  № 42
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин