Поиск по сайту: 
 

Архив
 апрель 
 2024 
пн вт ср чт пт сб вс
1234567
891011121314
15161718192021
22232425262728
2930     

 
 

 

Лиссь «СИРе СиндрУСЬ и СОНЬ ЛОМАНЕНЗА» КНИГА

Аф кунара Саранскяйса Н.П.Огарёвонь лемса Мордовскяй госуниверситетонь издательстваса лиссь «Старое Синдрово—Севонь трва. История села и родословная синдровчан» книга, конань авторонза Василий Филиппович Кирдяшов и сонь стирец Евгения Васильевна Кирдяшова. Книгать тиражец 350 экземпляр, а лемтьф сон Сире Синдру велеть историянцты—минь эрадонк инголе VII векста сявомок минь эраньконь ХХI веконц ушедомс молемс и тя поселениять кой-кона эряензон нюрьхкяня родснонды-плямаснонды.
Работаса тевс нолдафт археологическяй кафта экспедициятнень (М.Ф.Жиганов, А.Е.Алихова) материалсна, архивнай материалхне (Пенза, Саранск, Краснослободск, Старосиндровскяй средняй школась), велень эряйхнень родснон-плямаснон колга азондомасна. Печатлаф книгась авторскяй редакцияса.
Книгать ушетксса максови Старосиндровскяй землячествать Председателенц П.Н.Тултаевонь земляконзонды пшкядемац. Эсонза корхтави, што тя изданиясь—ёмла Родинать инь няеви и мяляфтови событиянзон ванфтомаса нинге фкя тяряфтома. Книгаса няфтьф велеть историяц советскяй властьта ингольдень, советскяй и советскяй властьта мельдень пингть. Тяда башка, изданияста ули кода мумс велень эряйхнень родснон-плямаснон колга информация.
Сяда тов землякненди-лувихненди азондыхть документальнай тя изданиять авторонза. В.Ф.Кирдяшов пачфни, што родной Синдруть колга аф оцю васенце книганясь лиссь 2008 кизоня и курокста музе лувиенц велень эряйхнень ёткса. Василий Филиппович надияфтсь анокламс од книга, конань эса сяда келиста няфтеви Сире  Синдру велеть историяц и сонь ломанензон родсна-плямасна. И вов сон, стиренц Евгения Васильевнань мархта, анокласть содержанияс коре од книга. Археолого-архивнай козя материалсь кошардозень авторхнень сяда крхкаста лоткамс сонь анализонц лангс.
 Книгаса ниле глават. Васенцесь эздост лемтьф Сире Синдруть и тя велень эряйхнень   историяснонды (археологическяй и архивнай источникнень коряс), омбоцесь—Сире Синдру велеть историянцты советскяй властьта инголе, советскяй и советскяй властьта мельдень пингть, колмоцесь пачфни Синдрунь ся эряйхнень родснон-плямаснон колга, конат тиезь содафокс ёмла родинаснон и Сире Синдру велень эряйхнень, нилеце главась марнек лемтьф Синдрунь эряйхнень родснонды-плямаснонды. Тяда башка, книгаса максфт «Явленная» святой лихтибрять колга легендась, фотографият, фотоприложеният, приложеният, источникне…
Сире Синдруть ули эсь гимнац, конанди текстть, музыкать тяштезень Фёдор Петрович Тултаев. Сон и морсесы тя гимнать. Гимнась максф книгать лангакссонза.
«Старое Синдрово—Севонь трва. История села и родословная синдровчан» книгась, арьсетяма,   мусы лувиенц и сон арай цебярь кепотьксокс лия велень и райононь ломаттненди и, пади, кошардсыне синь ёмла родинаснон колга тяштема.
Т.Альшина.

 

 
НОВОСТИ

https://mokshapr.ru

Наш новый сайт.

https://mokshapr.ru/
10.06.2022
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

2 июньцта коронавируснай инфекциять инголдаманц и келемоманцты кить персеманц коряс региональнай оперативнай штабть заседанияса примафоль решения—лоткафтомс Мордовияса маскань каннемань режимть. Кода азозе вице-премьерсь Галина Лотванова, республикаса эпидемиологическяй ситуациясь лувондови цебярькс и ащи контроль ала. Мекольдень шитнень коронавирусса урмаськодсь 19 ломань, стационархнень эса пчкси 160 пациент.
 

 
Тяконь мархта азфоль, што ковидсь ашезь пота, сяс хуш и валхтф маскань каннемань обязательнай режимсь, общественнай транспортса  и лама ломанень ёткса улемста мярьгондеви нолямс тевс араламань средстватнень. Общественнай питаниянь предприятиятненди мярьгондеви каннемс маскат сотрудникненди, конат работайхть оцю лувксса ломаттнень мархта.

 

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 

Панжемат—од квартираста

Республикасонк лац ётафневи эряфс ломаттнень ташта, калада кудста одс ётафтомаснон коряс федеральнай программась. Тя программать пяшкодемаса Мордовиясь лувондови фкя инь цебярь регионкс марнек Россияса. Эрь кизоня миньцонк цебярьгофнесазь эсь эрямань условияснон, макссевихть панжемат од квартираста 3-4 тёжянь семьянди. Тяфта тевсь ащи кода Саранск ошса, стане республикань райоттнень эса.
 
02.06.2022  № 21
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 

ОТТНЕ—МИНЬ НАДИЯМА ВАСТОНЬКЕ

Артём Здунов ётафтсь васедема «Просвещение» компаниятнень группаснон президентонц Михаил Кожевниковонь мархта. Васедемаса примасть участия МР-нь Правительствать Председателенц заместителец Галина Лотванова и МР-нь образованиянь министрсь Елена Солдатова.

 

Ванондовсть мокшень и эрзянь кяльхнень и литературать коряс учебнай пособиятнень анокламасна и нолдамасна, регионца образовательнай пилотнай   проекттнень эряфс ётафтомасна, конат водендафт школьникнень историять, культурать, родной крайть коензон-обуцянзон колга содамошитнень касфтоманкса, а стане жа образовательнай учреждениятнень эса воспитательнай процессть ладямаса од ширень сувафтоманкса.
 

 

02.06.2022  № 21
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022