Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Кштисть-морасть Зубово-Полянскяй и Торбеевскяй райононь артисттне

Стаки моли Мордовиянь эряйхненди фкя инь кельгови—«Шумбрат, Мордовия!» Народнай творчествань XXIII республиканскяй фестивальсь-конкурссь. 16 ноябрьста Культурань республиканскяй Дворецть сценанц лангса эсь асуснон, кштимаса-морамаса маштомошиснон няфтезь Зубово-Полянскяй и Торбеевскяй муниципальнай райононь самодеятельнай коллектифне и артисттне.
Отчетнай концерттнень пингста кайгсть рузонь, мокшень, татаронь морот, саласть мяль театрализованнай постановкатне, хореографическяй номерхне. Залса тя шиня, кода корхнихть, марьти ашель коза прамс. Ваныхнень ёткса кода эряфкшу, стане и од ломаттельхть. Ламошкасна шачсть-кассть Зубово-Полянскяй или Торбеевскяй районца, тяни эряйхть Саранскяйса. Артисттнень выступлениясна, мярьгат, кандсь эсь мархтонза шачема ширестост лямбоня. Сценать лангс эрь лисись васьфневсь кядень кайги цяпамаса.
Кода фалу, илась ушедсь Культурань республиканскяй Дворецть фойесонза. Нинге ичкозде марявсь гармониять вайгялец, сиде моронятне, конатнень народнай инструментть коряс моразь кайги вайгяль мокшаватне. Пильгонь аф ужяльдезь мархтост ряц «покорфтсть» кой-кона ваныхневок.
Пара мяльса ванфтольхть райоттнень декоративно-прикладной творчествань выставкасна. Дивандафтсть Зубово-Полянскяй райононь мастерицатнень ёмла ожнаняста кодаф крганясна, лия мазоптомбяльсна. Торбееваста искусствань идень школань тонафтысь Н.А.Швецова няфтсь котф лангс сёрмадомать коряс мастер-класс, а В.И.Фирсова няфтезе пуромфненди, кода маштозь кштирдемс понаста сюре.
Сценать лангс васенцекс лиссть Зубово-Полянскяй райононь      артисттне и творческяй коллектифне. Программась козяль, но инь мялень салайкс и мяляфтовикс, улема, арась «Сявомань шись» мокшень свадьбаста сявф пакшсь. Стирень ладямась, оттнень бславамасна—сембось ётафтфоль-няфтьфоль кунардонь пингонь койхнень-обуцятнень мяльса кирдезь. Ваныхнень весялгофтозь «Добры молодцы» ансамбльть «Весяла наигрышсна», гармониясь, балалайкась и бубенць налхкозь налхксть артисттнень кядьса. Токасть седи Елена Лантратовать «Домой» мороц и од цёрать Николай Шаевонь саксофонца морамац. А «Урожайная» мороть пингста, конань моразе «Поляне» народнай моронь ансамбльсь концертнай программать шумордамстонза, залса озсефне каваняфтольхть цюкорса.
Торбеевскяй районть отчетнай концертонц панжезе Мокшень Ювня велень «Мокшаваня» народнай фольклорнай ансамбльсь «Кролань Уленесь» мороса. Эряви азомс, Торбеевскяй районть концертнай программац козяль мокшень мороса, сиде мороняса. Синь моразь Варжеляй велень «Пайгоня» коллективсь, Салазгорьста «Сиянь ожнат» фольклорнай ансамбльсь, Дракинань асу морсись Максим Васькин и лиятне. Сембонь мяльс тусь «Нотка» идень вокальнай группать выступленияц. Стирнятне-цёранятне вятезь пряснон кода оцю артистт. Теест, улема, сатовсть инь кайги цяпаматне. Од ломаттнень мархта ряцок сценать лангс лисендсть и эряфкшуфне. Мордовиять колга седиень эжди мороть моразе «Синева» ветеранонь ансамбльсь. «Эх, спеть бы» финальнай мороть ваныхне кулхцондозь стяда ащезь. И мзярда самодеятельнай артисттне кяшевсть ни кулисатнень фталу, залса нинге ламос кайгсть кядень цяпаматне, «Браво!» юватькшнематне.
Лятфтасаськ, тядде «Шумбрат, Мордовия!» фестивальсь-конкурссь ётафтови «Культура» национальнай проектть рамкаса Российскяй Федерациянь Культурань министерствать ширень кирдеманц коряс.
23 ноябрьста отчетнай концертонц няфтьсы Ковылкинскяй муниципальнай районць. 24 ноябрьста сценать лангса кштийхть-морайхть Саранск ошень округонь артисттне. Гала-концертсь кармай 15 декабрьста.
О.СЕРГЕЕВА.
 

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022