Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Национальный проект

Синь арьсесть народоньконь сай пингонц колга

Тяддень 10 январьста топодсь 90 киза ся шиста, мзярда пуроптфоль Мордовскяй автономнай областсь. 1934 кизоня сон лемтьфоль автономнай республикакс.
Пингсь няфтезе: тя историческяй событиятне лездсть мокшэрзянь народти тиемс оцю аськолкст инголи культурань, социально-экономическяй кизефкснень решандамста.
Эряви азомс: эстонь пинкне тяниеннетнень коряс ёфси лиятольхть. Кржаль мокшэрзятнень ёткса грамотнай ломаньда, ашельхть национальнай школатка. И вов сят, кит кода-бди сатсть содамошит, шарьхкодезь революциять целензон, ушедсть кепсемонза мордовскяй автономиять колга кизефксть.
Сяс, штоба шарьхкодемс ся эпохать, минь аф штатнай корреспондентоньке Фёдор Гаврилов васетькшнесь историческяй наукань кандидатть Иван Андреевич Юринонь мархта, конань  тя темать коряс крхкат содамошинза.
—Иван Андреевич, азонтк, кода тифтольхть мордовскяй автономиять  пуроптоманкса васенце аськолксне?
—Революцияда меле оцю мяль шарфневсь национальнай политикати. Тянкса пуроптфоль Национальностень тефнень коряс народнай комиссариатсь. Сонь видесонза мордовскяй отделсь ульсь панчф 1919 кизонь 7 февральста. Отделть вятезе  коммунистсь, мордвинць П.П.Башаев. Сембось тиендевсь сянкса, штоба кеподемс мордовскяй народть культуранц, цебярьгофтомс эряфонц. Путфоль задача анокламс грамотнай работникт, ушедомс родной кяльса газетань и книгань нолямать. Эста жа ушетфоль кись мордовскяй литературати…
—Иван Андреевич, Саранскяйса ули ульця, кона каннесы Д.И.Марининонь лемонц. И вов кой-коста сави ётамс-потамс ся ульцява, кизефтьсайть тостонь эряйхнень, кие сон, а синь аньцек яфиесазь кядьснон. Азолеть мезевок тя ломанть биографияста…
—Мзярда улендень Москуса, Марксизмань-ленинизмань институтонь архивста лувондонь Денис Илларионович Марининонь колга. Сон шачсь мордовскяй крестьянскяй семьяса Самарскяй губерниянь Ново-Семейкино велеса 1869 кизоня. 1888 кизоня ётась эряма Самарав. Покодсь маслодельнай заводса, машина кинь станцияса. 1904 кизоня сувась коммунистонь партияв. Примась участия российскяй колма революциятнень эса, гражданскяй войнаса. 1920 кизоста сявомок путфоль вятикс Самарскяй губисполкомонь Мордовскяй подотделти. Вача кизотнень сон  панчсесь столовайхть, идень сатт. 1923 кизоня путфоль партиянь Самарскяй губернскяй комитетонь  нацменьшинствань отделонь оцюнякс.
Д.И.Маринин ульсь цебярь ялгакс Я.М.Свердловонь и В.В.Куйбышевонь мархта. Мекольцеть мархта Маринин мольфтсь оцю агитационно-пропагандистскяй работа. 1916 кизоня тянкса В.В.Куйбышевонь мархта ащесть фкя тюрьмаса.
Архивста муйне Куйбышевонь тяштьфонц тянь колга: «Д.Л.Марининонь содаса 1916 кизоста сявомок кода большевиконь. Минь мархтонза васетькшнеме Самарань тюрьмаса». Ся пинкнень, мзярда Самарать фатнезь белочехне, мархтост тюремста шавовсть сонь колма цёранза. Якась Всесоюзнай старостати М.И.Калининонди, кепсезе мордовскяй автономиянь тиеманц коряс темать. Ся кирдезе ширенц.
—А мзярда 1921 кизонь июньцта Самараса ётафтфоль мокшэрзянь национальностень коммунисттнень васенце съездсна, мордовскяй автономиять пуроптоманц колга кизефкссь кепсевсь?
—Оцю пуромксса тянь колга корхтафоль лама. Делегаттне кулхцондозь и ванозь       РКП(б)-нь представительть П.П.Башаевонь  «Уликс пингть и национальнай кизефксть коряс советскяй властть политиканц колга» докладонц. Наркомнацонь Мордовскяй отделть деятельностенц и мокшэрзятнень автономнай единицакс явфтомаснон колга отчётть тиезе отделонь ответственнай работниксь-коммунистсь С.С.Праксин. Корхтась Д.Марининга.
—Иван Андреевич, ётась пяк лама пинге азонтф событияда меле. Но и тянивок дивандакшнетяма, конашкава оцю работа тифоль эста: эрясть ни аф кода, афольхть машта лувома, сёрмадома. Люпштась вачашись. Тяфта, 1897 кизонь населениянь Всероссийскяй переписень даннайхнень коряс, Пензенскяй губерниянь мокшэрзятнень пяк ламосна аф грамотнайхтольхть. Алятнень ёткса лувома и сёрмадома маштсть населениять 11,1 процентоц, а аватнень ёткса—1,5 процентоц. Кода тяфтама стака условияса работазь панчфоль кись тяниень цивилизацияти?
—Съездсь примась решения панжемс школат и курст, штоба анокламс политработникт, оцю мяль шарфтомок аватнень-крестьянкатнень и од ломаттнень ёткса работати, а стане жа родной кяльса книгань, газетань, журналонь нолямати. Национальнай секциянь коммунисттне ладязь мокшэрзянь кяльса переводнай газетань и журналонь нолямать, лувондсть лекцият и доклатт, ётафнесть  митинкт и собраният, панчсесть культурно-просветительскяй учрежденият.
РКП(б)-нь ЦК-ть видеса мордовскяй секциянь центральнай бюрось примась постановления—1921 кизонь сентябрьста нолямс эрь недяляня «Якстере теште» мокшэрзянь газета. Газетась явондовсь  Самарскяй, Симбирскяй, Пензенскяй, Нижегородскяй, Тамбовскяй, Оренбургскяй, Уфимскяй губерниятнень эса эряй мокшэрзятненди питнефтома. Аньцек фкя ковста—октябрьста—нолдафоль 32 тёжянь экземпляр. Активнайста работасть газетаса  Евсеев, Желтов и лиятне.
Тяка жа кизоня Москуса  нолдафоль «Тундань чи» эрзянь букварсь. А нинге сяда инголи, 1920 кизоня, Симбирск ошса лиссь «Чинь стямо» мокшэрзянь газетась.
—Мокшэрзятне эрясть и эряйхть Россиянь ламоц региоттнень эса: Поволжьяса, Сибирьса, Дальняй Востокса… Сяс, улема, аф  тёждя ульсь решандамац автономнай единицас явфтомаснон колга кизефксть?
—Васенце этапста (1918-1928 кизотнень) тя кизефкссь аф весть ванондовсь     РКП(б)-нь ЦК-ть организационно-распорядительнай отделса и партиянь Центральнай комитетонь Оргбюронь заседаниятнень эса. Сембе ширде кизефксть ваномда меле састь мяльс, што Повогуберниятнень эса мокшэрзятне эрявихть явомс башка  уезт-тнень и волосттнень эзга. Тяфта, 1925-1928 кизотнень Пензенскяй, Ульяновскяй, Саратовскяй, Нижегородскяй губерниятнень эса ульсть пуроптфт 30-да лама мокшэрзянь волость. Меле тифоль васенда Саранскяй, аф лама пингонь ётазь—Мордовскяй округсь. 1930 кизонь 10 январьста Всероссийскяй Центральнай Исполнительнай Комитетть Президиумоц примась Мордовскяй автономнай областть пуроптоманц колга постановления. А 1934 кизоня сон азфоль Мордовскяй Автономнай Советскяй Социалистическяй Республикакс.
Лама вий тянкса путсть мордовскяй народть цёранза П.П.Башаев, З.Ф.Дорофеев, Д.С.Желтов, Д.И.Маринин, С.С.Шишканов, Т.В.Васильев, М.К.Евсеев и лиятне.
Ф.Гаврилов.

