Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«Сембе минь—Россиясь!»

финно-угорскяй научно-общественнай форумста
8-9 октябрьста Саранскяйса ётась «Сембе минь—Россиясь!» финно-угорскяй научно-общественнай форумсь. Сонь аноклазь Национальносттнень тевснон коряс Федеральнай агентствась, Мордовия Республикань Правительствась, «Российскяй Федерациянь финно-угорскяй нароттнень Ассоциациясна» Общероссийскяй общественнай движениясь, Н.П.Огарёвонь лемса Национальнай исследовательскяй Мордовскяй государственнай университетсь, Фундаментальнай исследованиятнень Российскяй фондсна, «Отечествань историянь» фондсь, Наукань Российскяй Академиять историко-филологическяй наукань отделенияц, Российскяй историческяй обществать Мордовия Республикаса региональнай отделенияц.
Форумть пингста работасть «Финно-угорские народы в контексте формирования общероссийской гражданской идентичности и меняющейся окружающей среды» Международнай научнай конференциясь, «Финно-угорские народы в социально-экономическом культурном пространстве России» Всероссийскяй научнай конференциясь, Российскяй Федерациянь финно-угорскяй нароттнень Ассоциацияснон президиумонц заседанияц.
Целайнек, финно-угратнень тя пуромксса примасть участия представительхть странань 21 регионцта, онлайн-форматса исследовательхть Финляндияста, Венгрияста, Эстонияста, Сербияста.
Васенце шиня, 8 октябрьста, И.М.Яушевонь лемса Государственнай музыкальнай театраса ульсь тя форумть торжественнай пяльксоц, панжемац и ушетфоль пленарнай заседанияц.
Финно-угорскяй научно-общественнай форумть Президиумс сценать лангс тертьфтольхть Мордовия Республикань Оцюнясь В.Д.Волков,    Национальносттнень тевснон коряс Федеральнай агентствать руководителенц заместителец С.А.Бедкин, Российскяй Федерациянь Федеральнай Собраниянь Государственнай Думань депутатсь, РАН-нь профессорсь А.Е.Загребин, «Российскяй Федерациянь финно-угорскяй нароттнень Ассоциациясна» Общероссийскяй общественнай движениять советонц председателец, Саранск ошень округонь оцюнясь П.Н.Тултаев, Н.П.Огаревонь лемса Мордовскяй госуниверситетть  ректороц С.М.Вдовин, тя вузть Историко-социологическяй институтонц директороц,          РАН-нь членць-корреспондентсь Н.М.Арсентьев, Саранскяй и Мордовскяй Митрополитсь, Мордовскяй митрополиянь Оцюнясь Зиновий.
Васенцекс приветствиянь вал азсь Мордовия Республикань Оцюнясь В.Д.Волков.
Республикань Оцюнясь шарфтсь мяль сянди, што форумть и научнай конференциятнень темасна тячиень шиннет и пяк эрявикст ся    процесснень мяльса кирдезь, конат тяни мольфтевихть мирса.
«Российскяй опытсь ламода эсь лацонне. Ломаненьке пуроптфт марс культурнай, цивилизационнай марстонь кодса, конань  основаса ащихть нароттнень эсь лацонь койснон кельгомасна. Странаньконь тя эсь лацонь ширенц вельде минь маштозь ащетяма ширде эвфнематнень каршес и глобализациянь вииякшни    процессненди»,—мярьгсь Владимир Дмитриевич.
МР-нь Оцюнять валонзон коряс, финно-угорскяй нароттне фалу эрясть и эряйхть Россиять лама вастованза и омба масторса. Лама сяда киза синь ванфтсазь койснон-обуцяснон, культураснон, кяльснон и ваймонь ширде раднякс улемаснон. И, тяконь мархта, финно-угорскяй нароттнень эзда кажнайсь эсь лацонне. И тя—странаньконь пяк оцю козяшиц. Сяс тейнек эряви тонафнемс фкя-фкянь эзда и полафнемс опытса.
«Россиянь Президентсь Владимир Владимирович Путин Государственнай национальнай политикать Стратегиясонза лац няфтезень российскяй нациять этнокультурнай лама ширенц ванфтоманц и фкя лацокс улеманц кемокстаманц коряс аськолкснень. Лятфтаса, базовай тя документсь 8 кизода инголе ванондомдонза меле примафоль Президентть видеса межнациональнай отношениятнень коряс Советть васенце заседаниясонза, кона ульсь Саранскяйса»,—азозе В.Д.Волков.
Мордовия Республикань Оцюнясь азсь благодарностень валхт     Национальносттнень тевснон коряс Федеральнай агентствать руководителенц заместителенцты С.А.Бедкинонди и тя агентствати ширень кирдеманкса и эрявикс кизефкснень коряс региоттненди лездоманкса.
Тяда башка, Владимир Дмитриевич Волков мяль шарфтсь общественнай объединениятненди и аф коммерческяй организациятненди, конат лама тиендихть этнокультурнай лама ширеть ванфтоманц инкса и башка корхтась Россиянь финно-угорскяй нароттнень Ассоциацияснон колга, конанди председателькс вов ни 10 кизода ламос Саранск ошень мэрсь П.Н.Тултаев.
Сяда тов форумонь участникненди приветствиянь валхт азсь Национальносттнень тевснон коряс Федеральнай агентствать руководителенц заместителец С.А.Бедкин.
«Аф ваномок 90-це кизотнень пингста политическяй системать курокста реформированиянц лангс, финно-угорскяй нароттнень общественнай организациясна, конатненди флагманкс ащи Россиянь финно-угорскяй нароттнень Ассоциациясна, няфтезь эсь пряснон эряйкс и государствать виияфтомаса активнай участиянь примаманди анококс улемаснон»,—мярьгсь сон.
Приветствиянь валхт азсть «Российскяй Федерациянь финно-угорскяй нароттнень Ассоциациясна» Общероссийскяй общественнай движениять советонц председателец П.Н.Тултаев, Мордовскяй митрополиянь Оцюнясь Зиновий, Н.П.Огаревонь лемса Мордовскяй госуниверситетть Историко-социологическяй институтонц директороц, РАН-нь членць-корреспондентсь Н.М.Арсентьев.
Меле ушедсь пленарнай заседаниясь. Пингстонза кулхцонтфтольхть приветствият и доклатт.
Шить омбоце пялестонза пленарнай заседаниясь поладозе работанц Н.П.Огарёвонь лемса МГУ-нь Культурань и искусствань Дворецса.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022