Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Обо всем понемногу

Пеетькшнезь

Монь мирдезе—афкуксонь сволочь. Исяк анань кядьстонза колма тёжятть цалковай косметическяй средстванди. Сон варжакстсь лангозон и макссь вете тёжятть.
 
Мирдсь сашенды куду и пеедезь корхтай рьванцты:
—А монь работаста панемазь!
—Мон ашине шарьхкоде, а мес тон тяшкава кеняртьфат?
—А лядыхнень озафтозь.
 
—Матаняй, рамак тейне вов тя суркскять!
—Кельгомняй, монь аш ярмакозе суркскянди.
—Эста рамак туфлянят.
—Аш ярмак!
—Ну хуш рамак жвачка, штоба кургозень пандомс…

Сембе гаишникне кизефнихть: «Тон симоть?» И хуш фкясь кизефтель: «Тон ярхцать?»

Тядяти эрь минутаста макссеви кемоньшка кизефкс: «Мезе ули ярхцамс?, Мезе щамс?, Мезе рамамс?, Косот носкане? и стак тов. Аляти аньцек фкя: «Коса тядязе?»

Кастрюлятне кармайхть бта отт
Аруяфтомс кастрюлятнень палфть эзда лезды вов мезсь.
Сявомс хозяйственнай сапонть пяленц, стакан кальцинированнай сода и аф оцю сюлеканя канцелярскяй клей (жидкое стекло). Кели кастрюлять пяледа ламонц пяшкодемс ведьса и путомс тол лангс. Теркаса шовамс тоза сапонь, каямс сода и клей. Мзярда шоряфкссь лаказеви, путомс эзонза рдазу кастрюлять, и катк сон лакай тя ведьса 5-10 минута.
Тяфта аруяфтовихть  эмалированнай и нержавейкаста  кастрюлятне.
Эмалированнай кастрюлятнень, конат пингонь етазь юмафнесазь тюсснон (шобдалготкшнихть), ули кода аруяфтомс тяфта: 1 столовай куцю «Бос» акшепты средствать каямс кастрюляс и пяшкодемс ведьса. Кадомс ащема веньберьф. Шобдава кастрюлясь кармай кода од.
 
Аватне-водительхне токсевихть сяда сидеста
Аватне-водительхне автоавариятнень пингста токсевихть сяда сидеста алятнень коряс. Лисенди тя сянкса, што тяниень пингонь ламоц машинатнень безопасностень системасна тиф алятненди. Аватне рульть ваксс озамста ёрайхть ащемс теенза сяда сери и мала вастса, сяс мес озама вастть «копорец» ащи сяда видеста, тянкса аватнень колмоксть сяда сидеста токсеви карязсна. Тяда башка, ламоц аватне арнихть ёмла габаритонь машинаса. И нинге, синь эсь лацоннекс васьфнесазь пельксть: сидеста кяшендихть рульть алу, а тяфта ащезь пяк тёждяста токават и синневат.

 

13.02.2020 №5
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин