Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Тема дня

Рузаевскяй райононь оцюнять тевонзон тиендикс кемокстаф Александр Сайгачев

Мордовиянь Оцюнясь Владимир Волков 1 июньцта примась участия Рузаевскяй муниципальнай райононь депутаттнень Советснон внеочередной ётафтф сессияса. Шинь повесткань главнай кизефксокс ульсть пингта инголе Рузаевскяй райононь оцюнять Вячеслав Кормилицынонь полномочиянзон лоткафтомасна и райононь оцюнять васенце заместителенц Александр Сайгачевонь аф сембе пингс ня полномочиятнень пяшкотькшникс путомац.
Вячеслав Кормилицын сонць пшкядсь депутатонь Советти эсь мяльс коре полномочиянзон валхтомаснон колга. Республикань Оцюнясь Владимир Волков азсь благодарностень валхт В.Кормилицынонди райононь оцюнянь постса работанц инкса, казезе «За личный вклад в развитие Республики Мордовия» Почетнай знакса и мярьгсь, што маластонь шитнень подписандай Вячеслав Кормилицынонь  МР-нь Оцюняти Советникокс путоманц коряс указ.
Республикань Оцюнясь Владимир Волков, пшкядемок депутаттненди и муниципалитетонь руководствати, отмечазе, што Рузаевскяй районть ули оцю социально-экономическяй потенциалоц. Меля районть экономикас нолдафт 2,5 миллиард цалковайть малава аф бюджетнай инвестицият, тиф 500-та лама рабочай васта. Сяда тов мольфтеви промышленностьса и велень хозяйстваса 9 оцю инвестпроекттнень эряфс ётафтомасна, конатнень коряс арьсекшневи тиемс нинге 1,5 тёжянь рабочай од васта. Удалась одукс ушедомс работанц стекольнай заводть, кона тяни касфнесы производственнай базанц, а маластонь шитнень предприятияса нолдави нинге фкя стекловареннай пянакуд. Тяда башка, «Рузхиммашсь» арьсекшни ТОСЭР-нь базаса стальной вертикальнай резервуаронь нолямать келептеманц коряс оцю проект. Лиякс мярьгомс, строяви нинге фкя од завод.
Ламоц виияфтомань кизефкснень решандамаснонды макссть импульс национальнай проекттне. Кепотьксонди, «Безопасные и качественные автодороги» проектть коряс Рузаевскяй районца меля петьфоль 50-да лама вайгяльбе ки—тя сяда лама мекольдень 5 кизотнень коряс. Шумордавсь Саранск-Рузаевка кить петемац. Ушетф нинге фкя оцю проект—Рузаевкать перьф шарксть строямац.
Тяка жа пингть республикань Оцюнясь отмечазе, што Рузаевскяй районца лядонды нинге лама прябалада и апак решандак кизефкста. Ламотнень эздост няфтезень коронавируснай инфекциять келемоманц мархта сотф ситуациясь. Эста, мзярда лия райоттнень эса сярядихнень  лувкссна кири, Рузаевскяй районца  синь лувкссна касы.

04.06.2020 №21
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин