Поиск по сайту: 
 

Архив
 май 
 2021 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Тема дня

мордовиянь строительхнень тевдост лама

Мордовиянь Оцюнясь Владимир Волков ётафтсь ипотечнай кредитования мархта программатнень ширень кирдемаснон мархта эряма вастть строяманц коряс кизефксненди  лемтьф совещания. Совещанияса примасть участия Мордовиянь Правительствать Председателец Владимир Сушков, Правительствать Председателенц заместителец—МР-нь строительствань, транспортонь и дорожнай  хозяйствань министрсь Виктор Цыганов, Саранск ошень округонь оцюнясь Пётр Тултаев.
Республикань Оцюнясь шарфтсь башка мяль эряма вастонь строямать эрявиксшинцты и «Жильё и городская среда» национальнай проектть, конань азозе Россиянь Президентсь, эряфс ётафтоманцты. Лятфтасаськ, Владимир Путин путсь задача странаса эряма вастонь строямань объёмтнень пачфтемс 120 миллион квадратнай метра кизоти.
«Доступнай эряма вастть строямац—приоритетоньконь эзда фкясь маластонь кизотненди,—азозе Владимир Волков.—Башка васта тяса занци ипотечнай программатнень виияфтомасна. Тяниень пингть Мордовияса эряма вастть 90 лама процентоц,  кона регистрировандави первичнай рынкаса, рамсеви ипотечнай кредитованиять вельде».
Целайнек 2020 кизонь 9 ковста, аф ваномок пандемиять лангс, республикаса кредитнай организациятне макссть 5 тёжяньда лама эряма вастонь рамамс ипотечнай кредит—касомась 112,5 процент мелять тяка пингонцты. Льготнай ипотекать программанц коряс 6,5 процент ставкать коряс максф 750 лама кредит. Лятфтасаськ, тя программась, кона васенда арьсефоль 2020 кизонь 1 ноябрть самс и лац няфтезе прянц, кувалгофтфоль 2021 кизонь 1 июльти. Тя лезды аф аньцек цебярьгофтомс ламоц семьятнень эрямань условияснон, но и кирдемс строительнай отраслять ширенц.
Тияк, Президентть «РФ-ть виияфтомань стратегическяй задачанзон и национальнай цельхнень колга» Указонц коряс, 2024 кизоти ипотекать коряс средняй ставкати улема 8 процентта ёмлакс. Льготнай ипотекань программать вельде целевой тя показательть удалась сатомс пингта инголе: тяни странать эзга средняй ипотечнай ставкась 7,5 процент. Мордовияса 2020 кизонь сентябрьста сон 7,11 процентоль.
Совещаниять пингста ванфтольхть республикаса эряма вастонь строямань, тяконь лувксса Мордовскяй ипотечнай корпорациять мархта, кона сувси инь оцю застройщикнень ёткс—сонь талеканцты сашендови эксплуатацияс сувафневи лама квартирань эряма вастть шилеце пяльксоц, перспективатне.

12.11.2020 №44
 
 
 

 
НОВОСТИ

Илась лемтьфоль местнай самоуправлениянь работниконь шити

23 апрельста Республикань Кудса ётафтовсь торжественнай мероприятия, кона лемтьфоль местнай самоуправлениянь шити. Муниципальнай образованиянь работникнень поздравляндазень Мордовиянь Оцюнять аф лама пингс тевонзон тиендисна Артём Здунов.

 

 «Тячи местнай самоуправлениясь—странаньконь конституционнай строенц юронзон ёткста фкясь,—мярьгсь Артём Алексеевич.—Тинь няфнесасть властть, кона ащи инь малакс ломаттненди. Эздонт ламода ащи сембе оржа кизефкснень решандамасна, мезть вельде ули кода цебярьгофнемс ломаттнень эряфснон, социальнай сферать, ломаттнень мяльснон».

 

Мордовиянь Оцюнять аф лама пингс тевонзон тиендисна азозе, што республикаса тевс сувафтф велень территориятнень комплекснайста виияфнемаснон коряс программась. Программань мероприятиятнень, тяконь лувксса льготнай ипотекать вельде,  республикань 600 лама ломанць цебярьгофтозь эрямань условияснон.

 

30.04.2021  № 16
 

Артём Здунов: «Президентть Посланияц пяк важнай Мордовияти»

МР-нь Оцюнять аф лама пингс тевонзон тиендисна Артём Здунов 21 апрельста примась участия Россиянь Президентть Владимир Путинонь Федеральнай Собранияти Посланиянц лувомань церемонияса, кона ётафтовсь Москуса «Манеж» Центральнай выставочнай залса. Церемонияв сярьгятьфнень лувксса ульсть Федерациянь Советонь члеттне, Государственнай Думань депутаттне, Правительствань члеттне, Конституционнай и Верховнай судонь руководительхне, губернаторскяй корпуссь, Федерациянь субъектонь законодательнай собраниянь председательхне, традиционнай конфессиянь  главатне, общественнай  деятельхне, тяконь лувксса региононь общественнай  палатань оцюнятне, оцю массовай информациянь средствань руководительхне. Президентсь азозень маластонь пингть странать социально-экономическяй виияфтомаса главнай направлениятнень.

 

 

Артём Здунов, корхтамок Посланиять колга, отмечазе, што задачатне, конат путфт государствань Оцюнять мархта, васендакиге,  водендафт ломаттнень эряфснон цебярьгофтоманцты. Лятфтасаськ, Президентсь  мярьгсь  Правительствати  анокламс идь мархта семьятненди ширень кирдемань программа. Августста россияттне получайхть эрь идти, школаса тонафнити 10 тёжянень цалковай фкя пингонь пандома. Президентсь мярьгсь максомс ярмак и сай пингонь васенце классу молихненди, конат школав туйхть 2021 кизонь сёксенда.

 

 
30.04.2021  № 16
 
 
 
 

АРТЁМ ЗДУНОВ ПРИМАСЬ УЧАСТИЯ ВЛАДИМИР ПУТИНОНЬ РУКОВОДСТВАНЦ АЛА ГОССОВЕТТЬ И АСИ-ть ПРЕЗИДИУМОНЦ ЗАСЕДАНИЯСА

22.04.2021  № 15
 

«КИТНЕ И СЕТТНЕ ЭРЯВИХТЬ СТРОЙСЕМС ЦЕБЯРЬ КАЧЕСТВАСА И ЛАМА ПИНГОНДИ!»

17 апрельста Мордовиянь Оцюнять аф лама пингс тевонзон тиендисна Артём Здунов рабочай визит мархта ульсь Дубёнскяй районца. Республикань руководительть рабочай программац ушедсь площадкать ванондоманц эзда, коса тядде кармай строявома «Магма-Цемент» ООО-нь цементнай заводсь. Проектсь арьсеф тевс нолдамс 5 кизоста. Предприятияса кизоти кармай нолявома 1 миллион 200 тёжянь тонна цемент. Тяса ули тиф 150 рабочай васта.
 

 

 

 Артём Здунов марса предприятиянь руководительхнень мархта ванондозь кизефкснень, конат сотфт строительствать мархта.

 

Кочкурова велеса ушетф од спортивнай площадкань строямась. Пингонь ётазь тяса эвондайхть искусственнай вельхкс мархта  футбольнай пакся, а стане жа волейболса и баскетболса налхкомс  площадка. Проектть питнец 8,5 миллион цалковай. Работатне шумордавихть тяддень 1 августти.

 

22.04.2021  № 15
 
 

КИЗОНЬ КОФНЕНЬ ИТТНЕНЬ ВАЙМАМАСНОН И ШУМБРАШИСНОН ПЕТЕМАСНОН ЛАНГС ШАРФТОМА БАШКА МЯЛЬ

7 апрельста МР-нь Оцюнять аф лама пингс тевонзон тиендиснон Артём Здуновонь видеса совещанияса ванондовсть кизонь кофнень иттнень ваймамаснонды лемтьф кизефксне. Региононь руководительсь ётафтф работать мзярс лувондсы аф педа-пес лац-ряц тифокс. Тя важнай направлениясь веши сяда цебярьста аноклама, инь пяк сянь эса, мезсь токсесы досугонь ладямать и иттнень ваймама пингть аралафшиснон обеспечендамаснон.

 

 

 
Кода азозе МР-нь Правительствать Председателенц заместителенц тевонзон тиендисна Галина Лотванова, тядде планц коре кармай работама 337 лагерь, эздост 22-сь стационарнай (санаториятнень базаса), и шитемба улемань 315 лагерь образовательнай организациятнень и социальнай учреждениятнень базаса. Тяконь мархта Галина Лотванова отмечазе, што инголи работай 23 лагерсь тяни республикаса сёлкфт ташта, калада инфраструктураснон инкса, хуш синь ащихть Мордовиять инь мазы вастонзон эса.

 

15.04.2021  № 14
 

МОРДОВИЯНЬ УЧЁНАЙХНЕ ТИСТЬ НАУЧНАЙ ПОДВИГ!

15.04.2021  № 14
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин