Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ШАЧЕМА МАСТОРТИ КЕЛЬГОМАТЬ АЗОНДСЫ РОДНОЙ КЯЛЬТЬ ВЕЛЬДЕ

Валентина Тюрькина—Мамолаевскяй средняй школаса аф од ломань, сон родной кялень и музыкань преподаватель. Сонць шабрань Самозлейкаста. Шумордамок велеса 8 классонь школать, мархтонза фкя класса тонафнихнень мархта якась Краснослободскяй райононь Сире Рябка вели, ётнемок колмонь вайгяльбе. Тяфта получась средняй образования.

 

Меле ни шумордасы Н.П.Огарёвонь лемса Мордовскяй государственнай университетть филологическяй факультетонц. Мокшень родной кяльсь арай теенза главнай предметокс тонафнемаса и эряфонцты смузькс. Бта исяк васенцеда аськолдась школать порогонц вельфке, самок учителькс работама, а тяни ни Тюрькинать лафтувонзон фтала пцтай комсь киза трудовой стаж. Кельгсы сон эсь профессиянц, получамок бславама пара вайме наставниконц эзда.

 

—Школань сембе шумордайхне арьсихть сяда товолдонь киснон колга. Маргарита Михайловна Беспалова ульсь тейне инь кельгома учительнень эзда фкясь, сон и макссь совет сотомс эряфозень иттнень, школать мархта. И вестевок ашень каенда, што тяфта тиень,—мярьгсь Валентина Ивановна.—Тонафтан итть, тонафнян монць…

 

Сон лама идень семьяса ветеце шабасель. Васенда ялганза тернезь поступамс кооперативнай техникуму, коза и максозень документонзон, но образованиясь сяда пяк салазе мяленц. Мамолаевскяй крайсь—вирень и пяк мазы, козя пангса-иможса уженя, ули коса ваймамс, ётка пингть перьфпяльса ётафтомс. И ломаттне тяса цебярьхть, ламотне эздост корхтайхть и морафтыхть мокшень родной кяльса. Валентина Ивановна кеняртькшни, мзярда тонафниенза сяськондихть творческяй конкурснень и предметнай олимпиадатнень эса.

 

—Асу тонафнись Валентина Шавачина аф весть примсесь участия творческяй конкурснень эса, межрегиональнай предметнай олимпиадаса сатозе 2-це вастть мокшень кяльть коряс. Музе эсь вастонц здравоохраненияса, тяни работай врачекс. Родной кяльть коряс муниципальнай и республиканскяй олимпиадатнень эса лисендсть призёркс Мамолаевскяй  СОШ-нь тонафнихне Татьяна и Кристина Малькинатне. Мекольцеда 2019 кизоня конкурсса призовой вастть сатоманц мархта кеняртьфтемазь Наталья Мурзаева, тяни сон тонафни юристокс,—школань директорть заместителенц Валентина Тюрькинать вайгяльса кулеви гордостень маряма эсь тонафниензон инкса, конат тиендьсазь содафокс эсь школаснон тонафнемаса и трудса сатфксснон мархта.

 

Валентина Ивановна отвечай тонафнемань-воспитандамань работать инкса. 60-да лама шабась, конатнень пялесна шабрань велетнень эзда, тонафнихть Мамолаеваса, пачфневихть школьнай автобуснень мархта. Эрть сонцень прянь вятемац, конанди кочкама панжеманя, эрь шабать мяленц салама тя или тона эрявикс тевть мархта и аф тонафнема пингть. В.И.Тюрькина ётафнесыне культурно-массовай пуромкснень, башка мяль шарфнемок мокшэрзянь кунардонь койхненди, народнай промыслатнень няфнемаснонды, кудъётконь паршихнень тевс нолямаснонды. Козякоткшни школань музейсь тонафнихнень кядьснон мархта тиф поделкаса. Оцю мяль тяса шарфневи иттнень и од ломаттнень патриотическяй воспитандамаснонды. Великай Отечественнай войнань фронттнень лангса тюри геройхнень-землякнень колга пачфнихть стенттне и выставкатне, ламоц экспонаттнень тиезь тонафнихне.

 

Валентина Ивановна Тюрькинать валонзон коряс, Мамолаевскяй средняй школаса ётафневихть родной кялень ши и ков, конатнень эса примсихть участия сембе тонафнихне. Сембонди эряви содамс эсь юрснон, эсь велеснон историянц, народнай праздникнень. Тя цельть инголенза путнесы школать педагогическяй коллективоц, руководителец и сонь заместителец Валентина Тюрькина. Тядянь-алянь масторти кельгомась ётни родной кяльть пачк.

 

Пётр САМСОНКИН.

 

СНИМКАСА:  В.И.Тюрькина.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022