Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Владимир ВОЛКОВ: «ПЯЛЕ КИЗОСТА МИНЬ КАСФТОСЬК АПК-нь ПРОДУКЦИЯТЬ ЭКСПОРТОНЦ»

Мордовиянь Оцюнясь Владимир Волков 27 августста республикань журналисттнень мархта корхнемста азондсь тяддеть васенце пялестонза региононь экономикать виияфнеманц коряс сатфкснень колга.

 

 

Аф ваномок стакатнень-сталмотнень лангс, конат эвондасть од коронавируснай инфекциять сюнеда, промышленнай производствась 6 ковста кассь  107 процентта.

 

Тага фкя сатфкссь, конань удалась сатомс кизоть васенце пялестонза—продовольственнай экспортть касфтомац.

 

«Миньцонк кассь продукциять экспортоц. Ушедоме занцемонза китайскяй рынкать. Продукцияснон пачфнема тя странав ушедсть «Талинась» и кой-кона лия предприятиятне. Тянь лангс минь тячи шарфнетяма башка оцю мяль»,—китькстазе Мордовиянь Оцюнясь.

 

«Экспорт продукции АПК» региональнай проектть эряфс етафтоманц мяльса кирдезь, 2024 кизоть пенцты экспортть объемонза республикаса эрявихть касфтомс 50 миллион долларс. 2020 кизонди целевой показательсь—15,5 миллион доллар (кизоть васенце пялестонза сон пяшкотьф ни 75 процентта). Республикать эзда шири пачфневи аф фкя лацонь продукция, тяконь лувксса сахар, кондитерскяй изделият, тувонь сиволь, субпродуктат, саразонь, колбаснай и алкогольнай продукция, макароннай изделият и и ламось лиясь.

2020 кизонь 8 ковста Мордовиянь предприятиятне экспортонди прважасть 40 тежянь тонна продукция. Тя корхтай сянь колга, што республикань агропромышленнай комплексонь предприятиятне работайхть стабильнайста—велень хозяйствань производствань объемтне 6 ковста кассть 106 процентта.

 

Республикань Оцюнясь азозе, што тядде Мордовиянь аграрийхне арьсекшнихть сатомс рекорд  серонь урядамать коряс.

 

«Пандемиять  сюнеда тейнек ульсь стака, но минь муме возможностть, штоба лездомс велети,—китькстазе Владимир Волков.—Минь шарьхкотькшнеськ, што тя обязательна эряви тиемс. Тяни ученттама ингольдень кизотнень коряс оцю урожай, хуш погоднай условиятне ульсть аф кодамот. Сатомс тянь васендакиге лездсь ся, што   АПК-в водендафт од технологият и специалистт, конат сявондьсазь мяльс ня технологиятнень. Тячи кодама хозяйства афолеть са, сембе вастова агронопне од ломатть, вятихне и механизаторхне стане жа отт. Тяниень пингонь комбайнатнень мархта работайхть од церат. Кафта шида инголе урядафоль серонь васенце миллион тоннась. Целайнек арьсекшнетяма кочкамс 1 миллион 700 тёжянь тонна сера, 150 тёжянь тонна кукуруза и 100 тёжянь тонна техническяй культура. Тяда инголе минь рамсекшнеськ соять, тяни касфнесаськ минць. Витцетяма лама рапс, иляназ—тяни иляназонь вай кармай нолявома миньцонк Чамзинкаса».

 

Лофцонь анокламась  кассь 105 процентта.

 

«Минь сувсетяма комсь региоттнень—лофцонь инь оцю производительхнень лувксс,—азозе Владимир Волков.—Тянь азонкшнесазь и международнай структуратне, конат ваныхть мирса лофцть производстванц мельге. А сивольть коряс сатф 6-7 процент касома. Сиволень получамась кармай касома сай кизотьке, сяс мес строятама нинге колма комплекст, 100 тёжянь тувонди кажнайсь. Тяда башка,  кафта комплексне миньцонк ушедсть работама сембе вийса. Лиякс мярьгомс, 2-3 кизоста сиволень получамась касфтови 6-8 процентта. А сай кизоть учендови, што касомась ули 12 процент. Арьсекшнетяма, што 3-4 кизода меле кармай нолявома 500 тежянь тонна сиволь кизоти».

 

Ашезь аще фкя вастса пандемиять пингста строительнай отрасляське, коса 6 ковста касомась арась 115 процент.

 

«Безопасные и качественные автомобильные дороги» нацпроектть мяльса кирдезь, минь строятама кит республикань эрь районца,—азозе Владимир Волков.—Нацпроектть коряс 2,5 миллиард цалковайть эзда Саранскяень кинь объекттнень строяманкса нолдави аньцек 500 миллион цалковайсь, лядыкссь—райононь китненди».

 

Оцю средстват нолдавихть велеса «Комплексное развитие сельских территорий» программать коряс инфраструктурать строяманкса.


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022