Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Тема дня

Мордовияв сашендсь РФ-нь культурань министрть заместителец О.С.Ярилова

Тя шиня Саранскяйса капитальнай ремонтта меле панчфоль Някань Мордовия Республикань Государственнай театрась. Торжественнай тя пуромксса примасть участия Мордовия Республикань Оцюнясь В.Д.Волков, Российскяй Федерациянь культурань министрть заместителец О.С.Ярилова, Мордовия Республикань Правительствать Председателец В.Ф.Сушков, Мордовия Республикань Правительствать Председателенц заместителец Г.А.Лотванова, официальнай лия ломатть.

 

Някань театрати капитальнай ремонт тифоль «Культура» национальнай проектть мяльса кирдезь. Сембоц тя тевонди нолдафоль 42 миллион цалковай. Ули кода азомс, што Някань театрась полафтсь аф азовомшка. Панжема шинянза сон пяшксель идьта и од ломаньда, конат оцю мяльса састь постановкань ванома.

 

—Поздравляндаса някань республиканскяй театрать коллективонц кунара учсеф оцю событиять мархта,—мярьгсь Владимир Дмитриевич Волков.—Од условиятнень колга арьсесть сембе: и театрань труппась, и ваныхне. И вов «Культура» национальнай проектть вельде тейнек Театрань кизоня удалась тиемс казне коллективти, кона меля отмечазе 80 кизонц. Азан благодарностень валхт Российскяй Федерациянь культурань министрти Владимир Ростиславович Мединскяенди и Тейть, Ольга Сергеевна, республикать культурань ламоц проектонзон ширеснон кирдеманкса.

 

О.С.Ярилова мярьгсь, што нацпроектть вельде ули кода  одукс кепсемс тяфтама учрежденият, тиендемс теест ремонт, стройсемс отт.

 

Сяда тов Республикань Кудть Колоннай залсонза ульсь «Культура» национальнай проектть Приволжскяй федеральнай округса эряфс ётафтоманц коряс мониторинговай совещания, конань вятезе Российскяй Федерациянь культурань министрть заместителец О.С.Ярилова.

 

Приветственнай валсонза Владимир Дмитриевич шарфтсь мяль сянь лангс, што региононьке марнек странать мархта ряцок кярьмодсь национальнай проекттнень, конат эряфс нолдафтольхть Россиянь Президентть В.В.Путинонь решениянц коряс, эряфс ётафтомаснонды. Аньцек тядде миньцонк ламоц объекттненди тиф ремонт, аф кржа объект строяф—сембоц тя лувксса эздост 200 лама.

 

Т.АЛЬШИНА.

 


12.12.2019 №49
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин