Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Аш стама тев, кона улель теенза аф вийс коре

Мзярда сань мяльс тяштемс Рузаевскяй райононь Мокшень Пишля велень эряйть, зрнянь кядь алять Фёдор Иванович Юдинонь колга, абондонь, сяс мес ашине сода мезьста ушедомс. Фёдор Иванович канневи стама ломаттненди, конат маштсазь семботь. Аш стама тев, кона улель теенза аф вийс коре. Нят аф шава валхт, а афкукс тяфта. И эрь тевсь, конанди  Мастерсь кярьмоди, кода корхнихть мокшень тя велеса, налхкозь налхки кядьсонза.
Аф кунара Мокшень Пишля велень клубть видеса панжевсь «Мастера и рукодельницы» творческяй мастерскойсь. Ламотнень эвондась мяльсна варжамс вийснон кядьтефнень, тяконь лувксса и кодамать (ткачествать) эса. Но тя ремеслась, аф ваномок рамаф од и кунардонь уликс кодамань статтнень лангс, аф эстокиге макссь пря, сяс мес пцтай юкстафоль и аф курокста мувсь ломань, кона шарьхкодель тя тевса.
Фкя шиня Фёдор Иванович Юдин сувась велень клубу, ванозе тостонь музейста кодамань кунардонь  станть, кона кунара ни ащесь пяльксонь пялькс. Тевонь содай мастерсь эстокиге азозе, кодама пялькст аф сатнихть, а кодама уликсне полафтомат ни, сяс мес таштомсть пингть сюнеда. И аф аньцек азозе, кодама пялькст аф сатнихть, а тиезень синь, кандозень клубу и кочказе станть! Тяфта и арась содафокс, што Фёдор Иванович машты кодамань станца работама. Коса и мзярда тонадсь тянди? Валонзон коряс, тя ремеслась ётась теенза бабанц Устиния Павловнань эзда.  А алянц, Иван Афанасьевичень, мархта лама кизода инголе сон кочксесь кодамань стан.
«Кода тяни мяляфтса,—азонды Фёдор Иванович,—тялонь кувака иляттнень алязень мархта тиеме кодамань стан. А бабазе озафтсамань анок станть каршес и тонафты эсон: «Тон лацкас кодак, кирьхкст тят кадонда!». Кирьхксокс ся пинкнень мярьгольхть котфть пензон эзга моли аф ровнай васттненди, инксост котфне аф мазыста няфтельхть. Ватолатнень кодамс аф сяшкава стакаль, а вов  каньфонь котфть мархта сашендовсь работамс ламос. Каньфть минць касфнеськ. Сёксенда урятцеськ, томбаськ, сеенькшнеськ, кштирнеськ и аньцек тяда меле лисендсь сюре. Эздонза котцеме уле тюсонь казяма котф. Штоба сон акшемоль, тялонда «калмосеськ» ловть потмос, муськондеськ ляйса и пикссеськ кундама мархта шуфтонь каймоняса—валёкса».
Юдиттнень семьяса кассть ниле итть—колма альнякат-дугатт и сазор. Фёдор ёткстост инь оцюсель, сяс теенза лиятнень коряс сяда сидеста сашендовсь лезнемс кудъётконь тевса тядянцты и алянцты. Цёранять ваймоса кой-коста эвондакшнесь обжавома, сяс мес лия шабатне ульцяса ласькондихть, налхксихть, а сон фалу тевботмоса. Касомок, шарьхкодсь, што  виень аф ужяльдезь трудендамать вельде сон тонадозень ламоц тефнень  и ремеслатнень, конат меле кондястсть эряфсонза.