 
 
 

 
НОВОСТИ
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

Виктор Михайлович ЛОБАНОВ

10.09.2020  № 35
 
 
 
 

ЛЮДИ И ХЛЕБ!

На полях Ковылкинского района продолжается битва за рекордный урожай

 

По оперативным сведениям диспетчерской службы Министерства сельского хозяйства и продовольствия Республики Мордовия земледельцы Ковылкинского района по-прежнему  удерживают лидерство на уборке зерновых и зернобобовых культур. На 25 августа аграрии района уже намолотили свыше 110000 тонн нового урожая, поля убраны с 70 процентов имеющихся площадей. Средняя урожайность по району составляет около сорока центнеров с гектара, озимая пшеница  дала по 44 центнера с гектара.

 

 

—Никогда ранее таких высоких намолотов в нашем районе не было,—рассказывает глава Ковылкинского муниципального района Н.П.Комусов.—Двадцать, даже десять лет назад все это казалось фантастикой, а сейчас—реальные цифры. Причём  эти цифры выросли в разы. Это, прежде всего, результат умелого проведения агротехнических, технологических и организационных мероприятий. Люди по другому стали относиться к земле, все работы на полях выполняются с большой ответственностью, на совесть, с устремлением в будущем собрать богатый урожай.

 

03.09.2020  № 34
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин