Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

«СЕМБЕ ПРОЕКТТНЕ ЭРЯВИХТЬ РЕСПУБЛИКАТИ»

11 июльста, Мордовия Республикать и «Российский Союз строителей» работодателень Общероссийскяй                       межотраслевой объединениять ёткса соглашениять подписандамста, Мордовиянь Оцюнясь Владимир Волков и строителень Российскяй Союзть президентоц Владимир Яковлев ванондозь регионти важнай проекттнень эряфс ётафтомаснон марстонь работать вятеманц коряс кизефкснень.

 

 

Тяконди, строителень Российскяй Союзть представителенза азсть Мордовиять территорияса эряфс ётафтоманкса мзярошка проект—Саранск ошень округонь ульцянь валдоптомань системать одкстоптоманц, ошть Юго-Западонь районцонза канализационнай сетьтнень реконструкцияснон, тяконь лувксса корхтамась мольфтевсь Фурмановонь ульцянц эзга коллекторть петеманц колга, а стане жа возможностьс коре «Рузаевка» ТОСЭР-ть базаса энергиянь ванфты индукционнай плитань сборочнай производствать пуроптомац.

 

Владимир Волков отмечазе, што сембе азф проекттне важнайхть республикати, сяс мес токсесазь ламоц эряйхнень       интересснон. Инь пяк тя эрявксни Фурмановонь лемса коллекторть реконструкциянкса. «Тя прябалать инкса ломаттне муцсихть пря аф васенце кизось ни. Сидестонь авариятне водопроводонь тя участкаса аф максыхть лац-ряц нльне петемс вельхксканза ётай кить»,—мярьгсь республикань Оцюнясь.

 

Стане жа ошть благоустройстванц виияфтоманкса ули кода сувафтомс Саранскяйса ульцянь валдоптомань системать одкстоптоманц    коряс        проектть. Нинге сяс, што сон мярьгонди нолямс тевс светотехническяй приборхнень и кабельнай продукциять, кона ноляви республикаса, а стане жа энергоэффективнай технологиятнень сувафтомаснон. Финансово-инвестиционнай тефнень коряс РСС-нь комитетть председателец Руслан Шатохин азозень проектть целензон: «Задачась тяфтама—тиемс Саранскяйть сяда валдокс, мазыкс, сувафтомс тевс тяниень пингонь автоматизациять,    ванфтомс          мощносттнень и финансовай ресурснень».

 

Васедемаса примасть участия—Мордовия Республикань Правительствать Председателец Владимир Сушков, Саранск ошень округонь оцюнясь Пётр Тултаев.

 


16.07.2020 №
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин