Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

«ПОБЕДАНЬ ДИКТАНТСЬ» МОРДОВИЯСА

3 сентябрьста Россияса 8 тёжяньда лама площадкаса ётась «Победань Диктант» акциясь. Стане жа тя акцияса примасть участия омба масторхневок, сон ётась 75 странаса.

 

Мордовияса панчфоль 70 площадка, конатнень эса диктантть сёрмадозь 1800 ломань, и тя аф лувомок сятнень, кит ётасть регистрация онлайн-режимса.

 

Тя акциять марстонь вийса аноклазь «Единая Россия» Всероссийскяй политическяй партиясь, Российскяй историческяй и Российскяй военно-историческяй обществатне, «Победань волонтерхт» Всероссийскяй общественнай движениясь, Образованиянь и наукань сфераса надзорть коряс федеральнай службась         (Росообрнадзор). Акциясь ётафтовсь «Историческяй мялям» «Единая Россия» партиять проектонц ширень кирдеманц вельде.

 

Васенцеда диктантть сёрмадомаса примасть участия       Росгвардиянь, Внутренняй тевонь министерствань, республиканскяй военкоматонь представительхть. Тяда башка, панчфоль фкя площадка Ковылкинскяй военнай частьть территорияса, коса эсь содамошиснон няфтезь военнослужащайхне. Стане жа «Победань Диктантть» сёрмадозь М.Е.Евсевьевонь лемса    МГПУ-нь и Н.П.Огарёвонь лемса МГУ-нь студенттне.

 

Акциять целец—шарфтомс общественностть, а сембода пяк од ломаттнень мяльснон Великай Отечественнай войнать историянц содаманц, тонафнеманц и ванфтоманц лангс. «Победань Диктантть» аноклаензон мяльснон коряс, эряви тиемс семботь, штоба ванфтомс историяньконь стамкс, кодамкс сон ульсь афкукс.

 

Центральнай площадкав, кона аноклафоль 1941-45 кизонь военнай и трудовой подвигонь Мемориальнай музейса, диктантонь сёрмадома сашендсть «Единая Россия» партиять Мордовскяй региональнай отделениянц секретарец, Мордовия Республикань Государственнай Собраниять Председателец В.В.Чибиркин и «Единая Россия» партиять МРО-ц секретаренц заместителец, МР-нь Оцюнять Администрациянц вятиенц васенце заместителец В.В.Маресьев.

 

«Победань Диктантть» сёрмадомда инголе В.В.Чибиркин поздравляндазень пуромфнень акциять мархта и мярьгсь:

 

—«Великай Отечественнай войнать колга мялямсь должен пуроптомс марс минь обществаньконь и кемокстамс государстваньконь сай пинкнендивок»—ня валхнень азозень Россиянь Президентсь Владимир Владимирович Путин, и минь педа-пес кирдьсаськ синь ширеснон. «Победань Диктантсь» васендакиге эряви сянкса, штоба шарфтомс ломаттнень мяльснон Великай Отечественнай войнать историянц тонафнеманцты, штоба ванфтомс историческяй мялямть минь народоньконь героическяй подвигонц колга.

 

«Победань Диктантть» сёрмадоманкса максфоль 45 минута. Сяськихне кармайхть казьфт аф аньцек питни казнеса, но и тердевихть 2021 кизонь 9 маень Победань Парадс Москуву. А абитуриенттне, конат лац сёрмадозь диктантть, получайхть дополнительнай баллхт вузу поступамста.

 

Т.ПЕТРОВА.

 

 


15.09.2020 №
 
 
 

 
НОВОСТИ
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

Виктор Михайлович ЛОБАНОВ

10.09.2020  № 35
 
 
 
 

ЛЮДИ И ХЛЕБ!

На полях Ковылкинского района продолжается битва за рекордный урожай

 

По оперативным сведениям диспетчерской службы Министерства сельского хозяйства и продовольствия Республики Мордовия земледельцы Ковылкинского района по-прежнему  удерживают лидерство на уборке зерновых и зернобобовых культур. На 25 августа аграрии района уже намолотили свыше 110000 тонн нового урожая, поля убраны с 70 процентов имеющихся площадей. Средняя урожайность по району составляет около сорока центнеров с гектара, озимая пшеница  дала по 44 центнера с гектара.

 

 

—Никогда ранее таких высоких намолотов в нашем районе не было,—рассказывает глава Ковылкинского муниципального района Н.П.Комусов.—Двадцать, даже десять лет назад все это казалось фантастикой, а сейчас—реальные цифры. Причём  эти цифры выросли в разы. Это, прежде всего, результат умелого проведения агротехнических, технологических и организационных мероприятий. Люди по другому стали относиться к земле, все работы на полях выполняются с большой ответственностью, на совесть, с устремлением в будущем собрать богатый урожай.

 

03.09.2020  № 34
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин