Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

М.А.ЛЯНГЕ: «МИНЬЦОНК МЕЖНАЦИОНАЛЬНАЙ СОТКСНЕ ФАЛУ УЛЬСТЬ КЕМОТ»

Кода ни пачфнеськ газетаньконь тяда ингольдень номеронзон эса, 7-12 сентябрьста Поволжьянь ошнень эзга ётась «Волга—река мира» Международнай этнокультурнай XIX фестивальсь-экспедициясь. Тяза пуромкшнесь 80 ломань  странань ламоц региоттнень эзда. Нят сят, конатнень марнек эряфсна и тевсна сотнефт национальнай культурать, кяльхнень ванфнемаснон мархта. Ульсь тя форумса и минь корреспондентоньке. Теенза удалась корхнемс Российскяй Федерациянь Президентть видеса Межнациональнай отношениятнень коряс советть членонц, Россиянь нароттнень Ассамблеяснон советонц председателенц заместителенц, Межэтническяй журналистикань гильдиять президентонц М.А.Лянгень мархта. Маргарита Арвитовна пара мяльса отвечась кизефксонзон лангс.

 

 

—Кевейхксыецеда ётафтови «Волга—река мира» Международнай этнокультурнай фестивальсь-экспедициясь. Кодамот тонь, Маргарита Арвитовна, мяльхне-арьсематне тя форумть колга?

 

—Васендакиге мялезе азомс, што ня пуромксне пяк эрявикст. Синь арсихть цебярь площадкакс сянкса, штоба пуромомс марс эрь кодама региононь ломаттненди, конатнень улихть марстонь интерессна, корхнемс тянь-тонань колга, тонафнемс фкя-фкянь эзда, полафнемс опытса. Тя аф васенце фестивальсь, коса тейне удалась примамс участия. Сяс лац няйса, кода кизоста кизос сон полафни. Кда ингольдень экспедициятнень эса сяда ламоль велень самодеятельнай артистта, фольклорнай коллективда, тяни сонь участниконзон ламошкасна ломатть, конат тиендихть проектт. И тя фкя ширде пара, тя корхтай сянь колга, што «Волга—река мира» форумсь аськоляй пингть вешфксонзон коряс.

 

Мезсь, койсон, аф сатни ошнень эса, коза лоткси фестивальсь-экспедициясь? Уленди кржа пингта, штоба корхнемс тостонь национально-культурнай общественнай организациятнень представительснон мархта. А вдь ня корхнематнень эзда стане жа улель кода сявомс лама полезнай информация. А нинге, арьсян, улель пара, кда фестивальс пуромкшнель национальнай СМИ-тнень эзда сяда лама журналист странаньконь эрь кодама уженястонза. Синь азондольхть фкя-фкянди работамань эсь опытснон колга.

 

—Маргарита Арвитовна, аф секрет, што тяниень пингть од ломаттне аф сатомшка оцю мяль шарфнихть национальнай ширети, аф сидеста лувондыхть родной кяльсост газетат, журналхт. Койсот, мезьса салама мяльсна тейнек, национальнай изданияса покодихненди?

 

—Кда аф сембось, то пяк ламось тячи ащи тяниень пингонь технологиятнень эзда. Социальнай сетьтне—вов коса тячиень од ломаттне ётафнесазь пингснон оцюшка пяльксонц. Газетат и журналхт синь аф лувондыхть аф аньцек национальнай кяльса, но и рузкска морафтыда тяни кржа. Сембе, кода корхнихть, Интернетсот. Сяс васенцесь, мезть лангса работама тя или тона кяльса лисенди изданиятненди, тя социальнай сетьтненди лисемась. И аф аньцек лисемс, но и активнайста вятемс страницатнень. Лихнемс тоза стама информацият, мезсь тячи салсесы од стирьхнень-цератнень мяльснон. Сядонга пара улель панжемс Ютубса изданиять эсь каналонц, кона, шарьхкотьф, стане жа вятеволь родной кяльса. И мезсь нинге сявома мяльс, эряви фалу кирдемс соткст лувихнень мархта, васетькшнемс мархтост, корхнемс, сотцемс, мезе синь мяльсноль няемс газетаста и интернетса сонь страницанц эзда.

 

—Маргарита Арвитовна, улель пара, кда азондолеть Межэтническяй журналистикань гильдиять колга, мзярда сон пуроптфоль и мезенди водендаф?

 

—Межэтническяй журналистикань гильдиясь—тя общественнай организациясна журналисттнень, конат эсь серматфснон эса няфнесазь межэтническяй тематикать. Пуроптфоль гильдиясь  2003 кизоня кода журналистонь клуб, конатнень пичефтезень ся, мес аф сатомшка келиста СМИ-тнень эса пачфневи-азонкшневи межнациональнай ширеть колга. 2008 кизоста сявомок организациясь нолясы «Национальный Акцент» лем ала специализированнай печатнай изданиять, конань эса азонкшневи странаньконь этническяй эряфонц колга. Газетась лисенди кода приложения «Аргументы недели» еженедельникти. Тяка кизоста сявомок, гильдиять мяленц коряс, ушедсь ётафневома «СМИротворец» эрь кизонь Всероссийскяй конкурссь, коза эрь кодама региононь журналисттне кучсезь межэтническяй взаимодействиять и нароттнень этнокультурнай вииякшнемаснон коряс материалснон.

 

—Конкурснай материалхнень ваномста удалси шарьхкотькшнемс, кодама регионца национальнай политикась ладяф лац, а коса нинге эряви работамс тянь коряс?

 

—Работамс эряви сембе вастова, сяс мес сембе региоттне лама национальностеннет. Ков сяда лац вииякшни регионць, тов сяда оцю тяза сашенды мигранттнень лувкссна. Синь ушеткшнихть полафнемонза субъектса ладяф этническяй эряфть. И аф важна, коса тя уленди—Камчаткаса или Псковскяй областьса. Приметаф, што ков сяда козя нефтаса и газса регионць, тов сяда вииста молихть эсонза сембе ня процессне.

 

Улендихть тяряфнемат коламс разнай нароттнень ёткса ладямать. Но минь тянди пря аф макссетяма. Аф стак вдь минь аф фкя веконь кувалмоса работаме сянь лангса, штоба эрямс фкя-фкянь мархта шарьхкодезь, улемс ялгакс и аф явондомс ломаттнень этническяй ширеть мяльса кирнезь. Кодамовок лия странанди аш кода шнафтомс пря тянь мархта, а миньцонк межнациональнай и межконфессиональнай сотксне фалу ульсть кемот и, надиян, тяфтамкс синь лядыхть сяда товга.

 

—Мезе тиендеви национальнай политикать коряс федеральнай уровеньца?

 

—Ули государственнай национальнай политикань стратегия, конань эзда шарьхкотькшневи, кода тейнек работамс и мезти венемомс. Тоса азф, кле, фкя ширде эряви пуроптомс  единай гражданскяй российскяй нация, тяка пингть ванфнемок Россиянь нароттнень этно-культурнай  эсь лацоньшиснон. Странасонк эряй 190-да лама национальность—сембе роднойхть, сембе минценнет. Кажнайсь питни васендакиге сянь мархта, мес аф шарфты лиятнень лангс.

 

—Сюкпря, Маргарита Арвитовна, корхнеманкса!

 

О.ЕВДОКИМОВА.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022