Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ТВОРЧЕСТВАЦ—ОЦЮДОНГА ОЦЮ ПУТКС ПОЭЗИЯТИ

12 ноябрьста А.С.Пушкинонь лемса Национальнай библиотекаса ётась «Мезе кадынь мон тезэ…» лем ала лятфнемань  илядь, кона лемтьфоль эрзянь содаф поэтть, переводчикть, журналистть А.В.Араповонь шачема шистонза 60 кизонь топодемати. Пуромкссь аноклафоль-ётафтфоль «Вал» эрзянь кяльса сёрмады од писателень обществать, А.С.Пушкинонь лемса Национальнай библиотекать и Мордовскяй (мокшень и эрзянь) народть Межрегиональнай общественнай организациянц вийснон вельде. Лятфнемань илядсь ётафтфоль «Гордость нации» проектть рамкаса.
Залу пуромкшнесть А.В.Араповонь ялганза, раднянза, сят, кие лац содазе поэтть, кельгозе творчестванц. Няеви вастса пуроптфоль выставка, коса няфтьфтольхть Александр Васильевичень сборниконза.
Пуромксть панжемста вал максфоль Мордовскяй (мокшень и эрзянь) народть Межрегиональнай общественнай организациянц Исполкомонц председателенцты А.С.Лузгинонди. Александр Степанович мярьгсь, што А.В.Араповонь эряфста тумац арась оцю юмафксокс мокшэрзянь поэзияти.
—Александр Васильевич лац содазе родной кяленц, седишкада кельгозе эсь ёмла родинанц и фалу шнашендозе сонь мазышинц эсь стихонзон эса,—азозе А.С.Лузгин.
Кода мярьгсь Александр Степанович, А.В.Арапов шарфтсь эсь лангозонза мяль нинге сянь мархта, мес ульсь поэтокс-бардокс, сёрматкшнесь морот и сонць морсезень синь гитарас коре.
—Сонь творчествац—оцюдонга оцю путкс поэзияти, музыкальнай искусствати. Сон эряви тонафнемс, содафнемс мархтонза од ломаттнень,—поладозе А.С.Лузгин.
А.В.Араповонь колга лямбоста корхтасть «Сятко» журналть главнай редактороц Т.В.Разгуляева, Мордовиянь Писателень союзть председателец, «Чилисема» журналть главнай редактороц Н.И.Ишуткин, МР-нь Заслуженнай поэтсь А.А.Громыхин и лиятне.
Поэтть творчестванц колга азондсь МР-нь Правительствать видеса Гуманитарнай наукань НИИ-нь специалистсь И.В.Зубов.
А.В.Арапов шачсь 1959 кизоня Дубенскяй райононь  Чиндянова велеса учителень семьяса. Нинге шабакс няйфоль эсонза сёрмадыень асушись. 14 кизоль теенза, мзярда Дубенскяй районнай «Новая жизнь» газетаса лиссь васенце стихотворенияц. Тяда меле поэтсь верондась эсь виензонды и кармась кучсемост эсь стихонзон Москуву. Курок синь ушедсть печатлакшневома «Пионер» журналса, кайгозевсть Всесоюзнай радиоса—«Ровесники» передачаса и «Юность» радиостанциять программанзон эса.
Сермадомань тевса содамошинзон А.В.Арапов козякофнезень васенда Мордовскяй госуниверситетса, а меле—М.В.Ломоносовонь лемса Московскяй государственнай университетса. Меле работась корреспондентокс «Мордовский университет» газетаса, сяльде ётафтфоль литературнай сотрудникокс. 1989 кизоста сявомок 2000 кизоти молемс ульсь «Сятко» журналонь поэзиянь отделонь редакторкс, 2000 кизоня арась журналонь главнай редакторкс. Изданиянь сотрудникне, кинди савсь работамс А.В.Араповонь мархта, мяляфтсазь, кодама сон цебярель руководительсь, сембонь мархта мушендсь марстонь кяль, ульсь пара тонафтыкс оттненди.
А.В.Арапов сермадсь и эрзянь, и рузонь кяльса. Александр Васильевичень стихонза печатлакшневсть ламоц коллективнай сборникнень эса аф аньцек Мордовияса, но и Венгрияса, Эстонияса, Финляндияса и лия вастса. Башка оцю васта творчествасонза занци перьфпяльти, шачема масторти кельгомась.
Лятфнемань илядня лувфтольхть А.В.Араповонь стихонза, кайгсть моронза. Мордовскяй (мокшень и эрзянь) народть межрегиональнай общественнай организациянц эзда казьфтольхть казнет сятненди, кие макссь оцю лезкс мероприятиять ётафтомаса.
О.Евдокимова.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022