Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Т.Н.МАКЕЕВА: «КОРХНЕДА ШАБАНТЕНЬ МАРХТА МОКШЕКС!»

Пяк пичефти ся, што кизоста кизос мокшекс корхтайда арси сяда кржа. Кда сявомс хуш монь идькс пингозень, 70-це, 80-це кизотнень велетнень эзга сембе шабатне корхтасть эсь родной кяльсост. Пеетькшневсть ся мокшетне, конат виздсть эсь кяльснон эзда. А 2000 кизотнень, Саранскяйса вузса тонафнемста, университетонь общежитияса, коса эрясть районцта саф тонафнема студенттне, шуроста васьфтелеть од ломань, кона ба афолезе сода эсь родной кяленц. Тоса и тяса кайгсь мокшень и эрзянь кяльсь.

 

Ётась аньцек 20 киза и ся пингста лама мезе полафтсь. Кепотьксонди, тяни Н.П.Огарёвонь лемса МГУ-нь филологическяй факультетста аф эсток муят од ломань, кона ба корхталь ару мокшень кяльса. Тяниень пингонь студенттнень эзда ламонцне, конат сафт мокшень и эрзянь кяльхнень тонафнема, аньцек шарьхкодихть, а  родной кяльса корхтама тяряфнихть тонафнема вузса, и тя, аф ваномок сянь лангс, што синь шачсть и эрясть велеса. Лисенди, тядясна-алясна ня касф шабатнень родной кяльть лангс мяль ашесть шарфне. А аньцек школаса «Мокшень кяль» предметть тонафнеманц вельде кяльсь роднойкс мзярдовок аф арай. Вдь роднойкс сон лувондови эста, мзярда тя кяльса шабась азсыне васенце валонзон. Шачемань кяльса ломанти инь лац азондовихть мяленза-арьсеманза, тя кяльса арьси сонь пряуец.

 

Кялень юмамась—тя прябала, кона ащи ёмла лувксонь эрь народть инголе.      ЮНЕСКО-ть даннаензон коряс, средняйста эрь 15 шиста юмси фкя кяль. Кда эсонза аш фкявок корхтай, сон лемневи кулофокс. Мекольце пинкнень башка мяль шарфневи мокшень и эрзянь кяльхненди, сембе минценнеть ванфтоманцты. Но тя тевса шарьхкодема ся, што ламось ащи эсь эздонк. Корхтатама-аф минць эсь кяльсонк? Лувонттама-аф шачема кяльсонк литература? Тонафтсаськ-аф кяльти иденьконь?

 

Таколфты ня кизефкснень колга ня шитнень корхнеме мокшень кялень и литературань тонафтыть Т.Н.Макеевать мархта. Татьяна Николаевна покоди Ковылкинскяй райононь Порапа велень средняй общеобразовательнай школаса. Тя пара вайме учительницать мархта корхнемста шарьхкодевсь, Татьяна Николаевна музе эсь вастонц эряфса, седишкава кельгсы эсь тевонц, эсь кяленц, народонц.

 

—Татьяна Николаевна, Порапась оцю веле, коса эряйхть пцтай аньцек мокшет. Азонтк, кода тяни ащи тевсь родной кяльть содаманц мархта. Сембе-аф иттне корхтайхть мокшекс?

 

—Школаса мокшень кялень учителькс покодян 29 киза. Аш месть сёпондомс, тя пингть лама мезе полафтсь аф пяк цебярь шири. Кепотьксонди, 1991-2009 кизотнень мон работань Ковылкинскяй райононь Сире Сомай мокшень велень школаса. Эста сембе иттне содазь родной кяльснон, теест прязостка ашезь сашенда эсь ётковаст корхнемс рузкс.  Школьнай программаса ульсь сатомшка урок, штоба тонадомс кяльть грамматиканц, литературнай форманц. 2009-2013 кизотнень работань Рыбкинань школаса, сяс мес Сире Сомаень школать сёлгозь. Хуш велесь и мокшень, но ламоль и рузонь семьядонга. Сяс иттнень ёткса ульсть стапт, конат кяльть ашезь сода. И тонафтомань тевса эвондасть сталмот. Эряви васендакиге максомс содамошит мокшень иднятненди родной кяльснон коряс и, тяка пингть, рузонь шабатненге шарфтомат мяльсна кяльть тонафнеманцты, штоба и синьге мяль вельде сашендольхть урокс. Тя задачась аф тёждятнень эзда. 2013 кизоста сявомок тячити молемс мон тонафнян Порапань шабатнень эса. Арьсень, Порапаса кармай сяда пара работамась, тя велеса шачень, семьятнень содасайне, сембе мокшет. Но, кода содавсь, тяниень пингонь велеса родной кяльть ролец лафчемсь, и тя сембода пяк няеви иттнень ёткса. Кда оцю класса тонафнихне нинге корхтайхть мокшень кяльса, а вов ёмлатнень ёткста пцтай пялесна кяльть аф содасазь, аньцек шарьхкодихть. Тя монь пяк пичефтьсамань, сяс мес ёфси сельминголен юмси монь родной кялезе.

 

—Кода арьсят, мес тяфта лисенди?

 

—Васендакиге, сембось моли семьяста. Тейне аф шарьхкодеви туфталонкса тяни мокшетне корхнихть шабаснон мархта рузкс. Тя оцюдонга оцю эльбятькс!

 

Азондан тядянь эсь опытозень колга. Монь идне 4-5 кизос корхтасть аньцек мокшекс, меле ушедонь саворне синь тонафтомост корхтама рузкс. Лятфнеса, ётафнень мархтост недяляти весть рузонь кялень ши. Мзярда шиньберьф кудса корхнеме рузкс. И вдь тонадозь лац рузонь кяльтьке. Аш фкявок мокшень шаба, кона афоль корхта рузкс, а вов эсь родной кялень аф содайда тяни пяк лама. Кода мокшень кялень учительхть, эсь ширденк минь тиендьсаськ семботь, мезе вийсонк. Старандатама шарфтомс иттнень мяльснон родной кяльснонды. Примсетяма участия шабатнень мархта эрь кодама мероприятияса, пялькстомаса. Кепотьксонди, кда тя стихонь азондомань конкурс, эста аноклакшнетяма стихотвореният мокшень кяльса. Путнетяма спектакльхть эсь кяльсонк. Ётафнетяма школаса васедемат мокшень писательхнень, поэттнень мархта. Кепотьксонди, школазонк сашендсть Р.Орлова, П.Алёшина, Н.Циликин, В.Брындина, Н.Чумбаева и лиятне. Тяка пингть, тага весть китькстаса, кда минь кудса аф карматама корхнема шабаньконь мархта мокшекс, кодамовок учителенди синь аф тонафтовихть родной кяльть содама.

 

—Татьяна Николаевна, корхтаманьконь аделамста, мезе азолеть  тядятненди-алятненди?

 

—Мон фалу корхнян тонафнихнень тядяснонды-аляснонды. Мокшень ломатть, мес тяни эсь шабантень лувсасть корязонт сяда кальдявкс? Мес аш мяленте максомс идентенди сянь, мезсь максф теест Шкайть эзда? Атянь-атяньке корхнесть тя кяльса, шутендакшнесть, морот морсесть, а тинь ёратада эсь шабантень лангса лоткафтомс кяльть кайгоманц. Мяляфтость, пингсь меки аф мрдафтови и мархтонза мазы кяленьке, козя культураньке. Лама тя тевса эздонт аф эряви, аньцек корхнеда идентень мархта мокшекс.

 

—Сюкпря!

 

Т.ПЕТРОВА.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022