Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Владимир Волков ётафтсь медицинскяй учреждениянь главнай врачнень мархта совещания

Мордовиянь Оцюнясь Владимир Волков 1 июньцта видеоконференциянь режимса ётафтсь медицинскяй учреждениянь главнай врачнень мархта коронавируснай инфекциять келемоманц пингста работань кизефкснень коряс совещания. Совещанияса тяфта жа примасть участия Правительствать Председателенц заместителец Галина Лотванова, Мордовия Республикать эзга потребительхнень праваснон и ломаттнень благополучияснон араламаснон сфераса надзорть коряс федеральнай службань Управлениять  руководителец Татьяна Харитонова, республикань здравоохранениянь министрсь Олег Маркин.
Мордовиянь Оцюнясь отмечазе, што 2,5 ков ни медицинскяй учреждениятне работайхть мезе ули вийсна. Тиф 1,5 тёжяньда лама инфекционнай койка-васта, рамаф и путф эрявикс оборудования, ламода касфтфт тестонь ётафтомань объёмтне. Республикась 22 регионть лувксса сувась коронавируснай инфекцияти ломаттнень антителаснон мумаснон коряс исследованиятненди Роспотребнадзорть пилотнай проектозонза. Татьяна Харитоновать валонзон коряс, антителатнень муманкса арьсекшневи проверямс республикань 2600 эряй, конат явовихть кизос коре группава (эрь группаса 360 ломань).
Койка-васттнень пяшкотькшнемаснон коряс и урмаськотфнень лувксснон касомаснон инкса республикась нинге аф анок валхтомс сембе ограничениятнень.
«Мон шарьхкодьса, 2,5 ковста сизесть сембе: врачне, медицинскяй персоналсь, предприятиянь руководительхне. Но лафчемомс тейнек нинге рана. Кда лафчептьсаськ правилатнень—тя кармай инь кальдявсь, мезть мархта сави васьфтемс»,—азозе Владимир Волков.
Тяфтама условияса главнай врачнень и больницянь персоналть ответственностьсна касы ламонь-крда. Штоба аф лафчепнемс коронавирусть каршес тюремать коряс вийхнень, Мордовиянь Оцюнясь шарфтсь башка мяль тяфтама кизефкснень лангс.
Васендакиге, медицинскяй персоналть аралафшинц лангс. Владимир Волков лятфтась 4№ больницянь  медсестрать Елена Петровать историянц колга и кемоста мярьгсь главнай врачненди тиемс семботь, штоба тяфтама случайхть республикаса афольхть уле.
Омбоцекссь—медицинскяй работникнень материальнай ширде ширень кирдемасна. Ширдест стаки сашендыхть пеняцямат федеральнай и республиканскяй стимулирующай пандоматнень коряс, тяконь лувксса республикань Оцюнять «пси линиязонза». Региононь руководительсь кемоста вешсь Минздравть ширде   виияфтомс контрольть  ня кизефкснень мельге.
Нинге фкя важнай кизефкссь—первичнай звенать работанц ладямац. Скорай помощень службать, поликлиникатнень персоналснон, участковай врачнень лангс сталмотне кассть ламонь-крда. Кода азозе Республиканскяй больницянь главнай врачсь Сергей Ладяев, медицинскяй учреждениять базаса тиф мониторинговай центра, кона ваны амбулаторнайста пчкафтови сембе пациенттнень шумбрашиснон мельге. Тячиень шити лувондови 2,5 тёжянь ломань.
Кда сявомс лекарстваса обеспечендамать, тяни республикань эряйхненди ули кода пчкафтомс пря коронавируснай инфекциять эзда пчкафтомань сембе схематнень коряс. Ули препаратонь оцю запас.
Мордовиянь Оцюнясь башка мяль шарфтсь нинге фкя важнай кизефксть лангс: эпидемиять инкса кирьфтавсть плановай медицинскяй лезксонь максомань объемтне. И тяни эряви работамс сянь лангса, штоба сяда курокста марнек объемса меки ладямс седиень и сосудань урма мархта, онкологияса сяряди, эндокриннай и лия урма мархта ломаттненди лезксонь максомань плановай работать. Тя работать эряви вятемс марса Роспотребнадзорть мархта, штоба аф тиемс пчкафтомань учреждениятнень эса коронавирусонь очакт.
Владимир Волков лятфтась тяддень сёксенда коронавирусть омбоце волнанц эвондаманц колга. Сяс койка-вастонь фондти, оборудованияти эряви улемс фалу анококс. Башка мяль шарфтома гриппть и ОРВИ-ть эзда ломаттнень сёксенда вакцинациянь ётафтомать лангс. Тяконди, гриппть эзда прививкать ули кода тиемс марса коронавирусть эзда вакцинациять мархта, кда ся пингс сон ётай сембе испытаниятнень пачк.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022