Эряфонц ламошканц Фёдор Иванович ётафтозе Саранскяйса. Но вов ни лама киза сон рьванц мархта ётасть эряма Мокшень Пишляв. Ужяль, несколька кизода инголе полац Вера Петровна тусь эряфста. Юдиттне марса эрясть пцтай 50 киза… Стака ульсь семьянь азорти, но тя ашезе мянде сонь, а кошардозе сядовок оцю мяль  шарфтомс кельгома тевонзонды, а эздост, кода ни азыне, пяк лама. Тячиень героеньке—плотник, столяр, механик, модань сокай-види, пиди-пани, инжиень примай  ломань. Тяни ськамонза порогонц лангса васьфнесыне ошста ширезонза сашенды стирензон и уноконзон, каванякшнесыне эсь кядьса пидефта-паньфта. Мичке мархта тиклань танцтидонга танцти пяряканзон варчсезь аф аньцек раднянза, но и велень ламоц эряйхне, а меле гайфнесть Фёдор Ивановиченди и анцезь рецептонц.
Цебярь азоронь кядсь няеви эстокиге, аньцек маладот Ф.И.Юдинонь кудонц ваксс. Пирьфсонза касыхть туя, куст, пихта, марлюфт, грушакст, вишнякст, тёрна, эсь кядьса тиф оцюдонга оцю теплицаса нюрьгихть якстерь помидоратне, панденянзон лангса  кенерькшнихть ежевикась, перень сёротне… И кудботмоса, и переса, и садса, и пирьфса стама аруши, што валса аф азови!
Кельгсы Фёдор Иванович ингольдень пингть колга лятфнеманц и тиендьсы тянь сяшкава мялень салайста, што кулхцондолеть эсонза шиньберьф.
«Инголи, кода ни азыне, эрь кудса ульсть эсь кядьса кодаф ватолат, мазыхть, сельмос повихть. Эста кияксне апак архттольхть. Вов  и кяшендезь синь ватоласа, штоба афольхть рдаскода. Аф эрь кудса ульсь кодамань стан, а аньцек сятнень, коса азорсь машты кядель. Вов алязе тяфтамоль. Сиредемозонза  заняфоль плотниконь тевса, конань тонадозе атязень Афанасий Ананьевичень эзда. Тяни алязти 91 киза, сон эряй Саранскяйса. Тялонда куду путнеськ кодамань станть. Инь стака тевкс ульсь сонь  заправкац. Но минь ниле кядьса алязень мархта (тядязе и бабазе заняфтольхть кудъётконь лия тефнень мархта) тянь курокста тиендеськ»,—мярьгсь сон.
Фёдор Иванович мяляфтсы, кода ульцястост аватне ширезост кодама сашендсть. А пандсть тянкса сивольса, вайса, мичкса и нльне сахарса. Кда авась  маштсь лац кодама, эста шиньберьф апак лотксек работазь, теенза вийс коре ульсь кодамс колма-ниле метра котф.
Мокшень Пишля велень клубонь «Мастера и рукодельницы» творческяй мастерскои якайхне азондыхть оцю спасиба зрнянь кядь аляти Ф.И. Юдинонди, конань асувонц, маштомошинц вельде эреклась кодамань кунардонь станць, лангсонза тяни, кода и кунара, котцевихть ватолат.
Фёдор Иванович Юдин кудонц эзда  аф ичкозе мусь лихтибря, кона юкстафоль и пцтай ашезь няев тишетнень потмоста. Ароптозе сонь, тиезе кода эряви срубонц и тяни ведец шуди весяласта горнязь. Лиясь, пади, афоль шарфта мяль киндивок аф эряви эшинятнень и лихтибрятнень лангс, но тячиень героеньке аф тяфтапнень эзда. Кали, кле, кальдяв, кда макссак теенза омбоце эряфть? Вдь сон мяляфтсыне ся пинкнень, мзярда куттнень эса ведь ашель и ломаттне каннезь сонь эшихнень, ляйхнень эзда.
Ётка пингстонза Фёдор Иванович кельгсы ульме мархта ляйть или эрьхкть трваса ащекшнеманц, кулхцонкшнесы перьфпяльть сетьмошинц. Тяфтама пинкнень арьсекшни од тевонь колга. А кда ни мезть арьсезе—тисы.
Т.Альшина.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022