Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

МР-нь ОЦЮНЯСЬ ПРИМАСЬ УЧАСТИЯ ВИДЕОКОНФЕРЕНЦИЯНЬ РЕЖИМСА ЁТАФТФ РОССИЯНЬ ПРЕЗИДЕНТТЬ СОВЕЩАНИЯСА

Президентсь лятфтась решениятнень и мератнень колга, конат ульсть водендафт медицинскяй специалисттнень, социальнай работникнень, идь мархта семьятнень, предприятиятнень и бизнесть ширеснон кирдеманкса коронавируснай инфекциять келемоманц пингста. Владимир Путин мярьгсь Правительствати, Минздравти, Минтрудти и региоттненди обеспечендамс сембе азф пандоматнень мониторингснон. «Сембось должен улемс шарьхкодевикс и пачк няевикс: коза, кинди и мезенкса пандовихть ярмакне»,—мярьгсь сон. Ня кизефкснень коряс сембе информациять эряви лац-ряц пачфтемс ломаттненди и азондомс колганза аньцяйняньбес.

 

Совещаниянь участникне ванондозь властень оргаттнень тевонь мольфтемаснон, сянь, кода курокста получсесазь лезксть ломаттне и конкретнай организациятне.

 

Совещаниянь итокнень коряс, конань ётафтозе Россиянь Президентсь, Владимир Волков мярьгсь республиканскяй Правительствати анокламс анализ сембе ширень кирдемань мератненди, конат ётафневихть эряфс регионца коронавируснай инфекциять келемоманц пингста. Профильнай председательхнень заместительснон и министрхнень докладснон кулхцондсыне сонць республикань Оцюнясь оперативнай штабть заседанияса.

 


02.06.2020 №
 
 
 

 
НОВОСТИ
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин