Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Тема дня

КАЗНЕТ И ЛЯМБЕ ВАЛХТ—ЖУРНАЛИСТТНЕНДИ

Торжественнай пуромксса республикань Оцюнясь В.Д.Волков башка мяль шарфтсь сянди, мезть лангса сави работамс тядде. Пяк ламось ули сотф ся задачатнень мархта, конатнень путозень Российскяй Федерациянь Президентсь В.В.Путин Федеральнай Собранияти Посланиясонза. Посланияса лама корхтави прябалатнень машфтомаснон и ломаттнень эряфснон цебярьгофтомаснон колга.

 

—В.В.Путин сатомшка мяль шарфтсь демографическяй ситуацияти—республикати тя ащи васенце вастса. Тейнек тячи  оцю задачакс ащи—машфтомс 90-це кизонь демографическяй «ваяматнень», тиемс семботь Мордовиянь населениять лувксонц касфтоманц инкса,—азозе Владимир Дмитриевич.—Маластонь вете кизотнень лама тиеви ашушить машфтоманц, ломаттнень доходснон касфтомаснон инкса. Президентсь азсь мяль сувафтомс эрь ковонь пандомат 3-7 кизоса иттненди. Синь кармайхть получсема семьятне, конатнень доходсна аф фкя прожиточнай минимумда лама ломанти. Мордовияса тя пандомать ули кода получамс 5,5 тёжянь семьянди, конатнень эса касы 3-7 кизоса пцтай 15 тёжянь идь.

 

Кой-кона региоттнень эса аф сатнихть ясельнай васттне. Мордовияса тяфтама прябала аш. Меля республикасонк сувафтф стройс идень 8 сатт, тиф ясельнай 915 васта. 2021 кизоть шумордамс машфтови 3 кизоти молемс шабатнень ёткса очередсь. Республикаса тя тиеви идень 13 садонь строямать вельде.

 

2007 кизоста сявомок Мордовияса максф 44 тёжяньда лама сертификат тядянь капиталонди. Странань Президентсь примась решения: касфтомс тя капиталть лувксонц и паннемс сонь васенце идть инкса ни. Миньцонк тядянь капиталсь пцтай фалу ноляви эряма условиятнень цебярьгофтоманкса.

 

Корхтафоль доступнай эряма вастть строяманц, ипотечнай программатнень виияфтомаснон, здравоохранениять модернизациянц,  образованиять и ламоть лиять квалма. Семботь тянь коряс Мордовияса мольфтеви оцю работа. Велеть виияфтоманц и велень льготнай ипотекать вельде арьсеви кафтонь-колмонь-крда касфтомс велеса эряма вастть строяманц. 2019 кизоня республикаса панчфт фельдшерско-акушерскяй 3 пунктт, тядде арьсеви панжемс 72 од ФАП и врачебнай амбулатория Ковылкинскяй райононь Троицк велеса. Рамави мобильнай 33 комплекс—ФАП-т, маммографт, стоматологическяй мобильнай установкат.

 

«Аф ваномок мелянь финансовай кой-кона стакатнень-сталмотнень лангс, минь сатоме финансовай тяфтама касома, кодама республикса нинге ашель. Ётай кизоть итогонзон коряс, пцтай сембе отраслятнень эса няйхтяма цебярь шири полафткст, тяконь лувксса промышленностьса, строительстваса, велень хозяйстваса»,—азозе Владимир Дмитриевич Волков.

 

Меля васенцеда удалась кирьфтамс Мордовиять государственнай шумонц—кемонь процентта, пантф вете миллиартт цалковай.

 

Тя шиня В.Д.Волков поздравляндазень и казезень журналист-тнень. Республикань Оцюнясь азозе, што тядде эвондай конкурснай нинге фкя номинация, кона ули лемтьф Великай Победать 75 кизонь топодеманцты. Итокне теенза тиевихть 2021 кизонь январьста. Республиканскяй массовай информациянь средстватненди аськоляма пингть мархта и сяда виияфнемат социальнай сетьтне.

 

Пара мяльса азсаськ, што «Мокшень правда» газетась тядде, кода и меля, сатозе васенце степенень Дипломть «ИнтоНАЦИЯ» журналистскяй конкурсть «Материалхне, конат лиссть массовай информациянь республиканскяй печатнай средстватнень эса, «Интернет» информационно-телекоммуникационнай сетьса» номинацияса.

 

                                                                                            Т.ВЛАДИМИРОВА.

 

                                  Снимкаса: МР-нь Оцюнясь В.Д.Волков максозе
                                                                            васенце степенень Дипломть

 

                                         «Интонация» номинацияса «Мокшень правда»
                                                                 редакциять  культурань отделонц   

 

                                                                           вятиенцты Т.В.Альшинати.

 


23.01.2020 №2
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин