Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

СТИХСА ШНАЗЕ ШАЧЕМ КРАЙТЬ

Атюрьевскяй райононь Кяшал велеса шачсь-кассь лама содаф поэт. Фкясь синь эздост Ф.М.Костяйкин. Сонь лемнезь рабочай поэтокс. И афкукс, вуз Фёдор Максимович ашезь адела. Газетаса, журналса ашезь труденда. Но сембе сяка Ф.М.Костяйкин нолдась крхка ункст мокшэрзянь литературав, кадсь стихонь пусмот, арась содавиксокс республикаса.

 

 

—Кяшалса пяк ламоль асу ломаньда,—корхтай трудонь ветеранць И.Г.Сятишев.—Ульсть стихонь, азксонь, баснянь, ёфксонь сёрмадыхть. Аф сембе эздост арасть содафокс. А вов Костяйкинонь лемоц кайгсь «Мокшень правдаса», «Мокша» журналса. Нолдась аф фкя книга. А сонь образованияц—кемонь класст.

 

—Тевсь ёфси аф образованияса, а асушиса,—поладозе педагогическяй трудонь ветеранць Ф.А.Богданова.—Кяшалонь школав мон сань Зубова   Полянань педагогическяй училищада меле. Костяйкин тонафнесь школаса. Цёранясь отькорель. Нинге эста варчсезень виензон стихонь сёрмадомаса. И тя тевть ашезе кадонда куломозонза. Арьсян, што стихонза сонь аф кальдяфт. Мзярда школаса вятень мокшень кяль и мокшэрзянь литература, Костяйкинонь фалу путнине иттненди примеркс, лувондоськ урокса стихонзон.

 

Фёдор Максимовичень биографияц тяльги кагодонь фкя лопаняс. Шачсь 1941 кизонь 1 мартста Кяшал велеса. Аляц, Максим Костяйкин, сявфоль фронту, тюрсь фашисттнень каршес. Тядяц, Агафья Костяйкина, трудендась колхозса. Одс  шачинясь няйсь лама вачаши и нужаши. Войнась аделавсь. Цёранясь тусь школав. Тя школаса сон аф весть няендезе  содаф поэтть, фронтовикть А.С.Малькинонь. Александр Степанович тяса работась учителькс рьванц мархта. А Саранскяйса эрямстонза сашендсь ученикнень, учитель ялганзон мархта васьфтема. Нят ульсть И.Ф.Алямкин, Т.О.Алямкин, В.С.Богданов и лиятне. Лангозонза ванозь Федяньге крьвязсь тяштемань цятконяц.

 

Школать аделамда меле работась велень клубса заведующайкс. Аноклакшнесь концертт, илат. Сценарийхнень илань ётафтомс аноклакшнезень сонць. Тяшнесь аф оцю сценканят велень эряфть колга, путнезь синь клубонь сценать лангса. Сёрматкшнесь сиде моронят, стихт, конатнень морсезь-лувондозь иттне, аватне.

 

Аф лама пингонь ётазь сявозь работама Чудинка велень илядень школав.  Тя ульсь 1966 кизоня.

 

—Ф.М.Костяйкинонь мархта работаме илядень школаса,—азонды велень хозяйствань ветеранць Ф.В.Симайкин.—Сон вятезень велень цёратненди автотевонь урокнень.

 

Фёдор Максимовичень рьвац, Татьяна Кузьминична, Красновканнель.

 

Чудинкань школада меле Фёдор Максимович ётась эряма семьянек Рузаевкав. Пцтай колмогемонь киза покодсь таксистокс, слесарькс. А мекольдень кизотнень трудендась Саранскяйса почтальонкс, каннесь газетат и журналхт Ботевградскяй и лия ульцянь эряйхненди. А кельгома рьвац, Татьяна Кузьминична, 40 киза трудендась стройкаса.

 

—Фёдор Максимович ширезонк сашендсь пяк сидеста,—корхтай рьванц сазороц А.К.Чудаева.—Эста эряме Красновкаса. Тяни тя велеса аш фкявок эряй. Тяшнесь стихт и фалу вешсь видеши. Ломанць пяк интереснаель. Якась школатнень ланга. Эстонь кизотнень школада ламоль. Лувондозень эсь сёрматфонзон, седикс-ваймокс корхнесь иттнень, учительхнень мархта.

 

Аксинья Кузьминична лятфтазе, што, аф ваномок стака характеронц лангс, сон кельгозе рьванц, идензон. Рузаевкань квартирасонза примсезень сембе раднянзон. Авань племянникненди, лия раднятненди лездсь вузса, училищаса тонафнемста. Касфтсть Татьянань мархта кафта цёрат. Фёдор Фёдорович семьянц мархта эряй Новороссийскяйса, Юрий Фёдорович—Рузаевкаса. Кафцьконь кафтонь идьсна.

 

Аф тёждя книгань нолдамась. Кафтонь-крда стака рабочай поэтти. Но, аф ваномок мезеньге лангс, Ф.М.Костяйкин сёрмадсь, нолдась книгат. Васенце стихонза лиссть «Праздникть ушедомац» лем ала стихонь марстонь сборникса. Тяда меле лиссть нинге колма книганянза «Пиземня» (1995 к.), «Вармада вишкан» (2001 к.), «Кельгомань морот» (2009 к.). Но, эряви азомс, што афкуксонь питне творчестванцты, книганзонды апак макст. «Мокшень правдаса», «Мокша» журналса колганза сёрмадсть Атерень врачсь-психиатрсь В.М.Сиркин, содаф журналистсь И.А.Шукшин. А редакторкс Костяйкинонь стихонзонды ульсть М.С.Моисеев, А.П.Тяпаев, И.Н.Кудашкин, Е.Я.Терёшкина, И.М.Девин, лиятне.

 

Фёдор Костяйкин сёрмадсь аф аньцек стихт, но и азкст. Улихть публикациянза кялень, мокшэрзянь литературань кизефкснень коряс. Сон сёрмадсь «Мокшень правдаса» В.Чукаровонь, И.Надёжкинонь, В.Ерцкинонь колга. Васенцеть лемоц лац содаф мокшэрзянь литератураса. И.В.Надёжкинонь колга содатама пяк кржа. Сонь аф тёждяль судьбац. Эряфонц пяледа ламонц ётафтозе больницяса. Тяшнесь стихт, азкст. Печатлакшневсть газетаса, журналса. Но книга нолдамс теенза ашезь удала. В.Ф.Ерцкин эрясь Чудинкаса. Сёрмадсь аф кальдяв стихт, конатнень печатлакшнезь «Мокша»  журналса, «Мокшень правдаса», Атерень районнай газетаса. Ф.М.Костяйкин сёрмадозень эсь мялензон-арьсеманзон «Тядянь паваз, косат?» поэманц колга. Тя рецензияц печатлафоль «Мокшень правдать» 2005 кизонь 21 июлень номерсонза.

 

Ф.М.Костяйкин лац содафоль национальнай изданиянь редакциятнень эса. Сидеста каннесь стихт. Аф сембе, конешна, печатлакшневсть газетаса, журналса, но ламотне мушендозь эсь лувиснон. Да и тянивок панчсайть школань морафтомань книгатнень, сельминголет повихть Ф.Костяйкинонь стихонза. Сон сёрмадсь водителень аф тёждя кинзон-янонзон колга, кельгомать, седиень лямботь, перьфпяльть, мазышить квалма. Шназень шачема-касома Кяшал веленц, трудонь кельги земляконзон. «Вармада вишке», конешна, ашель, но кенерькшнесь тиемс оцю тефт. То Саранскяйста няелить, то Атерьста, Кяшалста васьфтелить. И фалу кодама-бди тефт якафтсь. Кельгозе мокшень кяльть, мокшэрзянь литературать. А сонць тонафнесь А.С.Малькинонь, И.М.Девинонь,  М.С.Моисеевонь, С.В.Кинякинонь, М.Г.Имярековонь, Е.С.Тимошкинонь творчестваснон эзда.

 

Мекольдень кизотнень Ф.М.Костяйкин сидеста сярядсь. Хуш и тяшнесь, сашендсь редакцияв, но тя ульсь аф ся отькорь ломанць. Кулось 2006 кизоня. Калмаф Рузаевкав. И вов ни кеветие киза кода аш мархтонк.

 

Арьсян, Ф.М.Костяйкинонь творчестванц лангс шарфтыхть мяль библиотекаса, школаса. 80 кизонь юбилеенцты ётафтыхть поэзиянь, лятфнемань илятть, литературнай илат.

 

Илья Вешкин,

 

Россиянь Писателень

 

союзонь член.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022