Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

ЛЕНИНГРАДОНЬ ЭРЯЙХНЕНЬ ПОДВИГСНА АФ ЮКСТАВИ

Понедельникста 1941-1945 кизонь военнай и трудовой подвигонь Мемориальнай музейса ётафтфоль «Блокадный хлеб» лятфнемань Всероссийскяй акциясь. Пингстонза музейса панчфоль «Непобедимый город Ленинград» выставкась, няфтьфоль «Блокада Ленинграда» видеофильмась, а стане жа ванфоль-кулхцонтфоль Великай Отечественнай                    войнань ветеранть, блокаднай Ленинградонь эряйть В.Ф.Барсуковонь азондомац-лятфнемац.

 

Кода азозь акциянь етафтыхне, Ленинград ошсь кружафста кирдевсь 872 ши. Тячемс аф содаф блокадать пингста кулофнень-шавфнень видексонь лувкссна. Аф фкя лацонь лувоматнень коряс ня кизотнень ошса кулось 692 тёжянть эзда сявомок 1,5 миллионти молемс ломань. 97 процентсна кулость вачашить сюнеда. Ленинградть воляс нолдамасонза примасть участия Мордовияса шачф-касф пцтай 20 тёжянь ломанць. Вете тёжяттне шавфтольхть.

 

Акциять пингста залу озсеф од ломаттнень инголе корхтасть ветеранонь республиканскяй Советть председателец И.С.Цыганок, Мордовия Республикань почетнай гражданинць П.Н.Попов, Мемориальнай музейть директороц Н.А.Кручинкин и лиятне. Сембе синь кошардозь од ломаттнень аф юкснемс Великай  Отечественнай войнань стака кизотнень, советскяй народть мужестванц и героизманц колга.

 

Тяка шиня Великай Отечественнай войнаса шавфненди мемориалть ваксса ётась лятфнемань акция, коса примасть участия омба масторонь  студенттне. Синь путсть мемориалти панчфт. Кода азозе Од ломанень Всероссийскяй межнациональнай союзть региональнай отделениянц председателец Шакир Худаяров, тя акциясь ётафневи эрь кизоня. «Ленинградть воляс нолдамац—войнать башка оцю пяльксоц, и ингольдень союзнай республикатнень эзда од ломаттненди аш кода юкснемс атяснон-бабаснон подвигснон колга».

 

О.СЕРГЕЕВА.

 


30.01.2020 №3
 
 
 

 
НОВОСТИ
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин