Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Юмор и сатира

Эшелямазь

Кудфтома монь кадомань
Аерксонь пожарсь.
Сякокс Шкайсь ужяльдемань:
Банязе изь пал.
Эрян тяни эсонза,
Тяса и утцян.
Нльне масторбестонга
Меки сей мртцян.
Сань весть баня-кудозон
Шоподема лангс,
Кода офта, утозон
Ёрань ни сувамс.
Панжень кенкшть, а банясон
Кати-мезень жалф.
Няине мон—ават нят—
Штада пект и фталхт.
Пешкодстъ:
—Атяй, месендят?
Коза сей суват?!
Али мяльце эшелямс?
Учт ни аф куватьс!..
Ашезь учсе самазень,
Эздон пельсть аф пяк.
Эсьфтомон уштсть
                                     банязень.
Тяни парясть, няк.
Эх ни, атянь эряфкя!
Ков тят нава нярь,
Каршезт путыхть перяфкя,
Пильгозт сотыхть
                                  тяртть.
Ёрань тумс ни козонга,
Кадомс авань тналть.
Фкясь кундамань ожада,
Меки ускомань.
—Атяй, ащек ётксонок,
Эшеляк и штак!
Эрька каяйть понксненьге,
Штадоня сувак!
Арьсян, мес аф эшелямс?
Банясь монь, аф синь.
Эздост аш месть
                              кяшендемс,
Эрька варчса псинц!
Сюреняньбес каряньфнень
И сувань Адамкс.
Курокста лездсть аватне
Куцемс полка лангс.
Чошкофтсть ведьге
                                  каменцяв,
Мярьгат, казне казсть.
Копорти пси тяльмоса
Стане эсон сязсть...
Лама тяда кизефне,
Мезе сяда тов...
Ронгстон сембе сизефне
Ворьгодсть кати-ков.
 
Шурань сёрмац
Эрь, а коса Шуразе?—
Кизефтьсамасть монь.
Африкаса Шуразе,
Тосонга пряц—ёнь!
Аф кунара сёрманяц
Ичкоздевок сась.
Мярьгат, баня-корамняв
Гулюкс сонць лийкстась.
И кулянцты кенярдень,
Валнянц эрть лувса.
Шуранди мезь энялькшнень,
Сянь сон изь юкста.
Тяшти: «Тон тят пичеде,
Пряце тяза шар.
Эрян хоть пяк ичкозе,
Келькте тонь, Макар!
Африкась—аф веленьке,
Оцю—ков тят ван.
Но рьвакс—тят пеленде—
Тяса аф туян.
Африкава якамста
Эсот псись крхтай.
Саль хоть кожфкя якшамня,
Да ужяль, аф сай.
Сяс пцтай крхтапанят
Алятневок прокс.
Прясна—равжа сяканят,
Кядьсна, мярьгат, сотт.
Атя, эрька негранди
Тямак кунеля.
Кистон мон аф эрьгодян,
Якан вярьгак пря.
Ресторанца покодян:
Сей-тов лиендян,
Аннесайне топодемс,
Кие муй сей ян.
Пингснон тяса ётафнихть
Англичатт, француст,
А кой-коста чёпафнихть
Мокшэрзят и руст.
Ашуфт аш—най козялят,
И аф тула нолкт.
Мярьган: «Эрька озада!»
Эздост ули толк!
Аф ужяльдьсазь долларснон,
Каваняйть и шнайть!
Танцтиняда нолафтсайть,
Питнида симдьсайть.
Тонценьге синь шнатядязь,
Отькорят пяк мес.
Меле аф юкстатядязь:
Тейтьке навайхть зепс.
Эстеест синь мушендыхть
Аванятка щафт.
Ёткстост сят 
                   аф тушендыхть,
Цють аф Евакс щафт.
Нинге мезе тиендихть,
Сянь ни шарьхкотьк тонць.
Масторть келес лиенди
Ярмаконь законць.
Азорське монь шнасамань,
Мяльс тунь педа-пес,
Орамонц мес андса мон,
Козякоткшни мес...»
* * *
Шура сёрмады «Мрдан.
Куд путан—дворец!..»
Паламс сави, ктмордамс!
Азксозеньге
ПЕЦ.
Пец-аф пец, а азса нинге:
Кда Шура афкукс сай,
Ся дворецу сада тиньге.
Мон путан аф аньцек чай.
Кяжи пуреда сиптяма,
Мороть вярьгак ушедсаськ!
Иреттяма и—кштитяма!
Марнек масторть
                       дуборфтсаськ!
А.Тяпаев.

13.02.2020 №5
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин