Поиск по сайту: 
 

Архив
 июнь 
 2021 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

«Тяддесь велень хозяйствати арась инь удалафокс республикать марнек историясонза!»

13 ноябрьста Республикань Кудса ётась торжественнай собрания, кона лемтьфоль Велень хозяйствань и перерабатывающай промышленностень работниконь шити. Мероприятиясь ётафтфоль санитарно-эпидемиологическяй вешфкснень мяльса кирдезь: участникне нолдазь тевс маскатнень и перчаткатнень, кирдсть социальнай дистанция, а шида тяда инголе тисть тест коронавируснай инфекциять лангс. Илань мероприятияти видеоконференциянь режимса полаткшнесть республикань сембе райоттне, аграрийхнень лемс лямбе валхт азсь Мордовия Республикань Оцюнясь Владимир Волков.
«Седи ваксста поздравляндатядязь Велень хозяйствань и перерабатывающай промышленностень работниконь шить мархта!—приветствовандазень Мордовиянь велень труженикнень Владимир Волков.—Сембе  минь васьфнесаськ тячиень шить цебярь настроения мархта и гордостень марязь. Туфталсь тянкса сатомшка оцю—тяддесь велень хозяйствати арась инь удалафокс республикать марнек историясонза!»
Республикаса кочкаф рекорднай урожай, сатф инь оцю касома лофцонь продуктивностть коряс, кирневихть сиволень и алонь производствать коряс эсь рекордоньке. Тяда башка, тевс нолдафт мировой уровенень несколька производства.
Велень хозяйствань сезонць шумордавсь сокайхнень-видихнень рекорднай сатфксснон мархта. Тядде Мордовияса кочкаф 1 миллион 760 тёжянь тонна сёра, урожайностсь—37 центнерда лама гектарста. Тя результатсь арась историческяйкс, сяс мес мзярдовок тяда инголе Мордовиянь паксятнень лангста апак кочксеколь тяфтама оцю урожай. Инь лама сёра советскяй пингть урядафоль 1973 кизоня—тя 1 миллион 300 тёжянь тоннада цють сяда лама, урожайностсь ульсь 17 центнер гектарста. Тяда меле сёронь урядамаса инь оцю результат аграрийхне сатнесть 2017 кизоня. Эста республикаса кочкафоль 1 миллион 467 тёжянь тонна сёра (урожайностсь—34,6 центнер гектарста). Тядде Мордовиясь ётазе тяда ингольдень эсь рекордонц 300 тёжянь тоннада или 17 процентта.
«1 миллионда лама тонна сёра Мордовияса кочксеви ни сисем кизот мельцек. И тявок рекорд!—азозе МР-нь Оцюянсь.—Рекорд, конань сатомс удалась сокайхнень-видихнень, сёронь касфтыхнень тевонь лац тиендемаснон, велень хозяйствать маштозь вятеманц, паксятнень лангса передовой технологиятнень и тяниень пингонь техникать тевс нолямаснон, федеральнай центрать и Россиянь Президентть В.В.Путинонь ширень кирдеманц вельде. Сонь участиянц пингста Мордовияса эряфс ётафтфт  АПК-са пяк эрявикс проектт. Сяс минь велень хозяйстваньке няфни касома сембе ширетнень коряс».
Инь оцю урожайность тядде сатф Рузаевскяй райононь «Исток» обществаса—72 центнерда лама гектарста средняйста хозяйствать эзга. Оцю производительностть эзда ащи трудть инкса пандомась. Средняй зарплатась «Истокса» 53 тёжянь цалковай, мезсь нльне сяда лама «Рузхиммаш» градообразующай предприятияса пандови заработнай платать коряс.
Урожайностть коряс мялень кеподи результатт стане жа сатфт «Октябрьская» агрофирмаса (56 центнерда лама гектарста), Чамзинскяй райононь «Калиновское» (55 центнерда лама гектарста) и Лямбирскяй райононь «Нива» (53,6 центнер гектарста) предприятиятнень эса.
«Кда нинге 2 кизода  тяда инголе сёронь урядамать коряс сяда тёжянень рубежть ётнезь аньцек кафта райононьке, тяни синь эздост арась кота—тя Лямбирскяй, Ковылкинскяй, Атяшевскяй, Старошайговскяй, Рузаевскяй и Чамзинскяй райоттне. Нинге кота райоттне кочкасть 80 тёжяньда лама тонна сёра,—китькстазе Владимир Волков.—Инь цебярьхть показателенза Лямбирскяй районть, коса кочкаф 160 тёжяньда лама сёра, урожайностсь—51 центнер гектарста. Тяддень результаттне няфнесазь—миньцонк ули сембось, штоба эрь кизоня кочксемс 1,5 миллион тонна сёра, а сяда тов касфтомс тя лувксть 2 миллиотт тоннас».
Тяка пингть Мордовиянь Оцюнясь шарфтсь мяль сянди, што тяддесь аф пяк удалафоль республикань якстеряпсонь касфнихненди. «Марса урядаф 760 тёжянь тонна сахарнай якстеряпс, урожайностсь—380 центнер гектарста. Тя мелянь оцю урожайть пцтай колмоцекс пяльксоц,—китькстазе сон.—И, конешна, ня показательхне аф ладяйхть якстеряпсонь касфниеньконь уровеньцнонды и возможностьснонды. Но кода афоль уле, мялезе спасибамс сахарнай якстеряпсонь производительхненди и сембонди, кие трудендась паксятнень лангса лац тевонь тиендеманкса».
Эсь корхтамасонза Мордовиянь Оцюнясь шарфтсь мяль животноводствань отраслять лангска, кона няфни стабильнайста касома. Алонь производствать коряс, кда лувомс, мзяра сави фкя ломанти, республикаса арась ни тонатфокс улемс  лидеркс странаса (кизоньберьф арьсекшневи нолдамс 1,5 миллиардть малава ал), тядде удалась лисемс 1 вастти Россияса лофцонь производствать коряс (10 ковста—506 килограмма лофца фкя ломанти). Сивольть производстванц коряс, кда стане жа лувомс фкя ломанти, Мордовиясь стаки занцесы 2 вастть ПФО-са и 6 вастть Россияса (эрь эряйти 10 ковонь итокнень коряс ноляви 377 килограмма сиволь).
«Тядде тевс нолдафт несколька инвестиционнай проектт, конат нльне аф республиканскяй, а общероссийскяй масштабоннет,—азозе Владимир Волков.—Сивольть производстванц коряс тя «Талина» компаниянь группать проектоц. Предприятиясь кизоньберьф шумордазень фкя пингста колма животноводческяй комплекснень строямаснон Ковылкинскяй районца. Эрсь эздост арьсеф 100 тёжянь тувонди. Комплекснень строяманкса нолдаф 5,5 миллиартта лама цалковаень лувксса инвестиция. «Талинась» арьсекшни поладомс строямать сяда тов».
2020 кизоня арьсекшневи нолдамс 350 тёжянь тонна сиволь (касомась 9 процент). А мекольце 10 кизотнень сивольть производствац сембе категориянь хозяйстватнень эса кассь пцтай колмонь-крда, общественнай секторса—нилень-крда. «Советскяй пингонь инь оцю показательхнень минь ётаськ 2,5-крда,—азозе МР-нь Оцюнясь.—Эряви азомс, што аф аньцек лувкссь касфневи, но и цебярьгофневи качестваське».
Лофцть производстванц коряс велень хозяйствань предприятияньке стане жа няфнихть оцю касома. Арьсекшневи нолдамс аф 470 тёжяньда кржа тонна лофца. «Эряви азомс, нльне тялонда жуватань кирдихненди удалси потьнемс суткаста фкя тёжяньда лама лофца!—азозе Владимир Волков.—Кизоть итогонзон коряс арьсекшневи потямс фкя траксста 7200 килограмма лофца (касомась 460 килограмма). Тя кармай тага фкя рекордоньке».
Мордовиянь Оцюнясь путсь задача аграрийхнень инголе аф лотксемс сатфть лангс. «Сяс сяда товолдонь целеньке—кафта кизоста сядонга касфтомс продуктивностть, потямс фкя траксста 8 тёжянень килограмма лофца!—мярьгсь     МР-нь Оцюнясь.
Мордовиясь сувси АПК-нь экспортонь касфнемать коряс национальнай проектонь участникнень лувксс. 2024 кизоть самс омба мастору велень хозяйствань продукцияньконь пачфнемац эряви касфтомс колмонь-крда. Тяниень пингть Мордовиянь  продукциясь пачфневи миронь 28 странав. Тяфта, кепотьксонди, «Атяшевский» МПК-сь кизоста касфтозень экспортнай продукциять объемонзон пцтай сисемонь-крда, «Ромодановсахар» и «Консервный завод «Саранский» предприятиятне—ветень-крда.
«Тага весть мялезе азомс—сембе ня сатфксоньконь афоль удала сатомс, кда аф велень трудонь кельги эряйхне,—китькстазе Владимир Волков.—Сяс васенце вастса тейнек ащи велеса эряфть цебярьгофнемац. Тейнек лама удалась тиемс велеть виияфнеманц коряс федеральнай программатнень вельде. Но тиема нинге сядонга лама. Корхтамась мольфтеви китнень одкстопнемаснон, медицинать доступнайшинц касфнеманц, велень школатнень, клупнень строямаснон и козякофнемаснон, велетненди цебярь качествань симома ведень пачфнемать колга. Россиянь Президентть решениянц коряс тевс сувафтф «Велень территориятнень комплекснайста виияфнемасна» од программась. Тядде сонь эряфс ётафтоманкса Мордовиясь нолдась 1,8 миллиард цалковай. Тяда башка, федеральнай бюджетста республикати тя кизоня нолдаф 817 миллион цалковай или 3 миллиоттнень малава цалковай велень тёжянь эряйти. Тя инь оцю показательсь Приволжскяй федеральнай округса. Средстватне карьхцявихть ся кизефкснень решандаманкса, конат пяк пичефтьсазь велеряйхнень: кинь, инженернай и социальнай инфраструктурань строяманкса. Тяфта, тяддень декабрьста панжеви культурань од центра Сире Шайгавса, а стане жа петьф-тиф культурань куд Лямбирьса».
Республикань Оцюнясь кошардозень холдингонь вятихнень, хозяйствань директорхнень аф лядондомс ширеса эсь работникснон эряма вастонь прябаласнон решандамаснон эзда, лезнемс теест займаса, нолямс ярмакт ипотекать коряс васенце взносонь пандоманкса. Штоба тердемс и кирдемс грамотнай специалисттнень велеса, теест эрявихть максомс эряма вастт, а стане жа социальнай гарантият. «Кепси мяль ся, што мекольдень кизотнень веленьке одкстомсь,—мярьгсь Владимир Волков.—Лама од ломань эвондась велень хозяйствань предприятиятнень руководстваса, животноводческяй комплексонь работникнень, перерабатывающай предприятиянь      специалисттнень ёткса. Ламода  тя сатовсь АПК-ти од кадратнень ширень кирдемаснон коряс республиканскяй программать тевс сувафтоманц вельде. Эсонза примасть участия ни пцтай 350 од ломань».

19.11.2020 №45
 
 
 

 
НОВОСТИ

Большеберезниковскийрайон: в обновленном культурно-досуговом центре возрождается гончарное ремесло

 

В 2019 г. в Больших Березниках после реконструкции в рамках нацпроекта «Культура» открылся культурно-досуговый центр. Общий объем финансирования по объекту составил 105 млн руб.

 

Почти одновременно с обновленным КДЦ начала работу гончарная мастерская.

 

«Всё необходимое с солидным запасом нам было предоставлено с самого начала, – рассказывает преподаватель АнжелаНемецкина. – И сейчас нам говорят, если что-то будет нужно ещё, обеспечим. Лишь бы у детей не пропадал интерес к этому виду ремесла. Ведь в Мордовии когда-то оно было очень сильно развито, и теперь настало время его возрождения».

 

В двух разновозрастных группах занимаются 15 человек.Уже есть первые успехи: юные мастера освоили гончарный круг, умеют пользоваться муфельной печью для обжига готовых изделий. Дети также осваивают различные техники росписи дымковской игрушки. 

 

 

Напомним, что Президентом России Владимиром Путиным были объявлены 12 нацпроектов: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Главная задача национальных проектов – реальные позитивные изменения в жизни каждого российского гражданина и каждой семьи. Мордовия участвует в 56 федеральных проектах, которые являются частью национальных. 

 

10.06.2021  № 22
 

Виктор Миронович Макушкин

Седиень оцю ризфонь марязь пачфнесаськ, што 81-це кизонц лангса стакаста сярядемда меле тусь эряфста мокшень содаф учёнайсь, филологическяй наукань докторсь, профессорсь, Мордовия Республикань наукань Заслуженнай деятельсь, республикань Госсобраниянь депутатсь Виктор Миронович Макушкин, ломанць, кона седиге кельгозе Родинанц, эсь шачема-касома мокшэрзянь краенц и сонь народонц.
Виктор Миронович Макушкин шачсь 1940 кизонь 30 декабрьста Кадошкинскяй райононь Паево велеса. Шумордамок тястонь средняй школать 1958 кизоня, поступай тонафнема Мордовскяй госуниверситетонь филологическяй факультету. Вузть аделамда меле эстокиге примави тязк аспирантурав. 1966 кизоня араласы наукань кандидатонь диссертациянц, а 1985 кизоня—докторскяйть.
Виктор Мироновичень эряфонц оцю талекац кемоста сотфоль Российскяй Федерациянь тя фкя инь оцю вузть—Н.П.Огарёвонь лемса Мордовскяй госуниверситетть мархта. Васенда ульсь ассистентокс, сяльде—мокшэрзянь кялень и литературань кафедраса преподавателькс, филологическяй факультетонь деканонь заместителькс. Аф кржа киза ульсь университетса тонафнемань тевть коряс проректоркс.
Самай тя вастса сембода лац няфтевсь Виктор Мироновичень организаторонь асувоц, ломаттнень мархта работама маштомац, фалу вешендемань киса ащемац. Аф стак 1992 кизоня именна теенза, В.М.Макушкинонди, максфоль оцю довериясь и честсь улемс вятикс, ректоркс М.Е.Евсевьевонь лемса государственнай педагогическяй институтса. Кеветие киза сон тя пяк важнай и ответственнай вастсоль. Тя пингста лама одня, интереснай сувафтф пединститутть эряфс, лама тиф сянкса, штоба касфтомс сонь авторитетонц и престиженц, штоба сон сембоса отвечаль тячиень вешфксненди.
Содаф учёнайть-литературоведть оцю путксоц мокшэрзянь литературоведенияти. 1976 кизоня нолдазе «Начало пути» васенце книганц. Авторсь няфтезе, кода шачсь-кассь минцень национальнай литератураньке. 1984 кизоня лиссь «Обретение зрелости» омбоце книгац. Тяса няфтезе, кода касондсь и  эзрайготкшнесь родной кяльса-валса лисенди литературась.
Учёнайсь сёрмадсь 100-да лама научнай статья, учебникт, программат мокшень литературать коряс.
Кода научнай руководитель аноклась наукань 20 кандидат и 3 докторхт. Сон лама вий и эрьгя макссесь сянкса, штоба лездомс мокшетненди и эрзятненди ванфтомс и виияфнемс родной кяльснон, культураснон, койснон-обуцяснон.
В.М.Макушкин лац содафоль и кода общественнай деятель. Сон аф кржа киза ульсь республикань Госсобраниянь депутатокс.
Оцю сатфксонзон инкса Виктор Миронович казьфоль «Знак Почёта» и Почётонь ордеттнень мархта, «Почётный работник высшего профессионального образования Российской Федерации» мяштьса каннемань знакса, Российскяй Федерациянь Образованиянь и наукань министерствань  Почётнай грамотаса и Благодарностьса, лама лия оцю казнеса.
Меколи азсаськ: Виктор Миронович Макушкинонь—мокшень содаф учёнайть и общественнай деятельть, афкуксонь патриотть, мокшэрзянь народть достойнай цёранц минь мзярдонга аф юкстасаськ, сон фалу ули мялямсонк и седисонк.
Ялганза.
10.06.2021  № 22
 

Панжевсь «Вейсэ-Марса» Республикань культурань марафонць

4 июньцта Мордовиять столицаса панжевсь «Вейсэ-Марса» Республикань культурань марафонць. Культурань тя форумть Мордовия Республикань Культурань, национальнай политикань и архивнай тевонь министерствать лезксонц вельде марстонь вийса аноклазь Россиянь народонь Ассамблеять Мордовскяй региональнай отделенияц и народнай творчествань Республиканскяй кудсь.
«Вейсэ-Марса» Республикань культурань марафонть рамкаса июнь, июль и август кофнень Мордовиять столицаса республикань лама национальностень культурать мазышинзон няфтьсазь Культурань национальнай центратне, муниципальнай райононь, Саранск ошень и Республиканскяй профессиональнай и народнай творчествань коллектифне. Форумть пингста тяфта жа ётафтовихть народнай промыслань и ремеслань изделиянь выставкат, Культурань национальнай центрань декоративно-прикладной и изобразительнай творчествань произведениянь презентацият, народнай промыслань и ремеслань мастерхне ётафтыхть мастер-класст.
«Вейсэ-Марса» Республикань культурань марафонць панжевсь «Лама национальностень Мордовия» лем ала театрализованнай постановкаса. Пингстонза «Келу», «Умарина», «Ламзурь», «Росичи», республикань и Саранск ошень лия профессиональнай и народнай коллектифне няфтезь илас сафненди Мордовиянь 120 национальностень культурать эсь лацонь ширензон и мазышинзон.
Сяльде илас пуромфнень эсь выступлениясонза лямбоста приветствовандазень Мордовия Республикань культурань, национальнай политикань и архивнай тевонь министрть тевонзон тиендисна С.Н.Баулина.
—«Вейсэ-Марса» Республикань лама национальностень культурань марафонць, кона тячи ушедозе эсь работанц Саранскяйса, колма ковста нинге весть няфтьсы сембонди, конашкава мазы Мордовиянь лама национальностень культурась, минь кунардонь пингонь коеньке, промысланьке и ремесланьке. Ванды тянь тисазь Ельниковскяй и Дубёнскяй райононь профессиональнай и народнай коллектифне, национальнай промыслань и ремеслань мастерхне. Мельгаст колма ковонь эрь ёткшиста Мордовиять столицаса культурань потенциалснон кармайхть няфнема республикань муниципальнай лия райоттне.
Сяльде илас сафнень тяфта жа лямбоста эсь выступлениясонза приветствовандазень финно-угорскяй народонь культурань Поволжскяй центрать директороц Е.Н.Ломшина.
Сяда тов «Вейсэ-Марса» Республикань культурань марафонць поладовсь оцю концертса, коса пуромфненди няфтезь эсь искусстваснон Республикань и Саранск ошень профессиональнай и народнай инь содаф коллектифне.
В.НЕСТЕРОВ.
10.06.2021  № 22
 

Артём Здунов васьфнесь Санкт-Петербургса мокшэрзянь диаспорать представителензон мархта

2 июньцта Санкт-Петербургса МР-нь Оцюнять аф лама пингс тевонзон тиендисна Артём Здунов васетькшнесь регионца эряй мокшэрзянь диаспорать представителензон мархта. «Вастома» общественнай организациять, конань оцюняц Павел Лабутин, членонза, а стане жа Санкт-Петербургса и Ленинградскяй областьса мокшэрзянь культурать ширенц кирдеманц и «Шумбрат» Фондть президентоц Сергей Артёмов лямбоста васьфтезь Артём Здуновонь.
Регионть руководителец китькстазе Мордовияса шачфнень мархта, конат эряйхть ширеса регионть эзда, но ашезь юмафта сотксснон ёмла родинать мархта, кеме сотксонь кирдемать эрявиксшинц. «Тейнек сембонди пуроптомат виеньке и тевс нолдамат уликс возможностеньке и асувоньке сянкса, штоба родной Мордовияньке улель сяда пара эряманди и экономическяй ширде вии регионкс»,—мярьгсь Артём Здунов. Васедемаса кайгсть конкретнай мяльхть сотрудничествань направлениятнень колга, конатнень улихть кода сувафтомс тевс Санкт-Петербургонь внешняй связень Комитетть СНГ-нь странатнень и РФ-нь региоттнень Управленияснон начальниконц Евгений Кассюрань эзда.
Росстандартть «Слаботочные системы» стандартизациять коряс Техническяй комитетть председателец Илья Рейнштейн азсь мяль панжемс Мордовияса «Слаботочнай системань институт».
Здравоохраненияса од технологиятнень тиемаснон и тевс сувафтомаснон мяльса кирдезь Санкт-Петербургонь компаниятнень и МР-нь предприятиятнень ёткса фкя-фкянди выгоднай соткснень ладямаснон коряс кизефксть кеподезе Кирилл Масленников, Россиянь Машиностроительхнень Союзснон Санкт-Петербургскяй региональнай отделениянц Председателенц васенце заместителец.
«Мордовская диаспора «Вастома» Санкт-Петербургскяй региональнай общественнай организациять руководителец Павел Лабутин шарфтсь мяль, што севернай столицать мокшэрзянь диаспоранц представителензонды Мордовиянь Оцюнять аф лама пингс тевонзон тиендиснон ширезост самац пяк эряви родной регионть мархта сотксть кемокстаманц и виияфтоманц мяльса кирдезь. Павел Алексеевич шачсь Ичалковскяй районца, эряфонц лемдезе РФ-нь Вооруженнай Вийхнень эса службати, аф весть кочксевсь Санкт-Петербургонь Законодательнай собраниянь депутатокс.
10.06.2021  № 22
 

Газетать лувиензонды

Кельгома ялгат! Нинге весть лятфтасаськ, што тяддень 24 сентябрьста мокшень фкя и сяка газетаньконди топоди 100 киза. Эряви ли корхтамс, кода минь, мокшень журналисттне, таколдозь ваттама 2021 кизоть омбоце пяленцты газетаньконди сёрматфтомать мельге. И тянь можна шарьхкодемс: вдь юбилейсь—тя юбилей, сонь васьфнесазь пара сатфксса, кепотьф мяльса. И эряви азомс оцю спасиба мокшень ся ломаттненди сянкса, што синь тага лама газетань ёткста кочказь минценнеть, родной кяльса-валса лисендить—«Мокшень правдать».
Тячи тернесаськ сембе сятнень, кие нинге ашезь кенере сёрматфтомс мокшень газета, тиемс тянь тячи-ванды. Пингсь аф учи, подпискать шумордамс лядсь аньцек фкя недяля.
Минь газетаньконди можна тяштьфтемс республикань сембе уженятнень эса. И мяляфтость! «Мокшень правдась»—фкя инь интереснай и уцез газетась Мордовияса.
Кота ковонди сёрматфтомать питнец 348 цалковай 16 трёшник, колма ковонди—174 цалковай 08 трёшник.
Индекссь П4719.
10.06.2021  № 22
 

Саранск ошть 380 кизонь топодеманцты

Панчфокс панчт, кельгома столицаньке!
Мокшэрзянь краеньконь столицанцты—380 киза! Сон кизоста кизос  касонды-вииякшни и арси сядонга мазыкс. Тяни ётат сонь ульцянзон, проспектонзон, парконзон эзга и седице пяшкоди кенярдемада и гордостьта и ошть инкса, и марнек республиканьконь инкса.
Ули мезьса шнафтомс пря. Саранскяйсь эсь результатонзон мархта няфнесы, што сон правас коре сувси ся ошнень ёткс, конат маштозь тиендьсазь-латцесазь инновационнай тевть. Производственнай базать эрекста одкстопнеманц, од технологиятнень тевс сувафнемаснон вельде республикаса ноляви промышленнай продукциять пцтай колмоцекс пяльксоц—инновационнай. Тяни предприятиятнень продукциясна пачфневи 60-да лама странас. Шарьхкотьф, сембоса тяса инь оцю путксоц Саранскяйть.
Производстваса цебярь сатфксне макссихть возможность сяда лац решандакшнемс и социальнай кизефкснень. Столицасонк вишкста мольфтеви эряма вастонь, школань, больницянь, идень садонь, лия объектонь строямась. А кода аф марямс гордость мекольдень кизотнень строяф мировой стандарттненди сембоса отвечай спортивнай сооружениятнень инкса.
 Кепотьф мяльса тячи нинге весть азсаськ, што спортське Саранскяйса путф-кепотьф вяри вастс. Мокшэрзянь столицаньке лемневи спортивнай столицакс, сон арась Россиянь спортивнай центракс. Аф стак Саранскяйти максфоль пяк оцю честь—2018 кизоня ётафтомс футболть коряс Миронь чемпионатонь матчт. Тя вдь фантастика! Марнек мирсь ванць сянь мельге, кода Саранскяйса, «Мордовия Арена» стадионца, налхксть миронь инь цебярь футбольнай командатне. И столицаньконди мировой чемпионатонь матчнень ётафтоманкса максф пяк оцю оценка! Тяни Саранск ошсь, мокшэрзянь краеньке арасть содафокс марнек Россияса, мирса-масторса.
Тячи аш кода аф лятфтамс сянь колга, мезьста сембось тя ушедовсь, кодама ки ётаф.
Саранск ошсь шачсь-эвондась 1641 кизоня кода острог-крепость. Ошсь лемтьфоль Саранка ляйнять лемса, сяс мес острогсь-крепостсь строяфоль тя ляйнять кувалмова.
Васенце эряйхне тяса ульсть полковой казакт и стрелецт. Ряцок  служилай ломаттнень мархта тяза вихца панцевсть эряма и «жилецкяй» ломатть маластонь велетнень эзда. Рузда башка гарнизонца ульсть мокшет, эрзят, татархт.
XVII векть кучкаста Саранскяйсь кармась вишкста касома кода военнай, ремесленнай и торговай центра. 1651 кизоть пенцты Саранскяйсь арась ошекс, тяка кизоня тифоль Саранскяй уездсь.
1975 кизоня Саранск ошсь ётафтфоль Казанскяй губернияста Пензенскяй губернияв, кона аньцек тифоль.
XVIII векть пялестонза Саранскяйсь лоткси улемда кода военнай крепость, сон арси торговай ошекс, мишенькшнесь сёра, кетть, сиволь, каньф и иляназ. Кармась касома мелкай промышленностсь. 1980 кизоня ошса ульсь 89 аф оцю предприятия, конатнень продукциясна мишендевсь тязк ошса и маластонь уезттнень и губерниятнень эса. Населениясь пачкоди ни кемоньшка тёжянти. Куттне шуфтоннетольхть, сяс 1817 кизонь пожарста палсь ошть пяледа ламоц.
 1869 кизонь кучкать ошсь палсь пцтай марнек. Тяда меле Саранскяйсь кармась строявома од планонь коряс. Келептьфтольхть ульцятне, куттнень ёткса кадондовсть шава вастт.
XVIII векть песта ошса строяфтольхть маслобойнай, пеньковай, ректификационнай завоттне и казеннай виннай складсь. 1912 кизоня строяфоль элеватор, касфтфтольхть кафта уликс махорочнай фабрикатне.
Но сякокс Саранск ошсь пяк ляткшнесь фталу Россиянь лия ошнень эзда. Тястонь населениять оцю талекац аф грамотнаель. Ашесть сатне школатне, ашельхть учительскяй кадрат. Тяса ульсь авань гимназия, кона сяльде тифоль гимназиякс. Пингонь ётазь эвондайхть од учебнай заведеният, учительскяй семинария, алянь гимназия, ремесленнай училища, но теест специальнай зданият пцтай ашельхть, сяс занятиятне ётафневсть частнай ломаттнень кядьста сивотьф помещенияса.
Васенце аф оцю электростанциясь строяфоль 1914 кизоня, сонь энергияц сатнесь аньцек ошень предприятиятненди и сяда козяста эряйхнень кудснон валдопнемс.
Валом валом касондсь ошть населенияц. 1913 кизоня лувондовсь 20 тёжяньшка ломань, а 1916 кизоня—25 тёжянь.
Оцю полафткст тиевсть Советскяй властень кизотнень. 1928 кизоня тифоль Мордовскяй округ, кафта кизода меле тя округсь тифоль Мордовскяй автономнай областекс, а 1934 кизоня Мордовияти максфоль автономия. Саранск ошсь арась республикати столицакс. Сембода вишкста Саранскяйсь кармась касома-вииякшнема 20 векть кучкаста. Тифоль цебярь фундамент экономикать виияфтоманцты. Ошть северо-западнай и северо-восточнай ширесонза эвондасть промышленнай од райотт, коза строяфт оцю фабрикат и завотт. Васень мяльсь шарфневсь светонь источниконь, кабельнай и фармацевтическяй продукциянь нолдамати, микроэлектроникати и приборостроенияти.
Ошсь кармась культурнай и научнай центракс. Тяса панжевихть Н.П.Огарёвонь лемса Мордовскяй госуниверситетсь, Саранскяй кооперативнай институтсь и лия высшай учебнай заведеният, сядот общеобразовательнай школа, дошкольнай учреждения, Л.П.Кирюковонь лемса музыкальнай училищась, художественнай училищась и лама мезе лия.
Ошень эряйхненди тяни ули коса культурнайста ваймосем: зрительхненди фалу панжадот кенкшсна Мордовскяй государственнай рузонь драматическяй театрать, И.М.Яушевонь лемса Опернай и балетонь театрать, Мордовскяй государственнай национальнай театрать, С.Эрьзянь лемса изобразительнай искусствань музейть, краеведческяй музейть и стак тов.
Да, ламось полафтсь цебярь шири Саранскяйса. Столицаньке ламоксть участвондась 1-це категориянь ошнень ёткса «Россиянь инь цебярь благоустроеннай ошень поселениясь» Всероссийскяй конкурсса. Лятфтасаськ: Саранскяйсь котоксть лисендсь тя конкурсса призёркс—нилексть мельцек занцезе омбоце вастть и кафксть ульсь колмоцекс. А 2012 кизоня занязе васенце вастть.
Аш месть корхтамска, тя оцю сатфксть эшксса ащи тёжятть ломанень оцю и лама ширдень работасна. И, конешна, тянь сатоманкса лама тисть-заботендасть республикань и ошень руководительхне. Аш кода аф азомс тячи лямбе валхт коммунальнай службань работникнень лемс. Синь эрь кизоня тиендихть пяк лама сянкса, штоба ошень ульцятнень, площаттнень, паркнень эса улель аруши, улель порядка.
Ули кода учемс и надиямс, што Саранскяйсь, аф ваномок тячиень сембе стакатнень-сталмотнень и ограничениятнень лангс, сяда товга кармай касондома-вииякшнема, арсема сядонга благоустроеннайкс и мазыкс. Катк панчфокс панжи, минь кельгома столицаньке!
10.06.2021  № 22
 

Национальный проект «Здравоохранение». Региональный проект «Создание единого цифрового контура в здравоохранении на основе единой государственной информационной системы здравоохранения (ЕГИСЗ)»

 

Реализация проекта обеспечит повышение эффективности  системы здравоохранения Мордовии путем создания механизмов взаимодействия медицинских организаций на основе единой государственной системы и внедрения цифровых технологий и платформенных решений, формирующих единый цифровой контур.

 

Государственные и муниципальные медицинские организации, включая их структурные подразделения (ФАПы, подключенные к сети Интернет)будут оснащенынеобходимым информационно-телекоммуникационным и серверным оборудованием, локальными вычислительными сетями и компьютерами для автоматизированных рабочих мест медработников, криптографическим оборудованием для обеспечения защищенной сети передачи данных, электронными подписями для врачей.Будут внедрены медицинские информационные системы, соответствующие требованиям Минздрава России.

 

 

Напомним, что Президентом России Владимиром Путиным были объявлены 12 нацпроектов: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Главная задача национальных проектов – реальные позитивные изменения в жизни каждого российского гражданина и каждой семьи.

 

Мордовия участвует в 56 федеральных проектах, которые являются частью национальных.

 

10.06.2021
 

ТОП объектов нацпроекта 2021 года

 

В рамках национального проекта «Безопасные качественные дороги» в Республике Мордовия реализуются самые разноплановые объекты – крупные инфраструктурные объекты, объекты на дорогах, соединяющие города, подъезды к селам, улицы в Саранской городской агломерации.

 

Самым масштабным объектом нацпроекта в 2021 г. можно назвать строительство автомобильной дороги "Обход г. Рузаевка" в Республике Мордовия. В текущем году планируется ввести в эксплуатацию первый этап и приступить к реализации второго.

 

Самый протяженный объект этого года - ремонт автомобильной дороги г. Рузаевка - г. Ковылкино - р. п. Торбеево на участках км 3+125 – км 4+879, км 4+935 - км 14+900 в Рузаевском районе – 11,72 километра.

 

Самый инновационный объект этого года – реализация второго автоматического пункта весогабаритного контроля в Республике на трассе г. Саранск - р. п. Ромоданово - с. Большое Игнатово.

 

08.06.2021
 

Национальный проект «Культура». Региональный проект «Творческие люди»

 

В рамках реализации проекта в 2021 г. будет обновлена материально-техническая база и приобретено компьютерное оборудование для Пурдошанского сельского клуба Темниковского района.

 

Более 50 % жителей села регулярно участвуют в культурно-досуговых мероприятиях, проводимых работниками клуба. При нем функционируют 13 клубных формирований, в том числе вокальные ансамбли  «Ивушка», «Гармония» и «Калейдоскоп».

 

В проекте по обновлению материально-технической базы также принимает участие Ромодановский поселковый Дом культуры. Для него будет закуплено  современное звуковое оборудование.

 

 

Напомним, что Президентом России Владимиром Путиным были объявлены 12 нацпроектов: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Главная задача национальных проектов – реальные позитивные изменения в жизни каждого российского гражданина и каждой семьи.

 

Мордовия участвует в 56 федеральных проектах, которые являются частью национальных.

 

08.06.2021
 

Теньгушевский район: улица Ленина в райцентре преображается

 

В рамках регионального проекта «Формирование комфортной городской среды» проведен ряд ремонтных работ по ул. Ленина в Теньгушеве.    

 

В 2019 году благоустроена дворовая территория возле дома № 135, в 2020 г. – приведены в порядок дворы домов №№ 3,7 и 9. Преобразилась центральная площадь. Здесь оборудована пешеходная зона и зона отдыха со скамейками, произведено озеленение территории – посеян газон, посажены кусты спирей и роз, организовано освещение.

 

В 2021 году благоустройство продолжится на территории домов №№ 11,13 и 15. На эти цели выделено 1 545,9 тыс. руб. ООО «ЕСМ-групп» (г. Саранск) обустроит спортивную площадку. ООО «Строй сервис» выполнит работы по устройству парковки, установке скамеек и урн, асфальтированию подъездных путей.

 

  

 

Напомним, что Президентом России Владимиром Путиным были объявлены 12 нацпроектов: «Демография», «Культура», «Здравоохранение», «Образование», «Жилье и городская среда», «Экология», «Безопасные и качественные автомобильные дороги», «Производительность труда и поддержка занятости», «Наука», «Цифровая экономика», «Малое и среднее предпринимательство и поддержка индивидуальной предпринимательской инициативы», «Международная кооперация и экспорт». Главная задача национальных проектов – реальные позитивные изменения в жизни каждого российского гражданина и каждой семьи. Мордовия участвует в 56 федеральных проектах, которые являются частью национальных.  

 

08.06.2021
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин