Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Национальная тематика

З.Ф.Дорофеев тиезе содафокс Салазгорть

Содаф учёнайсь, Н.П.Огарёвонь лемса Мордовскяй госуниверситетонь профессорсь Н.Ф.Мокшин аф весть ульсь Салазгорьса, З.Ф.Дорофеевонь шачема-касома велесонза, историко-краеведческяй музейса, кона каннесы мокшэрзянь литературать ушедыенц, Народнай учительть и просветительть лемонц. Васьфнесь школань коллективть мархта. Сёрмадсь Захар Фёдоровичень колга аф фкя работа. Синь пяк лездыхть З.Дорофеевонь 130 кизонь юбилеенцты анокламста, кона ули мартста. Тя юбилейти аноклай школань коллективсь, велень библиотекась. Шабатне рисавайхть, сёрмадыхть стихт и азкст. Школаса инь няевикс вастса стенттне, конат азондыхть Дорофеевонь юбилеенц колга. Велень библиотекарсь А.А.Эрькина ётафтсь  «Учительхнень учительсна» лем ала оцю ила.
—З.Ф.Дорофеевонь мархта шнафты пря мокшэрзянь сембе масторсь,—мярьгсь школань мокшень кялень и мокшэрзянь литературань тонафтысь Г.Ф.Никишова.—А минь велесонк сон шачсь и кассь. Тейнек сембось тиема сянкса, штоба сонь лемоц кайголь фалу, афоль юкстав мзярдовок.
Тянкса аф кржа вий макссь и Мордовия Республикань  Заслуженнай учительсь Г.В.Сетяев. Сон кочкась Дорофеевонь колга лама интереснай материал. Васьфнесь раднянзон, содафонзон, ялганзон мархта. Лама вий путсь историко-краеведческяй музейть панжемста, конанди максфоль З.Ф.Дорофеевонь лемоц.
—Кодама аньцек стака пинкт ашельхть,—корхтай Григорий Васильевич.—Но Дорофеевонди илат ётафнеме фалу. Эсост ульсть писательхть, учёнайхть, артистт, общественнай деятельхть, школань учительхть. Арьсян,  130 кизонь илацка ётай мялень салайста и кочкай лама ломаньда.
Григорий Васильевичта башка З.Ф.Дорофеевонь творчестванц фалу мяльса кирдьсы Г.Ф.Никишова, школань мокшень кялень и мокшэрзянь литературань тонафтысь. Сон и кармай илань аноклама-ётафтома. А инжикс школав тердьсазь Дракинань, Варжеляень и лия шабра велень тонафтыхнень и тонафнихнень. А корхтамс ули мезень колга.
И.АТЕРЕВ.

13.02.2020 №5
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин